រាជធានីភ្នំពេញ ៖ ក្នុងគោលបំណងលើកកម្ពស់សុវត្ថិភាពចរាចរណ៍ និងកាត់បន្ថយគ្រោះថ្នាក់ជាយថាហេតុ ក្នុងការធ្វើដំណើរលើផ្លូវល្បឿនលឿន ក្រសួងសាធារណការ និងដឹកជញ្ជូន បានសង្កត់ធ្ងន់ និងក្រើនរំលឹកដល់បងប្អូនប្រជាពលរដ្ឋជាអ្នកបើកបរទាំងអស់ ឱ្យយកចិត្តទុកដាក់ខ្ពស់ចំពោះបម្រាម…
រាជធានីភ្នំពេញ ៖ ក្នុងគោលបំណងលើកកម្ពស់សុវត្ថិភាពចរាចរណ៍ និងកាត់បន្ថយគ្រោះថ្នាក់ជាយថាហេតុ ក្នុងការធ្វើដំណើរលើផ្លូវល្បឿនលឿន ក្រសួងសាធារណការ និងដឹកជញ្ជូន បានសង្កត់ធ្ងន់ និងក្រើនរំលឹកដល់បងប្អូនប្រជាពលរដ្ឋជាអ្នកបើកបរទាំងអស់ ឱ្យយកចិត្តទុកដាក់ខ្ពស់ចំពោះបម្រាម និងបទបញ្ជាផ្ទៃក្នុងសំខាន់ៗ ។
ជាក់ស្តែងក្រសួងសាធារណការ និងដឹកជញ្ជូនបានប្រកាសនាព្រឹកថ្ងៃទី១៧ ខែកុម្ភៈនេះថា ៖ ដើម្បីការពារសុវត្ថិភាព ក្នុងការធ្វើដំណើរនៅលើផ្លូវល្បឿនលឿន បងប្អូនត្រូវយល់ដឹងបន្ថែមអំពីបម្រាមមួយចំនួន
១. ហាមបើកបរត្រឡប់ក្រោយ
២. ហាមបោះសំរាមចោលតាមផ្លូវ
៣. ហាមបើកបរបញ្ច្រាសទិស ឬថយក្រោយ
៤. ហាមបើកបរលើសល្បឿនកំណត់
៥. ហាមដឹកអ្នកដំណើរនៅក្រោយរថយន្តភីកអាប់
៦. ហាមម៉ូតូរ៉ឺម៉កដែលមានកម្លាំងក្រោម 500cc ធ្វើដំណើរឡើងផ្លូវល្បឿនលឿន
បន្ថែមពីនេះទៀត ក្រសួងសាធារណការ និងដឹងជញ្ជូន សូមអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍ ៕
ចែករំលែកព័តមាននេះ