ខេត្តបន្ទាយមានជ័យ ៖ ភាគីថៃ ហ៊ុមព័ទ្ធយកដីរបស់ប្រជាពលរដ្ឋចំនួន៦ភូមិ ក្នុងនោះស្រុកអូរជ្រៅ២ភូមិ និងតំបន់បឹងត្រកួន ចំនួន៤ភូមិ ដែលមានគ្រួសារសរុបចំនួន ២.៦៩៤នាក់ និងកុមារចំនួន…
ខេត្តបន្ទាយមានជ័យ ៖ ភាគីថៃ ហ៊ុមព័ទ្ធយកដីរបស់ប្រជាពលរដ្ឋចំនួន៦ភូមិ ក្នុងនោះស្រុកអូរជ្រៅ២ភូមិ និងតំបន់បឹងត្រកួន ចំនួន៤ភូមិ ដែលមានគ្រួសារសរុបចំនួន ២.៦៩៤នាក់ និងកុមារចំនួន ៣.១១៦នាក់ ដែលកំពុងរងគ្រោះ ជាពិសេសផ្នែកផ្លូវចិត្តរបស់ពួកគាត់ នេះគឺជាការលើកឡើងរបស់លោក អ៊ុំ រាត្រី អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តបន្ទាយមានជ័យ ក្នុងពិធីបើកវគ្គគ្រូបង្គោលសុខភាពផ្លូវចិត្ត និងចិត្តសាស្ត្រសង្គម នៅថ្ងៃទី២៣ ខែកុម្ភៈ ឆ្នាំ២០២៦ នៅសាលប្រជុំក្រុមប្រឹក្សាខេត្ត ដោយមានការចូលរួមពីលោក ប្រែននីសាន់ ម៉ូរ៉ាល អ្នកសម្របសម្រួលសុខភាពផ្លូវចិត្ត នៃកាកបាទក្រហមហុងកុង លោក ហង់ ចាន់សាណា ប្រធាសនការិយាល័យ សុខភាពគ្រាអាសន្ន នៃកាកបាទក្រហមកម្ពុជា ព្រមទាំងក្រុមកាងារទីស្នាក់ការកណ្តាល លោក យ៉ុន បញ្ញាវ័ន្ត មន្ត្រីសហប្រតិបត្តិចលនាសកាកបាទក្រហម ICRC លោក អ៊ុប ពុទ្ធា ប្រធាសនការិយាល័យ សង្គ្រោះបឋម ទីស្នាក់ការកណ្តាល និងសិក្ខាកាមមកពីរធានី-២៣ខេត្ត ចូលរួម ។
លោក អ៊ុំ រាត្រី បានបញ្ជាសក់ថា វគ្គបណ្តុះបណ្តាល រយៈពេល០៥ថ្ងៃនេះ ពិតជាមានសារៈសំខាន់ខ្លាំងណាស់ដល់មន្ត្រី បុគ្គលិកកាកបាទក្រហមកម្ពុជា ទាំង២៣៤សាខា ដើម្បីក្លាយជាគ្រូបង្គោលសុខភាពផ្លូវចិត្ត និងចិត្តសាស្ត្រសង្គម។ ដូច្នេះ មន្ត្រី បុគ្គលិកទាំងអស់ ដែលមានវត្តមានៅទីនេះ ពិតជាខិតខំប្រឹងប្រែងយកអស់កម្លាំងកាយចិត្ត និងចូលរួមគ្រប់សកម្មភាព ជាមួយគ្រូឧទ្ទេសនាម ដើម្បីទទួលបាននូវចំណេះដឹងខ្ពស់ និងយកចំណេះដឹង ដែលទទួលបានក្នុងរយៈពេល៥ថ្ងៃនេះ ទៅផ្សព្វផ្សាយបន្ត ដល់សហគមន៍របស់ខ្លួន ។
ជាមួយគ្នានោះផងដែរ លោកអភិបាលខេត្ត ក៏សូមថ្លែងអំណរគុណ យ៉ាងជ្រាលជ្រៅ ដល់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់ ពីសុខទុក្ខរបស់ប្រជាពលរដ្ឋ ក្នុងខេត្តបន្ទាយមានជ័យ ដែលជាខេត្តមួយ ត្រូវបានភាគីថៃ ហ៊ុមព័ទ្ធយកដីរបស់ប្រជាពលរដ្ឋ ចំនួន៦ភូមិ ក្នុងនោះ ស្រុកអូរជ្រៅ ២ភូមិ និងតំបន់បឹងត្រកួន ចំនួន៤ភូមិ ដែលមានគ្រួសារសរុប ចំនួន២.៦៩៤នាក់ និងកុមារចំនួន៣.១១៦នាក់ ដែលកំពុងរងគ្រោះ ជាពិសេស ផ្នែកផ្លូវចិត្ត របស់ពួកគាត់ ៕
ចែករំលែកព័តមាននេះ