សកម្ពុជា ទាមទារឱ្យថៃដោះលែងពលរដ្ឋ និងនាវានេសាទខ្មែរ ជាបន្ទាន់ ក្រោយការរំលោភអធិបតេយ្យភាពដែនសមុទ្រកម្ពុជា
- ភ្នំពេញ
រាជធានីភ្នំពេញ ៖ ក្រសួងការបរទេស នៅថ្ងៃទី ២២ ខែ កុម្ភៈ ឆ្នាំ ២០២៦ បានសេចក្តីប្រកាសព័ត៌មាន…
រាជធានីភ្នំពេញ ៖ ក្រសួងការបរទេស នៅថ្ងៃទី ២២ ខែ កុម្ភៈ ឆ្នាំ ២០២៦ បានសេចក្តីប្រកាសព័ត៌មាន ដែលមានខ្លឹមសារថា រាជរដ្ឋាភិបាលកម្ពុជា បានធ្វើការតវ៉ាជាផ្លូវការចំពោះវត្តមានដោយគ្មានការអនុញ្ញាតរបស់នាវាកងទ័ពជើងទឹកថៃ និងការអនុវត្តនីតិថៃ ដោយល្មើសច្បាប់នៅក្នុងដែនសមុទ្រកម្ពុជា នាថ្ងៃទី ២២ ខែកុម្ភៈ ឆ្នាំ ២០២៦ ។ សកម្មភាពរបស់ទ័ពជើងទឹកថៃ រួមមានទាំងការចាប់ខ្លួនពលរដ្ឋកម្ពុជាបីនាក់ ព្រមទាំងការរឹបអូសនាវានេសាទរបស់ពលរដ្ឋខ្មែរទាំងនេះ ត្រង់ទីតាំងស្ថិតនៅចម្ងាយប្រហែល ៧.២ ម៉ៃល៍សមុទ្រ ពី កោះយ៉រ ខេត្តកោះកុងនៃប្រទេសកម្ពុជា ។
សកម្មភាពទាំងនេះ គឺជាការរំលោភយ៉ាងច្បាស់លាស់លើអធិបតេយ្យ និងដែនទឹករបស់កម្ពុជា ព្រមទាំងច្បាប់អន្តរជាតិ ។ កម្ពុជាបានទាមទារឱ្យប្រទេសថៃ ដោះលែងពលរដ្ឋកម្ពុជា និងនាវានេសាទរបស់ពួកគេជាបន្ទាន់ បញ្ឈប់នូវសកម្មភាពល្បាតដោយគ្មានការអនុញ្ញាត ក៏ដូចជាសកម្មភាពអនុវត្តច្បាប់នៅក្នុងដែនសមុទ្រកម្ពុជា និងចាត់វិធានការសមស្រប ដើម្បីទប់ស្កាត់មិនឱ្យសកម្មភាពបែបនេះកើតជាថ្មីនាពេលអនាគត ៕
ចែករំលែកព័តមាននេះ