រាជធានីភ្នំពេញ ៖ ដើម្បីចូលរួមទប់ស្កាត់ការរីករាលដាលជំងឺអេដស៍ នៅកម្ពុជា អង្គការមូលនិធិ ថែទាំសុខភាពអ្នកជំងឺអេដស៍កម្ពុជា (AHF) សហការជាមួយអាជ្ញាធរជាតិប្រយុទ្ធនឹងជំងឺអេដស៍ នឹងរៀបចំទិវា ស្រោមអនាម័យអន្តរជាតិ…
រាជធានីភ្នំពេញ ៖ ដើម្បីចូលរួមទប់ស្កាត់ការរីករាលដាលជំងឺអេដស៍ នៅកម្ពុជា អង្គការមូលនិធិ ថែទាំសុខភាពអ្នកជំងឺអេដស៍កម្ពុជា (AHF) សហការជាមួយអាជ្ញាធរជាតិប្រយុទ្ធនឹងជំងឺអេដស៍ នឹងរៀបចំទិវា ស្រោមអនាម័យអន្តរជាតិ ស្របជាមួយទិវា នៃក្តីស្រឡាញ់ នៅថ្ងៃទី១៤ ខែកុម្ភៈ ឆ្នាំ២០២៦ ។
កម្មវិធីចាប់ពីវេលាម៉ោង ៩ព្រឹក ដល់ម៉ោង ៩យប់ នៅផ្សារទំនើប ខេម៉ល (K Mall) ផ្លូវវេងស្រេង រាជធានីភ្នំពេញ ដែលនឹងនាំមកនូវភាពសប្បាយរីករាយ ការអប់រំ ការលើកកម្ពស់ការប្រើប្រាសស្រោមអនាម័យ ជាមួយនឹងការចែកចាយស្រោមអនាម័យ និងការធ្វើតេស្តដោយឥតគិតថ្លៃ ។
លោកវេជ្ជបណ្ឌិត ចន ផាន់ណា ប្រធានគ្រប់គ្រងកម្មវិធីប្រចាំប្រទេស អង្គការមូលនិធិថែទាំសុខភាពអ្នកជំងឺអេដស៍បានលើកឡើងថា ការកើនឡើង នៃអត្រាឆ្លងជំងឺកាមរោគនៅទូទាំងពិភពលោក ជាពិសេសជំងឺស្វាយ មិនមែនជារឿងអាថ៌កំបាំងទេ វាជាអ្វី ដែលកើតឡើងនៅពេល ដែលមូលនិធិសកលថយចុះ ហើយស្រោមអនាម័យមិនត្រូវបានផ្តល់អាទិភាពសម្រាប់ការបង្ការមេរោគអេដស៍ បើគ្មានការកែតម្រូវជាបន្ទាន់ទេ ការឆ្លងមេរោគអេដស៍ នឹងកើនឡើងក្នុងពេលឆាប់ៗនេះ ។
លោកវេជ្ជបណ្ឌិត បានបន្តថា ស្រោមអនាម័យ ដែលប្រើប្រាស់រាប់ទសវត្សរ៍ ក្នុងការឆ្លើយតបនឹងមេរោគអេដស៍ ជាសកល និងមិនចំណាយច្រើន។ ការរក្សាការបង្ការការឆ្លងមេរោគអេដស៍ និងការទប់ស្កាត ការកើនឡើង នៃការឆ្លងជំងឺកាមរោគ មិនតម្រូវឱ្យមានការច្នៃប្រឌិតវិទ្យាសាស្ត្រថ្មីទេ តែតម្រូវឱ្យមានឆន្ទៈគោលនយោបាយ ការវិនិយោគប្រកបដោយចីរភាព និងការប្តេជ្ញាចិត្តឡើងវិញ ដើម្បីធានាថា ស្រោមអនាម័យគឺឥតគិតថ្លៃ ឬមានតម្លៃសមរម្យ និងអាចរកបានយ៉ាងទូលំទូលាយសម្រាប់អ្នក ដែលត្រូវការវាបំផុត ។
សូមបញ្ជាក់ដែរថា ទិវាស្រោមអនាម័យអន្តរជាតិ (ថ្ងៃទី១៣ ខែកុម្ភៈ) ត្រូវបានបង្កើតឡើងដោយមូលនិធិថែទាំសុខភាពអេដស៍ ក្នុងឆ្នាំ២០០៩ ដើម្បីអបអរសាទរស្រោមអនាម័យ ជាជម្រើសដ៏ល្អបំផុតរបស់ពិភពលោក សម្រាប់ការការពារមេរោគអេដស៍ ជំងឺកាមរោគផ្សេងៗ និងការមានផ្ទៃពោះ ដែលមិនបានគ្រោងទុក។
ទិវាស្រោមអនាម័យអន្តរជាតិ រំលឹកយើងថា ស្រោមអនាម័យមានសុវត្ថិភាពជាង ទាក់ទាញ និងការបង្កាសម្រាប់ទូទាំងពិភពលោក៖ «កុំស្ទាក់ស្ទើរប្រើស្រោមអនាម័យ»។
ក្នុងការឆ្លើយតបនឹងមេរោគអេសដ៍ អង្គការមូលនិធិថែទាំសុខភាពអ្នកជំងឺអេដស៍កម្ពុជា នឹងរៀបចំយុទ្ធនាការ នាទិវាស្រោមអនាម័យអន្តរជាតិ ដែលមានការអប់រំ ការធ្វើតេស្ត ការចែកស្រោមអនាម័យពិភាក្សាពីស្រោមអនាម័យ អបអរសាទរ និងរបាំកំសាន្តសប្បាយ ជាមួយតន្ត្រី សម័យ បុរាណ ផងដែរ ៕
ចែករំលែកព័តមាននេះ