ដើម្បីបន្តពង្រឹង និងលើកកម្ពស់ជំនឿ ដូចជាប្រសិទ្ធភាពវេជ្ជសាស្ត្រនៅក្នុងប្រទេស ក៏ដូចជា
កសាងនូវជំនឿទុកចិត្តរបស់មន្ទីរពេទ្យនានាដល់ប្រជាពលរដ្ឋ ក្រសួងសុខាភិបាលបានកំពុងតែប្រមូលធាតុចូល ហើយឈានទៅចងក្រងជាក្រមប្រតិបត្តិសម្រាប់អភិវឌ្ឈន៍មន្ទីរពេទ្យថ្នាក់តំបន់និងមន្ទីរពេទ្យបង្អែកនានា ។
ក្រសួងសុខាភិបាលបានអះអាងថា សេចក្តីព្រាងចុងក្រោយនៃសេចក្តីណែនាំប្រតិបត្តិសម្រាប់អភិវឌ្ឍមន្ទីរពេទ្យថ្នាក់តំបន់ និងមន្ទីរពេទ្យបង្អែក រាជធានី ខេត្តបានកំពុងពង្រាងឡើង ហើយកាលពីសុក្រកន្លងទៅ គឺក្រសួងបានរៀបចំសិក្ខាសាលាពិគ្រោះយោបល់ថ្នាក់ជាតិ ។
ដើម្បីឲ្យសេចក្តីណែនាំប្រតិបត្តិនេះ វាមានប្រសិទ្ធភាព ក្រសួងបានកំពុងតែប្រឹងប្រែង ប្រមូលធាតុចូលពីភាគីពាក់ព័ន្ធលើសេចក្តីព្រាងចុងក្រោយ ដើម្បីធានាថាឯកសារនេះ មានសង្គតិភាពជាមួយនឹងគោលនយោបាយពាក់ព័ន្ធនានា និងមានលក្ខណៈសមស្របសម្រាប់ការអនុវត្តជាក់ស្តែង។
ជាការពិត ចាប់តាំងពីឆ្នាំ២០២៣ មកដល់ពេលនេះ មន្ទីរពេទ្យនានានៅកម្ពុជាបានកំពុងតែកែលំអនិងធ្វើទំនើបកម្ម ដើម្បីធានាសេវាកម្មសង្គ្រោះជីវិតមនុស្ស ប៉ុន្តែទោះជាយ៉ាងណក៏ដោយ ពលរដ្ឋមួយចំនួននៅតែបន្តវេចលុយទៅស្វែងរកសេវាកម្មព្យាបាលជំងឺនៅក្រៅប្រទេសដដែល ។
ចែករំលែកព័តមាននេះ