ទីក្រុងវ៉ាស៊ីនតោន៖ លោកដូណាល់ត្រាំនឹងបំពេញទស្សនកិច្ចនៅប្រទេសចិនចាប់ពីថ្ងៃទី៣១ខែមីនាដល់ថ្ងៃទី២ ខែមេសា ឆ្នាំ២០២៦។ នេះបើយោងតាមការប្រកាសរបស់សេតវិមាន។ ការកំណត់កាលបរិច្ឆេទទស្សនកិច្ចនេះចំពេលដែលប្រធានាធិបតីចិន លោកស៊ីជីនពីង ចាត់ទុកថាប្រទេសទាំង២មានទំនាក់ទំនងល្អនឹងគ្នា។ លោកត្រាំចាត់ទុកគម្រោងទស្សនកិច្ចលើកនេះជាព្រឹត្តិការណ៍ដ៏សំខាន់មួយ។
ការប្រកាសអំពីគម្រោងទស្សនកិច្ចនេះកើតឡើងតែបន្តិចប៉ុណ្ណោះមុនពេលតុលាការកំពូលអាមេរិកសម្រេចទុកជាមោឃៈនូវការដំឡើងពន្ធរបស់លោកត្រាំទៅលើប្រទេសនានាទូទាំងសាកលលោក។ ការដំឡើងពន្ធជាតាក់ទិចរបស់លោកត្រាំដើម្បីបញ្ជ្រាបឥទ្ធិពលទៅលើប្រទេសដទៃឱ្យគាំទ្រគោលនយោបាយរបស់លោក។ បញ្ហាពន្ធគយទំនងជារបៀបវារៈសំខាន់នៅក្នុងគម្រោងទស្សនកិច្ចលើកនេះ។
ប្រទេសចិនក៏ត្រៀមចាត់វិធានការឆ្លើយតបវិញចំពោះការគំរាមដំឡើងពន្ធផងដែរ។ ក្នុងនោះ ចិនអាចឈប់ទិញសណ្ដែកសៀងដែលជាទំនិញដឹកទៅលក់នៅចិនច្រើនបំផុត។ មិនមែនតែលោកត្រាំម្នាក់ទេដែលបំពេញទស្សនកិច្ចនៅចិន។ ត្រឹមតែប៉ុន្មានខែចុងក្រោយនេះ ចិនទទួលស្វាគមន៍ដំណើរទស្សនកិច្ចរបស់មេដឹកនាំបស្ចិមប្រទេសជាច្រើន ក្នុងនោះក៏មាននាយករដ្ឋមន្ត្រីកាណាដាផងដែរ។
កាណាដាទើបតែចុះកិច្ចព្រមព្រៀងពាណិជ្ជកម្មជាមួយប្រទេសចិន និងអនុញ្ញាតឱ្យនាំចូលរថយន្តអគ្គិសនីរបស់ចិនដូចធម្មតាឡើងវិញ។ ប្រទេសចិនកំពុងត្រូវប៉ាន់ឡានអគ្គិសនីសម្បើមណាស់ព្រោះប្រទេសចិនបានវិនិយោគយ៉ាងច្រើនសម្បើមទៅលើបច្ចេកវិទ្យាទំនើប និងថាមពលកកើតឡើងវិញ។ ការធ្វើដំណើររបស់លោកត្រាំទៅចិនលើកនេះជាទស្សនកិច្ចលើកដំបូងចាប់តាំងពីក្រោយជំងឺកូវីដ១៩៕ ប្រភព៖ អាល់ចាស៊ីរ៉ា និងប្រភពដទៃទៀត
ចែករំលែកព័តមាននេះ