ចំណេះដឹង៖ យោងតាមការផ្សាយរបស់សារព័ត៌មានបរទេស នៅក្នុងពិភពការងារ ការឡើងឋានៈមិនមែនសម្រេចបានត្រឹមតែតាមរយៈតួលេខ KPI នោះទេ ប៉ុន្តែវាផ្ដើមចេញពីទំនុកចិត្ត និងសក្តានុពលដែលថ្នាក់លើបានសង្កេតឃើញ។

សញ្ញាដំបូងដែលបង្ហាញថាអ្នកស្ថិតក្នុងបញ្ជីអាទិភាព គឺការទទួលបានកិច្ចការពិសេសៗដែលមិនមែនជាការងារប្រចាំថ្ងៃរបស់អ្នក ដូចជាការឱ្យជួយព្រាងឯកសារសម្ងាត់ ឬរៀបចំកិច្ចប្រជុំយុទ្ធសាស្ត្រ ដែលនេះគឺជាការសាកល្បងទំនុកចិត្តយ៉ាងស៊ីជម្រៅលើសពីសមត្ថភាពបច្ចេកទេសធម្មតា។ បន្ថែមពីនេះ ការដែលក្រុមហ៊ុនសុខចិត្តចំណាយធនធានបញ្ជូនអ្នកទៅវគ្គបណ្តុះបណ្តាលភាពជាអ្នកដឹកនាំ ឬការគ្រប់គ្រងគម្រោង បញ្ជាក់យ៉ាងច្បាស់ថាពួកគេមើលឃើញអ្នកជាទ្រព្យសម្បត្តិដ៏មានតម្លៃ និងជាអ្នកបន្តវេនសម្រាប់តំណែងខ្ពស់នាពេលអនាគត។ សញ្ញាចុងក្រោយដែលសំខាន់បំផុត គឺការអញ្ជើញអ្នកឱ្យចូលរួមកិច្ចប្រជុំជាមួយអតិថិជន VIP ឬថ្នាក់ដឹកនាំជាន់ខ្ពស់ ដើម្បីផ្ដល់ឱកាសឱ្យអ្នកបង្ហាញសមត្ថភាពចរចា និងការសម្រេចចិត្តក្នុងស្ថានភាពពិតៗ។

ប្រសិនបើអ្នកឃើញសញ្ញាទាំងនេះកើតឡើងក្នុងពេលតែមួយ វាគឺជាសញ្ញាព្រមានដ៏ល្អថាអ្នកកំពុងស្ថិតនៅលើវិថីឆ្ពោះទៅរកការរីកចម្រើនក្នុងអាជីពយ៉ាងពិតប្រាកដ៕