ខេត្តបន្ទាយមានជ័យ ៖ រដ្ឋាភិបាលមានគម្រោងសាងសង់ជម្រកបណ្តុះអាសន្នប្រមាណ៣.០០០ខ្នងអោយរួចរាល់មុនរដូវភ្លៀងធ្លាក់ជោគជាំ ដែលគម្រោងសាងសង់នេះមានចម្ងាយពីព្រំដែនជាង២០គីឡូម៉ែត្រ ស្ថិតក្នុងភូមិស្លក្រាម ឃុំស្លក្រាម ស្រុកស្វាយចេក ។ លោក ឃ្លោក…
ខេត្តបន្ទាយមានជ័យ ៖ រដ្ឋាភិបាលមានគម្រោងសាងសង់ជម្រកបណ្តុះអាសន្នប្រមាណ៣.០០០ខ្នងអោយរួចរាល់មុនរដូវភ្លៀងធ្លាក់ជោគជាំ ដែលគម្រោងសាងសង់នេះមានចម្ងាយពីព្រំដែនជាង២០គីឡូម៉ែត្រ ស្ថិតក្នុងភូមិស្លក្រាម ឃុំស្លក្រាម ស្រុកស្វាយចេក ។
លោក ឃ្លោក នួយ អភិបាលរងខេត្តបន្ទាយមានជ័យ បានឱ្យដឹងថា ជាការយកចិត្តទុកដាក់ពីប្រមុខរាជរដ្ឋាភិបាលកម្ពុជាចំពោះជនភៀសសឹកជាង៣.០០០គ្រួសារ ត្រូវបានសាងសង់ជម្រកបណ្តោះអាសន្នអោយរួចរាល់នៅមុនរដូវភ្លៀងធ្លាក់ជោកជាំ ដែលក្នុង១គ្រួសារទទួលបានផ្ទះ១ខ្នងទំហំ៥ម៉ែត្រគុណ៧ម៉ែត្រ លើផ្ទៃដីទំហំ២០ម៉ែត្រគុណ៣០ម៉ែត្រដែលមានបន្ទប់ទឹក ព្រមទាំងមានហេដ្ឋារចនាសម្ព័ន្ធផ្លូវភ្លើងអណ្តូងទឹកមណ្ឌលសុខភាពនិងសាលារៀននៅក្បែរ។
លោកបានបញ្ជាក់ថា ជនភៀសសឹកប្រមាណ៣.០០០គ្រួសារត្រូវបានភៀសខ្លួនចេញពីភូមិចំនួន៦មាន២ភូមិ មាន១.ភូមិព្រៃចាន់ ២.ភូមិជោគជ័យ ឃុំអូរបីជាន់ ស្រុកអូរជ្រៅ និង៤ភូមិទៀតមាន១.ភូមិថ្នល់បំបែក ២.ភូមិបន្ទាយមានរិទ្ធ ៣.ភូមិត្រពាំងសំរោង ៤.ភូមិសាមគ្គី ក្នុងឃុំគោករមៀត ស្រុកថ្មពួក ក្រោយភាគីទាហានថៃបានយកកុងទីន័រនិងលួសបន្លានិងកាយប្រឡាយហ៊ុមព័ទ្ធយកលំនៅដ្ឋានរបស់ជាពលរដ្ឋកម្ពុជា។
លោក ឃ្លោក នួយ បានបញ្ជាក់ថា៖នៅពេលទាហានថៃបានបើកការបាញ់ប្រហាររយៈពេលជាង២០ថ្ងៃក្នុងភូមិសាស្គ្រខេត្តបន្ទាយមានជ័យមានតំបន់ជោគជ័យ ព្រៃចាន់ និងតំបន់បឹងត្រកួនបណ្តាលប្រជាពលរដ្ឋស្លូតត្រង់មានការភ័យក្លាចហើយអាជ្ញាធរស្រុក ក្រុង ខេត្ត បានជម្លៀសពលរដ្ឋចេញពីតំបន់សមភាពត្រូវបានទាហានថៃបាញ់ស្រោចទាំងនិងយន្តហោះទំលាកគ្រាប់បណ្តាលអោយលំនៅដ្ឋានរងការខូចខាតហើយត្រូវបានភាគីថៃហំហំព័ទ្ធយកនិងធ្វើលេណដ្ឋានរឹងម៉ាំលើអធិបតេយ្យកម្ពុជា ៕
ចែករំលែកព័តមាននេះ