សហរដ្ឋអាមេរិក ៖ តុលាការកំពូលអាមេរិក កាលពីថ្ងៃទី២០ កុម្ភៈ បានរាំងខ្ទប់ផ្នែកមួយដ៏ធំនៃពន្ធគយរបស់លោកដូណាល់ត្រាំ ដែលនោះជាសេចក្ដីសម្រេចនាំឲ្យផ្ទុះប្រតិកម្មដោយប្រុងប្រយ័ត្នលើពិភពលោក ។ តុលាការកំពូលអាមេរិក នាថ្ងៃទី២០…
សហរដ្ឋអាមេរិក ៖ តុលាការកំពូលអាមេរិក កាលពីថ្ងៃទី២០ កុម្ភៈ បានរាំងខ្ទប់ផ្នែកមួយដ៏ធំនៃពន្ធគយរបស់លោកដូណាល់ត្រាំ ដែលនោះជាសេចក្ដីសម្រេចនាំឲ្យផ្ទុះប្រតិកម្មដោយប្រុងប្រយ័ត្នលើពិភពលោក ។
តុលាការកំពូលអាមេរិក នាថ្ងៃទី២០ កុម្ភៈ នោះ បានដកសុពលភាពលើផ្នែកមួយដ៏ធំនៃពន្ធគយហៅពន្ធបដិការលើបណ្ដាផលិតផលនាំចូល ដែលបង្កើតឡើងដោយលោកដូណាល់ត្រាំ ដែលនោះជាការវាយបកដ៏ចម្បងមួយលើនយោបាយពាណិជ្ចកម្មរបស់លោក ។
ការសម្រេចចិត្តនោះ របស់តុលាការកំពូលនាំឲ្យមានបញ្ហាខាងផ្លូវច្បាប់នៃពន្ធទាំងនេះ ដែលរក្សាទុកឲ្យអនុវត្ត តែលើផ្នែកពិសេសមួយចំនួនប៉ុណ្ណោះ ។ បែបនេះ នាំឲ្យមានប្រតិកម្មភ្លាមៗនៅក្រុងវ៉ាស៊ីនតោន និងក្នុងចំណោមដៃគូពាណិជ្ជកម្មធំៗរបស់អាមេរិក ។
ប្រធានាធិបតីអាមេរិកមានប្រតិកម្មខ្លាំងបំផុតលើការសម្រេចនេះដោយចាត់ទុកថា ជាក្ដីអាម៉ាស់មួយ។ ប្រធានសភាអាមេរិកលោកMIKE JOHNSON គូសបញ្ចាក់ថា សភានិងរដ្ឋាភិបាល នឹងកំណត់ផ្លូវដ៏ប្រសើរដែលត្រូវដើរនាបណ្ដាសប្ដាហ៍ខាងមុខ។ លោកការពារយុទ្ធសាស្ត្រពាណិជ្ជកម្មរបស់ប្រធានាធិបតីដោយអះអាងថា ការប្រើប្រាស់ច្បាប់ពន្ធគយនោះផ្ដល់ឱកាសឲ្យអាមេរិករកប្រាក់បានច្រើនពាន់លានដុល្លារ និងបង្កើតជន្ទល់ធំមួយសម្រាប់យុទ្ធសាស្ត្រពាណិជ្ជកម្មអាមេរិក ។
ចំណែកអភិបាលរដ្ឋកាលីហ្វ័រនីញ៉ា លោកហ្គាវីនញូវសុន ជាអ្នកប្រជាធិបតេយ្យ ដែលរដ្ឋលោកប្រឆាំងនយោបាយពន្ធគយនោះរបស់លោកត្រាំលើកឡើងថា ច្បាប់ពន្ធគយទាំងនោះគ្មានអ្វីក្រៅពីការប្រព្រឹត្តខុសច្បាប់ ដែលនាំឲ្យតម្លៃទំនិញឡើងថ្លៃខ្ពស់និងបំផ្លាញបណ្ដាគ្រួសារ។ ប្រធានាធិបតីអាមេរិក ក្រោយការសម្រេចនេះរបស់តុលាការកំពូល ប្រកាសនាថ្ងៃទី២១កុម្ភៈថា នឹងបង្កើនពន្ធគយពិភពលោកពី១០ទៅ១៥% ជាមួយការអនុវត្តភ្លាមៗ ៕
ចែករំលែកព័តមាននេះ