ខេត្តសៀមរាប ៖កម្លាំងនគរបាលការិយាល័យ ជំនាញនៃស្នងការដ្ឋាននគរបាលខេត្តសៀម រាប បានចុះ ឃាត់ខ្លួន ក្រុមក្មេងទំនើង ចំនួន ៧នាក់ ជាបន្តបន្ទាប់ពាក់ព័ន្ធករណីហិង្សា…
ខេត្តសៀមរាប ៖កម្លាំងនគរបាលការិយាល័យ ជំនាញនៃស្នងការដ្ឋាននគរបាលខេត្តសៀម រាប បានចុះ ឃាត់ខ្លួន ក្រុមក្មេងទំនើង ចំនួន ៧នាក់ ជាបន្តបន្ទាប់ពាក់ព័ន្ធករណីហិង្សា និងធ្វើឱ្យខូចខាតដោយចេតនា មានស្ថានទម្ងន់ ទោស(យកដាវដេញកាប់ជនរងគ្រោះ និង ម៉ូតូជនរង គ្រោះ)និងប្រើប្រាស់ ដោយខុស ច្បាប់ នូវសារធាតុញៀនរួចយកមកសួរនាំនៅការិយាល័យជំនាញ ដើម្បីរៀបចំកសាងសំណុំ រឿងបញ្ជូនទៅកាន់តុលាការ ចាត់ការបន្តតាមនីតិវិធីច្បាប់ ។
ហេតុការឃាត់ខ្លួន ក្រុមក្មេងទំនើង បានជាបន្តបន្ទាប់ នេះ ធ្វើឡើងនៅថ្ងៃទី ១៦ខែកុម្ភៈឆ្នាំ២០២៦ស្ថិតនៅភូមិស្ពានត្នោត ១ ឃុំស្ពានត្នោត ស្រុកជីក្រែង ខេត្តសៀមរាប ។
បើតាម របាយការណ៍ បង្ហោះនៅលើសង្គមហ្វេសប៊ុក របស់លោក ឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានមានប្រសាសន៍ នៅថ្ងៃទី១៩ ខែកុម្ភៈ ឆ្នាំ ២០២៦ នេះថា ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តម សេនីយ៍ ស ថេត អគ្គស្នងការនគរបាលជាតិ និងការយកចិត្តទុកដាក់ជា ប្រចាំ ពីសំណាក់ ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បន្ទាប់ពីទទួលបានព័ត៌ មានពីករណីខាងលើនេះភ្លាម លោកឧត្តម សេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានចាត់កម្លាំងនគរបាលផែនការងារព្រហ្មទណ្ឌ សហការជាមួយកម្លាំងនៃអធិការដ្ឋាននគរបាលស្រុកជីក្រែង ចុះដល់កន្លែងកើតហេតុ ធ្វើការស្រាវ ជ្រាវយ៉ាងយកចិត្តទុកដាក់ រហូតឈានដល់ធ្វើការនាំខ្លួនបានជនសង្ស័យចំនួន០៧ នាក់ នាំមកសាកសួរជាបន្តបន្ទាប់៖១/ឈ្មោះ គុណ ណារីន ភេទប្រុស អាយុ ១៨ឆ្នាំ មានទីលំនៅបច្ចុប្បន្ន ភូមិចែកខ្សាច់ក្រោម ឃុំអន្លង់សំណរ ស្រុកជីក្រែង ខេត្តសៀមរាប។ (មានសារធាតុញៀនក្នុងខ្លួន) ។
២/ឈ្មោះ ឡាញ់ លិញជៅ ហៅជី ភេទ ប្រុស អាយុ ១៧ឆ្នាំ មានទីលំនៅបច្ចុប្បន្ន ភូមិខ្សាច់ក្រោម ឃុំអន្លង់សំណរ ស្រុកជីក្រែង ខេត្តសៀមរាប។ (មានសារធាតុញៀនក្នុងខ្លួន) ។ ៣/ឈ្មោះ ប៉ុញ បញ្ញា ភេទ ប្រុស អាយុ ១៧ឆ្នាំ មានទីលំនៅបច្ចុប្បន្ន ភូមិអន្លង់សំណរ ឃុំអន្លង់សំណរ ស្រុកជីក្រែង ខេត្តសៀមរាប។ ៤/ឈ្មោះ ហេង វិច្ឆិកា ភេទ ប្រុស អាយុ ១៥ឆ្នាំ មុខរបរ សិស្ស មានទីលំ នៅបច្ចុប្បន្ន ភូមិអន្លង់ចំបក់ ឃុំអន្លង់សំណរ ស្រុកជីក្រែង ខេត្តសៀមរាប។៥/ឈ្មោះ ឃី នូរ៉ា ហៅពេ ភេទប្រុស អាយុ ១៦ឆ្នាំ មុខរបរ សិស្ស មានទីលំនៅបច្ចុប្បន្ន ភូមិអន្លង់សំណរ ឃុំអន្លង់សំណរ ស្រុកជីក្រែង ខេត្តសៀមរាប។
៦/ឈ្មោះ យន់ ប៊ុនលាប ហៅហ៊ុច ភេទ ប្រុស អាយុ ១៥ឆ្នាំ មុខរបរ សិស្ស មានទីលំនៅបច្ចុប្បន្ន ភូមិតាគឹមក្រោម ឃុំអន្លង់ សំណរ ស្រុកជីក្រែង ខេត្តសៀមរាប ។៧/ឈ្មោះ ពេញ សិលា ហៅឈុយ ភេទប្រុស អាយុ ១៦ឆ្នាំមុខរបរគ្មានមានទីលំនៅបច្ចុប្បន្ន ភូមិចែកខ្សាច់ក្រោម ឃុំអន្លង់សំណរ ស្រុកជីក្រែង ខេត្តសៀមរាប។ ជនសង្ស័យ ទាំង ៧ នាក់ នេះ (មានសារធាតុញៀនក្នុងខ្លួន)។
សូមបញ្ជាក់ថា កាលពី ថ្ងៃទី១៦ ខែកុម្ភៈ ឆ្នាំ២០២៦ វេលាម៉ោង១៧:០០នាទី មានក្រុមជនសង្ស័យ ១ ក្រុម បានធ្វើសកម្មភាពយកកាំបិត ដាវ កាប់មកលើជនរង គ្រោះ ឈ្មោះ ទ ស វ ភេទប្រុស អាយុ ១៨ឆ្នាំ រស់នៅភូមិស្ពានត្នោត១ ឃុំស្ពានត្នោត ស្រុកជីក្រែង ខេត្តសៀមរាប និងមិត្តភក្តិចំនួន ៧នាក់ទៀត ដែលកំពុងនាំគ្នាឈប់ម៉ូតអង្គុយលេង ត្រង់ចំណុច ទួល ព្រៃស្វាយ ស្ថិតនៅភូមិពន្លឺព្រះផុស ដោយក្រុមជនសង្ស័យ បានដេញកាប់ទៅលើក្រុមជនរងគ្រោះ ខណៈពេលនោះ ក្រុមជនរងគ្រោះ បាននាំគ្នារត់ចោលម៉ូតូយក រួចខ្លួន បន្ទាប់មកក្រុមជនសង្ស័យ បានធ្វើ សកម្មភាព កាប់ទៅលើម៉ូតូរបស់ក្រុមជនរង គ្រោះ ចំនួន ០៣គ្រឿង បណ្តាលឱ្យខូចខាតទាំងស្រុង។ ក្រោយពេលធ្វើសកម្មភាពហើយ ក្រុមជនសង្ស័យ បានគេចខ្លួនបាត់អស់។
បន្ទាប់មកកម្លាំងជំនាញបានចុះស្រាវជ្រាវ រហូតឃាត់ខ្លួនបាន រួចធ្វើការសួរនាំនៅ ចំពោះ មុខសមត្ថកិច្ចជនសង្ស័យខាងលើបានឆ្លើយសារភាពថា៖ កន្លងមកក្រុមពួកខ្លួនមានទំនាស់ពាក្យសម្តីជាមួយក្រុមជនរងគ្រោះ លុះដល់ថ្ងៃកើតហេតុខាងលើពួកខ្លួន និងបក្សពួក ពិតជាបានធ្វើសកម្មភាពយកដាវ ចំនួន១ដើម ទៅកាប់ក្រុមជនរងគ្រោះដែល កំពុងអង្គុយលើម៉ូតូត្រង់ចំណុចទួលព្រៃស្វាយ ពិតប្រាកដមែន ក្នុងពេលដែលពួកខ្លួនចុះទៅធ្វើសកម្មភាព ក្រុមជនរងគ្រោះ បានរត់យក រួចខ្លួន ទើបពួកខ្លួនបានធ្វើសកម្មភាព កាប់ទៅលើម៉ូតូជនរង គ្រោះចំនួន ០៣គ្រឿង បណ្តាលឱ្យខូចខាតទាំង ស្រុង។ -វត្ថុតាងដែលសមត្ថកិច្ចដកហូតមានដាវចំនួន ០១ និង ម៉ូតូ របស់ ជនរងគ្រោះ ។
បច្ចុប្បន្នជនសង្ស័យ និង វត្ថុតាង ត្រូវបានកម្លាំងនគរបាលផែនការងារព្រហ្មទណ្ឌខេត្តសៀមរាប កសាងសំណុំរឿងបញ្ជូនទៅសាលាដំបូងខេត្តសៀមរាប ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ