យោងតាមការផ្សាយរបស់សារព័ត៌មានបរទេស ការយល់ឃើញថាការញ៉ាំសាច់គោក្នុងបរិមាណច្រើនជារៀងរាល់ថ្ងៃអាចជំនួសឱ្យការប្រើប្រាស់ថ្នាំបំប៉នជាតិដែកសម្រាប់ស្ត្រីមានផ្ទៃពោះ គឺជាការយល់ខុសដែលអាចបង្កគ្រោះថ្នាក់ដល់សុខភាព។
ទោះបីជាសាច់គោគឺជាប្រភពដ៏ប្រសើរនៃជាតិដែក និងវីតាមីនក៏ដោយ ប៉ុន្តែការទទួលទានច្រើនហួសកម្រិតអាចបណ្ដាលឱ្យមានបញ្ហាសុខភាពជាច្រើនដូចជា ការលើសជាតិដែកក្នុងរាងកាយ ភាពតានតឹង អស់កម្លាំង និងការបាត់បង់តុល្យភាពអាហារូបត្ថម្ភផ្សេងៗទៀត។
សារធាតុខ្លាញ់ឆ្អែតដ៏ខ្ពស់នៅក្នុងសាច់គោ ក៏ជាសត្រូវចំពោះអ្នកដែលមានបញ្ហាលើសជាតិខ្លាញ់ក្នុងឈាម លើសឈាម និងជំងឺបេះដូងផងដែរ។ លើសពីនេះ អ្នកដែលមានជំងឺហ្គោដ () ឬគ្រួសក្នុងតម្រងនោម គួរមានការប្រុងប្រយ័ត្នខ្ពស់ ព្រោះជាតិប្រូតេអ៊ីនក្នុងសាច់គោអាចធ្វើឱ្យកម្រិតអាស៊ីតអ៊ុយរិក និងសារធាតុ កើនឡើង ដែលបណ្ដាលឱ្យគ្រួសក្នុងតម្រងនោមរីកធំ ឬរលាកសន្លាក់កាន់តែខ្លាំង។
តាមការណែនាំពីអ្នកជំនាញអាហារូបត្ថម្ភ មនុស្សពេញវ័យដែលមានសុខភាពល្អ គួរទទួលទានសាច់ក្រហមត្រឹមតែ ៥០ ទៅ ៧០ ក្រាម ប៉ុណ្ណោះក្នុងមួយថ្ងៃ (ប្រហែលទំហំបាតដៃមនុស្សពេញវ័យ)។ ដើម្បីទទួលបានសុខភាពល្អឥតខ្ចោះ លោកអ្នកគួរផ្លាស់ប្តូរមុខម្ហូបដោយដាក់បញ្ចូលសាច់ស (ដូចជាត្រី និងមាន់) សណ្ដែក និងផ្សិត រួមជាមួយបន្លែផ្លែឈើឱ្យបានច្រើនមុខ។ ចំពោះស្ត្រីមានផ្ទៃពោះដែលចង់បំពេញឈាម គួរពិភាក្សាជាមួយគ្រូពេទ្យដើម្បីប្រើប្រាស់ថ្នាំបំប៉នជាតិដែកក្នុងកម្រិតដែលត្រឹមត្រូវ និងមានសុវត្ថិភាពបំផុត៕
ចែករំលែកព័តមាននេះ