ស្ត្រីម្នាក់ត្រូវបានគេដឹងថាបានសុខចិត្តបោះបង់ការងារថ្នាក់គ្រប់គ្រងប្រាក់ខែច្រើនរវល់ខ្លាំង មកជ្រើសរើសការងារដ៏សាមញ្ញនៅកោះស្ងាត់មួយនៅតំបន់ជនបទ ។ រឿងនេះវាកើតឡើងនៅឯប្រទេសចិន ឯណោះទេ ប៉ុន្តែ វាជានិន្នាការថ្មី ហើយក៏អាចនឹងមាននៅក្នុងសង្គមកម្ពុជាផងដែរ ។ តាមការចុះផ្សាយដោយសារព័ត៌មាន…
ស្ត្រីម្នាក់ត្រូវបានគេដឹងថាបានសុខចិត្តបោះបង់ការងារថ្នាក់គ្រប់គ្រងប្រាក់ខែច្រើនរវល់ខ្លាំង មកជ្រើសរើសការងារដ៏សាមញ្ញនៅកោះស្ងាត់មួយនៅតំបន់ជនបទ ។ រឿងនេះវាកើតឡើងនៅឯប្រទេសចិន ឯណោះទេ ប៉ុន្តែ វាជានិន្នាការថ្មី ហើយក៏អាចនឹងមាននៅក្នុងសង្គមកម្ពុជាផងដែរ ។
តាមការចុះផ្សាយដោយសារព័ត៌មាន South China Morning Post បានឲ្យដឹងថា ស្ត្រីរូបនោះឈ្មោះ យឺ លី អាយុ៤៦ឆ្នាំ ធ្លាប់កាន់តួនាទីជាអ្នកគ្រប់គ្រងជាន់ខ្ពស់នៅក្រុមហ៊ុនអភិវឌ្ឍន៍អចលនទ្រព្យធំមួយនៅទីក្រុងប៉េកាំងអស់រយៈពេលជិត២០ ឆ្នាំមុនពេលលាលែងពីតំណែងនៅពាក់កណ្តាលខែធ្នូ ឆ្នាំ២០២៥ ។
ស្ត្រីរូបនោះ បានសម្រេចចិត្តលះបង់ការងារនោះដោយគ្មានស្តាយស្រណោះហើយស្រវាចាប់យកការងារត្រឹមតែជា កម្មករត្រួតពិនិត្យគុណភាពនៅកសិដ្ឋានចិញ្ចឹមត្រីមួយនៅលើកោះ ដុងហៃ (Dongzhai ) ដែលគ្មានមនុស្សរស់នៅ នៅខេត្តហេណាន ។
ជាមួយនឹងការងារថ្មីនេះ ស្ត្រីរូបនោះអាចរកចំណូលបានត្រឹមតែ ៤៣០ ដុល្លារនៅក្នុងមួយខែ ហើយឈប់សម្រាកត្រឹម៤ថ្ងៃប៉ុណ្ណោះ ប៉ុន្តែជាការងារដែលមិនមានសម្ពាធដូចជានៅកន្លែងពីមុន ។
ស្ត្រីរូបនោះបានអះអាងថា ការងារពីមុនលោកស្រីត្រូវធ្វើដំណើរអាជីវកម្ម៣០០ថ្ងៃនៅក្នុងមួយឆ្នាំ ហើយចំណាយពេលធ្វើដំណើរពីលំនៅស្ថានទៅកន្លែងការងារមួយថ្ងៃជាមធ្យម៤ម៉ោង ដូច្នេះស្ត្រីរូបនោះប្រឈមមុខនឹងការទ្រុធទ្រោមសុខភាពរាងកាយនិងផ្លូវចិត្ត។
ដោយឡែកការងារថ្មីថ្វីត្បិតចំណូលតិច ការងារឈប់សម្រាកត្រឹម៤ថ្ងៃនៅក្នុងមួយខែពិតមែន ប៉ុន្តែវាផ្តល់ពេលវេលាប្រចាំថ្ងៃច្រើន ហើយជីវិតរស់នៅកន្លែងការងារថ្មីក៏ប្រសើរ ដោយអាចឲ្យខ្លួនមានពេលវេលាផ្ទាល់ខ្លួនមានពេលរីករាយ មានពេលកំសាន្តច្រើន ទោះបីជាកន្លែងស្នាក់នៅមិនស្អាត អាកាសធាតុ ប្លែក ហើយជីវភាពក៏ខុសប្លែកពីមុនក៏ដោយ ៕
ចែករំលែកព័តមាននេះ