រាជធានីភ្នំពេញ ៖ ទិវាសត្វពង្រូលពិភពលោក! សត្វពង្រូល ជាថនិកសត្វចិញ្ចឹមកូនដោយទឹកដោះ ។ វាមានស្រការពណ៌ស្រអាប់ គ្របដណ្តប់ដងខ្លួនទាំងមូល លើកលែងតែពោះ និងផ្នែកក្រោមក្បាល…
រាជធានីភ្នំពេញ ៖ ទិវាសត្វពង្រូលពិភពលោក! សត្វពង្រូល ជាថនិកសត្វចិញ្ចឹមកូនដោយទឹកដោះ ។ វាមានស្រការពណ៌ស្រអាប់ គ្របដណ្តប់ដងខ្លួនទាំងមូល លើកលែងតែពោះ និងផ្នែកក្រោមក្បាល ។ ពង្រូលច្រើនរស់នៅក្នុងព្រៃមានដើមឈើខ្ពស់ៗ ដោយរស់នៅក្នុងរន្ធឈើ ឬរន្ធដី ។ នេះបើយោងតាមផេកក្រសួងបរិស្ថាន បានប្រកាសនាថ្ងៃទី២១ ខែកុម្ភៈ ឆ្នាំ២០២៦ ។
វាស៊ីស្រមោច សង្អារ អង្ក្រង ឬកណ្តៀរជាដើមជាអាហារ ។ សត្វពង្រូល ជាវិស្វករពង្រឹងគុណភាពដី តាមរយៈការធ្វើឱ្យដីធូរ និងបង្កើនសារធាតុចិញ្ចឹមក្នុងដីដែលធ្វើឱ្យរុក្ខជាតិលូតលាស់ល្អ ។ មិនត្រឹមតែប៉ុណ្ណោះ តាមរយៈការស៊ីសត្វល្អិតតូចៗជាអាហារ ពង្រូលដើរតួជាភ្នាក់ងារកម្ចាត់សត្វល្អិតដ៏ចំណានរបស់ប្រព័ន្ធអេកូឡូស៊ី ។ បច្ចុប្បន្ន ពង្រូលត្រូវបានចាត់ជាប្រភេទសត្វងាយរងគ្រោះ ជិតផុតពូជបំផុត និងជាសត្វដែលមានការជួញដូរច្រើនជាងគេលើពិភពលោក ។
សូមចូលរួមការពារថែរក្សាប្រភេទសត្វកម្រដ៏មានតម្លៃនេះ តាមរយៈការបញ្ឈប់ការជួញដូរ និងបរិភោគសាច់សត្វព្រៃ ចូលរួមការពារ និងស្តារឡើងវិញនូវព្រៃឈើដែលជាជម្រកសត្វព្រៃ និងចូលរួមផ្សព្វផ្សាយពីសារៈប្រយោជន៍សត្វព្រៃ និងជីវៈចម្រុះដល់កូនចៅជំនាន់ក្រោយ ។
ចែករំលែកព័តមាននេះ