សុខភាព៖ យោងតាមការផ្សាយពីប្រភពបរទេស មនុស្សជាច្រើនយល់ថា ការញ៉ាំស៊ុតស្ងោរមួយគ្រាប់ជាមួយកាហ្វេមួយកែវនៅពេលព្រឹក គឺជាជម្រើសអាហារូបត្ថម្ភដ៏ល្អ និងរហ័ស។

ទោះជាយ៉ាងណាក៏ដោយ តាមការសិក្សាផ្នែកសុខភាព ការរួមបញ្ចូលគ្នានេះអាចប៉ះពាល់ដល់ការស្រូបយកសារធាតុចិញ្ចឹមរបស់រាងកាយ។ ជាតិកាហ្វេអ៊ីន ​ និងសារធាតុប៉ូលីហ្វេណុល​ ដែលមាននៅក្នុងកាហ្វេ អាចរារាំងការស្រូបយកជាតិដែក និងជាតិកាល់ស្យូមដែលមាននៅក្នុងស៊ុតយ៉ាងខ្លាំង។ នៅពេលដែលអ្នកញ៉ាំអាហារទាំងពីរនេះក្នុងពេលតែមួយ វានឹងធ្វើឱ្យរាងកាយរបស់អ្នកបាត់បង់ឱកាសក្នុងការទទួលបានជីវជាតិសំខាន់ៗទាំងនោះ ដែលអាចនាំឱ្យមានបញ្ហាខ្វះឈាម ឬខ្សោយឆ្អឹងក្នុងរយៈពេលវែង។

ក្រៅពីការរារាំងជាតិរ៉ែ ជាតិអាស៊ីតនៅក្នុងកាហ្វេក៏អាចធ្វើឱ្យប្រព័ន្ធរំលាយអាហារមួយចំនួនមានបញ្ហា ជាពិសេសចំពោះអ្នកដែលមានក្រពះងាយប្រតិកម្ម។ ការញ៉ាំស៊ុតដែលសម្បូរប្រូតេអ៊ីន ត្រូវការពេលវេលា និងបរិយាកាសអាស៊ីតសមស្របដើម្បីបំបែក ប៉ុន្តែជាតិកាហ្វេអ៊ីនអាចជំរុញឱ្យក្រពះបញ្ចេញអាស៊ីតលឿនពេក ឬធ្វើឱ្យប៉ះពាល់ដល់ដំណើរការរំលាយអាហារធម្មជាតិ។

ដើម្បីទទួលបានអត្ថប្រយោជន៍ពេញលេញពីអាហារទាំងពីរនេះ អ្នកជំនាញណែនាំឱ្យទទួលទានវាក្នុងចន្លោះពេលខុសគ្នា យ៉ាងហោចណាស់ ៣០ នាទីទៅ ១ ម៉ោង ដើម្បីឱ្យរាងកាយអាចស្រូបយកជីវជាតិពីស៊ុតបានពេញលេញ មុនពេលទទួលយកជាតិកាហ្វេអ៊ីនពីកាហ្វេ​៕