រាជធានីភ្នំពេញ៖ ​ក្រសួងធនធានទឹក និងឧតុនិយម​ បានឱ្យដឹងថា ស្ថានភាពអាកាសធាតុនៅតំបន់មាត់សមុទ្រ រួមមានខេត្តកោះកុង ព្រះសីហនុ កំពត កែប និងជួរភ្នំបូកគោ នៅតែបន្តមានភ្លៀងធ្លាក់លាយឡំជាមួយខ្យល់កន្ត្រាក់។

សម្រាប់ចន្លោះថ្ងៃទី១៣ ដល់ថ្ងៃទី១៦ ខែកុម្ភៈ ឆ្នាំ២០២៦ នេះ ភ្លៀងអាចនឹងធ្លាក់គ្របដណ្តប់លើផ្ទៃដីរហូតដល់ ១៥% ដែលមានការកើនឡើងបន្តិចបើធៀបនឹងដើមសប្តាហ៍។

ក្នុងអំឡុងពេលនេះ សីតុណ្ហភាពមធ្យមអប្បបរមាគឺ ២២°C និងអតិបរមា ៣៤°C។ ខ្យល់នឹងបក់មកពីទិសនិរតី និងទិសអាគ្នេយ៍ ក្នុងល្បឿនមធ្យម ៥ ម៉ែត្រក្នុងមួយវិនាទី។ ចំពោះបងប្អូនដែលត្រូវធ្វើដំណើរតាមផ្លូវទឹក សូមបង្កើនការប្រុងប្រយ័ត្ន ព្រោះរលកសមុទ្រមានកម្ពស់ចាប់ពី ០,៥០ ម៉ែត្រ រហូតដល់ ១,២៥ ម៉ែត្រ​៕