មិនមែនតែជនបរទេសទេ ដែលរងគ្រោះព្រោះតែឧក្រិ.ដ្ឋកម្មស្គែមអនឡាញ ពលរដ្ឋកម្ពុជាក៏រងគ្រោះដែរ ។ នេះបើតាមការបញ្ជាក់របស់លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស…
មិនមែនតែជនបរទេសទេ ដែលរងគ្រោះព្រោះតែឧក្រិ.ដ្ឋកម្មស្គែមអនឡាញ ពលរដ្ឋកម្ពុជាក៏រងគ្រោះដែរ ។ នេះបើតាមការបញ្ជាក់របស់លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) បានលើកឡើងថ្មីៗនេះ ។
លោកបានអះអាងថា កាលពីឆ្នាំ២០២៥ ពលរដ្ឋកម្ពុជាបានបាត់បង់លុយ ប្រមាណជាង ៤៥លានដុល្លារ ដោយសារស្គែមអនឡាញក្នុងស្រុក ប៉ុន្តែអាចទាញមកវិញខ្លះ គឺប្រមាណជាជិត២០លានដុល្លារ ។
លោកជំរុញឲ្យពលរដ្ឋបង្កើនការប្រុងប្រយ័ត្ន ហើយអ្នកដែលប្រពឹត្តកន្លងមក គឺច្រើនក្លែងបន្លំថា ខ្លួនធ្វើការក្នុងវិស័យធនាគារ ហើយទូរសព្ទទៅបុគ្គលថា ត្រូវរង្វាន់នេះ រង្វាន់នោះ ហើយបានតម្រូវឱ្យជនរងគ្រោះធ្វើការផ្ទេរប្រាក់ ស្នេហា ឬការបង្កើតទំនាក់ទំនងក្លែងក្លាយ ការស្នើសុំឱ្យផ្តល់រូបភាពអាសអាភាស ហើយចុងក្រោយជនល្មើស បែរជាជំរិតទារប្រាក់ពីជនរងគ្រោះ ដើម្បីជាថ្នូរថា គេនឹងមិនបញ្ចេញរូបអាសអាភាសរបស់ជនរងគ្រោះ នៅពេលដែលជនរងគ្រោះបានបង់លុយទៅឱ្យគេជាដើម ។
លោកបានគូសបញ្ជាក់ថា អ៊ីនធឺណិត ប្រៀបបានដូចជា អាវុធមុខពីរយ៉ាងដូច្នោះដែរ បើយើងប្រើប្រាស់វាដោយត្រឹមត្រូវ វានឹងនាំប្រយោជន៍មកឱ្យយើង បើយើងប្រើវាមិនបានត្រឹមត្រូវទេ វានឹងធ្វើឱ្យយើងខាតបង់អ្វីមួយជាក់ជាមិនខានឡើយ ៕
ចែករំលែកព័តមាននេះ