ខេត្តសៀមរាប ៖ ឆ្លើយតបតាមសំណើរបស់គ្រួសារយោធិន ឈ្មោះ រ៉ា ទី ស្នើសុំម៉ូតូមួយគ្រឿង ដើម្បីសម្រួលដល់មធ្យោបាយធ្វើ ដំណើរដល់ក្មួយស្រី ឈ្មោះ…
ខេត្តសៀមរាប ៖ ឆ្លើយតបតាមសំណើរបស់គ្រួសារយោធិន ឈ្មោះ រ៉ា ទី ស្នើសុំម៉ូតូមួយគ្រឿង ដើម្បីសម្រួលដល់មធ្យោបាយធ្វើ ដំណើរដល់ក្មួយស្រី ឈ្មោះ ប៉ុក ស្រីពៅ សម្រាប់ទៅសាលារៀន នាថ្ងៃទី១៦ ខែកុម្ភៈ ឆ្នាំ២០២៦ នៅសាលាស្រុកសូទ្រនិគម លោក សំកុល សុចិត្រា អភិបាលរងខេត្ត តំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្តបានប្រគល់ម៉ូតូមួយគ្រឿងដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានប្រគល់ជូនក្មួយស្រី ប៉ុក ស្រីពៅ ដែលជាគ្រួសាររបស់យោធិនឈ្មោះ រ៉ា ទី ដែលបានពលីនៅសមរភូមិនៅខ្សែបន្ទាត់ព្រំដែន។
សូមបញ្ជាក់ថា ក្មួយស្រី ប៉ុក ស្រីពៅ ដែលជាកូនភ្លោះបានកំពុងសិក្សានៅថ្នាក់ទី១០ នៃវិទ្យាល័យសំរោង និងស្នាក់នៅជាមួយអ៊ុស្រីនៅភូមិថ្នល់ចែក ឃុំសំរោង ស្រុកសូទ្រនិគម ខេត្តសៀមរាប។
ជាមួយនឹងអំណោយដ៏ថ្លៃថ្លានេះ ក្មួយស្រីបាន ថ្លែងអំណរគុណ យ៉ាងជ្រាលជ្រៅចំពោះអំណោយម៉ូតូមួយគ្រឿងរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលបានផ្តល់អំណោយ នេះដល់ពួកគាត់ សម្រាប់ជាមធ្យោ បាយធ្វើដំណើរទៅសាលារៀនផងដែរ ៕
ចែករំលែកព័តមាននេះ