យោងតាមការផ្សាយរបស់សារព័ត៌មានបរទេស ថ្លើមដុះខ្លាញ់មិនមែនជារឿងលេងសើចទេ ព្រោះវាអាចវិវត្តទៅជាការរលាក ក្រិនថ្លើម ឬមហារីក ប្រសិនបើអ្នកមិនប្រយ័ត្នលើរបបអាហារ។ ដើម្បីការពារសរីរាង្គដ៏សំខាន់នេះ អ្នកគួរប្រយ័ត្នចំពោះក្រុមអាហារគ្រោះថ្នាក់ទាំង ៤ ដូចខាងក្រោម៖…
យោងតាមការផ្សាយរបស់សារព័ត៌មានបរទេស ថ្លើមដុះខ្លាញ់មិនមែនជារឿងលេងសើចទេ ព្រោះវាអាចវិវត្តទៅជាការរលាក ក្រិនថ្លើម ឬមហារីក ប្រសិនបើអ្នកមិនប្រយ័ត្នលើរបបអាហារ។ ដើម្បីការពារសរីរាង្គដ៏សំខាន់នេះ អ្នកគួរប្រយ័ត្នចំពោះក្រុមអាហារគ្រោះថ្នាក់ទាំង ៤ ដូចខាងក្រោម៖
ដំបូងគេគឺ អាហារជាតិស្ករខ្ពស់ ដូចជា នំផ្អែម ការ៉េម និងផ្លែឈើដែលមានជាតិហ្វ្រុចតូសខ្ពស់ (មៀន ប៉ោម ចេក) ព្រោះជាតិស្ករដែលលើសនឹងបំប្លែងទៅជាខ្លាញ់កកកុញក្នុងថ្លើមភ្លាមៗ។ បន្ទាប់មកគឺ អាហារបំពង និងជាតិខ្លាញ់អាក្រក់ ដូចជា ខ្លាញ់សត្វ គ្រឿងក្នុង និងសាច់កែច្នៃ ដែលដាក់បន្ទុកយ៉ាងធ្ងន់ដល់មុខងារថ្លើម។
បន្ថែមពីនេះ អាហារប្រៃ និងអាហារកំប៉ុង ដែលសម្បូរជាតិសូដ្យូម ក៏ជាសត្រូវដែលបង្កឱ្យរាងកាយដក់ទឹក និងជំរុញឱ្យថ្លើមងាយរឹង។ ជាចុងក្រោយគឺ កាបូអ៊ីដ្រាតចម្រាញ់ ដូចជា បាយស មីកញ្ចប់ និងនំប៉័ងស ដែលងាយប្រែជាខ្លាញ់រុំថ្លើមបំផុត។ លោកអ្នកគួរងាកមកញ៉ាំអង្ករសម្រូប ឬធញ្ញជាតិ ដើម្បីបង្កើនជាតិសរសៃ និងជ្រើសរើសវិធីចម្អិនបែបស្ងោរ ឬចំហុយជំនួសវិញ។
ការផ្លាស់ប្តូរទម្លាប់ញ៉ាំ និងការបន្ថែមបន្លែបៃតង គឺជាគន្លឹះដ៏វិសេសក្នុងការស្ដារសុខភាពថ្លើមឱ្យរឹងមាំឡើងវិញ៕
ចែករំលែកព័តមាននេះ