រាជធានីភ្នំពេញ ៖ រដ្ឋមន្ត្រីក្រសួងមហាផ្ទៃ បានដាក់ចេញបទបញ្ជាទៅកាន់ស្នងការនគបាលរាជធានី-ខេត្តទាំងអស់ ត្រូវចុះប្រតិបត្តិការបង្ក្រាបក្រុមក្មេងទំនើងឲ្យឆាប់រហ័សបំផុត នេះបើតាមអ្នកនាំពាក្យរបស់ ឯកឧត្តម អភិសន្តិបណ្ឌិត ស សុខា…
រាជធានីភ្នំពេញ ៖ រដ្ឋមន្ត្រីក្រសួងមហាផ្ទៃ បានដាក់ចេញបទបញ្ជាទៅកាន់ស្នងការនគបាលរាជធានី-ខេត្តទាំងអស់ ត្រូវចុះប្រតិបត្តិការបង្ក្រាបក្រុមក្មេងទំនើងឲ្យឆាប់រហ័សបំផុត នេះបើតាមអ្នកនាំពាក្យរបស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
លោក រ៉េន រតនៈ អ្នកនាំពាក្យឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីក្រសួងមហាផ្ទៃ បានសរសេរលើបណ្តាញសង្គមនៅថ្ងៃទី១៩ កុម្ភៈ ឆ្នាំ ២០២៦ថា លើកលែងតែក្មេងទំនើងរត់ទៅក្រៅប្រទេស! ។
ឯកឧត្តម អភិសន្តិបណ្ឌិត ស សុខា ក្នុងកិច្ចប្រជុំនាថ្ងៃទី១៨ ខែកុម្ភៈ ឆ្នាំ២០២៦នេះ បានបញ្ជាស្នងការ នៃស្នងការដ្ឋាននគរបាលរាជធានី-ខេត្ត ចុះប្រតិបត្តិការឱ្យបានលឿន និងត្រូវស្រាវជ្រាវចាប់ខ្លួនឱ្យបាន មិនលើសពី៤៨ម៉ោង រាល់ក្រុមក្មេងទំនើង ដែលបង្កហេតុ ឬរត់គេចខ្លួន ។
ឯកឧត្តមអភិសន្តិបណ្ឌិត បានសង្កត់ធ្ងន់ក្នុងន័យប្រដូចថា សូម្បីក្រុមឆបោកតាមប្រព័ន្ធអនឡាញ នៅតែសមត្ថកិច្ចយើងអាចបោសសម្អាតបានជាបន្តបន្ទាប់ ដូច្នេះ ត្រឹមក្មេងទំនើង ឱ្យតែយើងមានឆន្ទៈមុតមាំ រឿងអ្វីយើងមិនអាចក្របួចចាប់ពួកគេយកទៅផ្ដន្ទាទោសបាន ៕
ចែករំលែកព័តមាននេះ