ខេត្តព្រះសីហនុ ៖ ដោយមានការយកចិត្តទុកដាក់ដឹកនាំចង្អុលបង្ហាញដ៏ខ្ពង់ខ្ពស់ពីឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងតាមកាណែនាំពីលោកឧត្ដមសេនីយ៍ត្រី ណុប បញ្ញា…
ខេត្តព្រះសីហនុ ៖ ដោយមានការយកចិត្តទុកដាក់ដឹកនាំចង្អុលបង្ហាញដ៏ខ្ពង់ខ្ពស់ពីឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងតាមកាណែនាំពីលោកឧត្ដមសេនីយ៍ត្រី ណុប បញ្ញា ស្នងការរង ទទួលផែនការងារនគរបាលព្រហ្មទណ្ឌ កាលពីយប់ថ្ងៃទី១០ ខែកុម្ភៈ ឆ្នាំ២០២៦ វេលាម៉ោង០១និង១០នាទីរំលងអធ្រាត្រ នៅចំណុចក្រោមចំណោទ ខ្មែរធ្វើបាន ស្ថិតក្នុងភូមិគគីរ សង្កាត់បិតត្រាំង ក្រុងកំពង់សោម ខេត្តព្រះសីហនុ មានករណីហិង្សាដោយចេតនាមួយកើតឡើងបង្កដោយក្រុមទំនើងមួយក្រុម មានគ្នាចំនួន ០៩នាក់ ជិះម៉ូតូ ចំនួន៥គ្រឿង ដេញវាយ ដោយប្រើប្រាស់ ពូថៅ ដាវ ដំបងឈើ ធ្វើសកម្មភាពវាយ និងកាប់បំផ្លិចបំផ្លាញម៉ូតូជនរងគ្រោះ ០១គ្រឿង បណ្តាលឱ្យរងការខូចខាតជាដំណំ ។
ជនរងគ្រោះ រួមមាន ៖
១.ឈ្មោះ យ៉ែម សុខគ្រាត ភេទប្រុសអាយុ២៦ឆ្នាំ (មុខរបរកម្មកររោងចក្រ)
២.ឈ្មោះ ឈាត ដែន ភេទប្រុសអាយុ២២ឆ្នាំ (កម្មកររោងចក្រ)
៣.ឈ្មោះ សន វីត ភេទប្រុសអាយុ២០ឆ្នាំ (មុខរបរកម្មកររោងចក្រ) អ្នកទាំង៣ស្នាក់នៅក្នុងភូមិពូធឿង សង្កាត់បិតត្រាំង ក្រុងកំពង់សោម ខេត្តព្រះសីហនុ។ (ពុំមានរងរបួសនោះទេ) ។
បន្ទាប់ពីទទួលបណ្តឹងពីជនរងគ្រោះ ផ្នែកជំនាញព្រហ្មទណ្ឌ នៃអធិការដ្ឋាននគរបាលក្រុងកំពង់សោម បានចុះធ្វើការស្រាវជ្រាវរហូតមកដល់វេលាម៉ោង១និង៣០នាទីយប់ថ្ងៃទី១២ ខែកុម្ភៈ ឆ្នាំ២០២៦ សមត្ថកិច្ចបានឃាត់ខ្លួនក្រុមជនសង្ស័យ ចំនួន៩នាក់ រួមមាន ៖
១.ឈ្មោះ សាង ចិន ភេទប្រុស អាយុ១៩ឆ្នាំ (មុខរបរជាងភ្លើង) ស្នាក់នៅភូមិ១សង្កាត់១ ក្រុងព្រះសីហនុ ខេត្តព្រះសីហនុ។
២.ឈ្មោះ រុន រ៉ាវីត ភេទប្រុស អាយុ១៨ឆ្នាំ (មុខរបរលាងឡាន) ស្នាក់នៅភូមិ២ សង្កាត់៣ ក្រុងព្រះសីហនុ ខេត្តព្រះសីហនុ។ (បើកម៉ូតូ)
៣.ឈ្មោះ យ៉ាន់ ផាន់ណា ភេទប្រុស អាយុ១៧ឆ្នាំ (មុខរបរជាងភ្លើង) ស្នាក់ភូមិ១ សង្កាត់១ ក្រុងព្រះសីហនុ ខេត្តព្រះសីហនុ។ (កាន់ដំបងឈើ)
៤.ឈ្មោះ ម៉ុន ប៊ុនឡៃ ភេទប្រុស អាយុ១៧ឆ្នាំ (មុខរបរជាងភ្លើង) ស្នាក់នៅភូមិ១ សង្កាត់១ ក្រុងព្រះសីហនុ ខេត្តព្រះសីហនុ។ (កាន់ពូថៅ)
៥.ឈ្មោះ ចាន់ តុលា ភេទប្រុស អាយុ១៧ឆ្នាំ (មុខរបរជាងភ្លើង)ស្នាក់នៅភូមិ១ សង្កាត់១ ក្រុងព្រះសីហនុ ខេត្តព្រះសីហនុ។ (បើកម៉ូតូ)
៦.ឈ្មោះ ងីន ថានុ ភេទប្រុស អាយ១៧ឆ្នាំ (មុខរបរជាងភ្លើង)ស្នាក់នៅភូមិ១ សង្កាត់១ ក្រុងព្រះសីហនុ ខេត្តព្រះសីហនុ។ (កាន់ដាវ)
៧.ឈ្មោះ ម៉ាន មូស្លីម ភេទប្រុសអាយុ១៧ឆ្នាំ (មុខរបរជាងភ្លើង)ស្នាក់នៅភូមិ៣សង្កាត់៤ ក្រុងព្រះសីហនុ (បើកម៉ូតូ និងជាអ្នកថតសកម្មភាព)
៨.ឈ្មោះ ប៉ាក គង់ហាន ភេទប្រុសអាយុ១៨ឆ្នាំ មុខរបរកម្មករការ៉ាសសាំង) ស្នាក់នៅភូមិភូមិ១សង្កាត់១ ក្រុងព្រះសីហនុ។
៩.ឈ្មោះ ខា ឆាវិន ភេទប្រុសអាយុ១៦ឆ្នាំ (មុខរបរជាងភ្លើង) ស្នាក់នៅភូមិ១សង្កាត់១ក្រុងព្រះសីហនុខេត្តព្រះសីហនុ ។
វត្ថុតាងដកហូតរួមមាន ៖
១.ពូថៅចំនួន ០១ដើម
២.ដាវចំនួន ០១ដើម
៣.ដំបងឈើ ចំនួន១កំណាត់
៤.ម៉ូតូចំនួន៥គ្រឿង(មធ្យោបាយប្រព្រឹត្របទល្មើស)
៥.ទូរសព្ទដៃ ចំនួន៨គ្រឿង
ក្នុងករណីខាងលើ ខូចខាត ម៉ូតូ១គ្រឿង ។
បច្ចុប្បន្ន ក្រុមជនសង្ស័យ រួមទាំងវត្ថុតាង ត្រូវបានផ្នែកជំនាញអធិការដ្ឋាននគរបាលក្រុងកំពង់សោ កសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តព្រះសីហនុ បន្តតាមនីតិវិធី ៕
ចែករំលែកព័តមាននេះ