រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានអំពាវនាវដល់ក្រុមសំដែងពិធីបុកល័ក្ត ត្រូវតែត្រួតពិនិត្យ និងរៀបចំឡើងវិញ ទាំងកាយវិការទាំងពាក្យសំដីនិយាយពាក់ព័ន្ធព្រះរបស់ឥស្លាម…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា បានអំពាវនាវដល់ក្រុមសំដែងពិធីបុកល័ក្ត ត្រូវតែត្រួតពិនិត្យ និងរៀបចំឡើងវិញ ទាំងកាយវិការទាំងពាក្យសំដីនិយាយពាក់ព័ន្ធព្រះរបស់ឥស្លាម ។
សម្តេចតេជោហ៊ុន សែន បានសរសេរលើបណ្តាញសង្គម នៅថ្ងៃទី២៤ ខែកុម្ភៈ ឆ្នាំ២០២៦នេះថា ៖ ក្បែភ្លឺយប់មិញ ខ្ញុំបានបង្ហោះសារទាក់ទងដល់ពិធីបុកលក្ត័ ដែលមានតួសម្តែងជាខ្មែរឥស្លាម ។ សម្តេចតេជោ ក៏បានលើកឡើងថា ឆ្លងកាត់នូវយោបល់របស់បងប្អូន ដែលជាខ្មែរឥស្លាម បង្ហាញឲ្យឃើញថា បងប្អូនមិនបានជំទាស់ និងការសំដែងដែលមានតួរសំដែងជាបងប្អូនខ្មែរឥស្លាមនោះទេ ។
សម្តេចតេជោ បានបញ្ជាក់ថា៖« អ្វីដែលបងប្អូនមិនសប្បាយចិត្ត គឺពាក្យពេជ និងឥរិយាបទសំដែងខ្លះ ខ្វះការគោរពចំពោះព្រះរបស់ឥស្លាមទើបធ្វើឲ្យមានប្រតិកម្ម» ។ សម្តេចតេជោ ប្រធានព្រឹទ្ធសភាក៏លើកឡើងថា៖«រឿងនេះ សូមបងប្អូនគ្រប់ក្រុមសំដែង ត្រូវតែត្រួតពិនិត្យ និងរៀបចំឡើងវិញទាំងកាយវិការទាំងពាក្យសំដីនិយាយ» ។
សម្តេចបន្ថែមថា បងប្អូនឥស្លាមទូទាំងពិភពលោក គោរពខ្លាំងណាស់ នូវព្រះអាល់ឡោះដូចនេះ មិនអាចសំដែងប៉ះពាល់បានទេ ។ ដូចនេះ បញ្ហានេះបានចាប់ផ្តើមចេញពីការមិនយល់ពីតួរអង្គសំដែង ឬក្រុមសំដែងដែលទាមទារនូវការកែតម្រូវជាបន្ទាន់ ទាំងពាក្យសំដីទាំងកាយវិការសម្រាប់ការសំដែង ជៀសវាងឲ្យខាងតែបាននូវពាក្យពេជ្រ ឬកាយវិការខ្វះការគោរពចំពោះបងប្អូនឥស្លាម ។
ជាមួយគ្នានោះដែរ សម្តេចក៏សូមឲ្យស្មារតីសាមគ្គីភាពរវាងជាតិសាសន៍ និងសាសនា នៅកម្ពុជា បន្តរីកចម្រើនតទៅមុខទៀត៕
ចែករំលែកព័តមាននេះ