ពលរដ្ឋដែលស្នើតភ្លើងក្រោម២០អំពែចុះ អគ្គីសនីកម្ពុជានឹងលើកលែងថ្លៃស្នើតភ្ជាប់ ។ នេះបើតាមការបញ្ជាក់ របស់លោក កែវ រតនៈ រដ្ឋមន្ត្រីក្រសួងរ៉ែ និងថាមពល កាលពីថ្ងៃទី១២…
ពលរដ្ឋដែលស្នើតភ្លើងក្រោម២០អំពែចុះ អគ្គីសនីកម្ពុជានឹងលើកលែងថ្លៃស្នើតភ្ជាប់ ។ នេះបើតាមការបញ្ជាក់ របស់លោក កែវ រតនៈ រដ្ឋមន្ត្រីក្រសួងរ៉ែ និងថាមពល កាលពីថ្ងៃទី១២ ខែកុម្ភៈ ឆ្នាំ២០២៦ ។
លោកបានអះអាងថា ការលើកលែងយកថ្លៃភ្ជាប់ភ្លើង ឱ្យពលរដ្ឋក្រោម២០អំពែ នេះនឹងអនុវត្តចាប់ពីថ្ងៃទី១ ខែមីនា ឆ្នាំ២០២៦ តទៅ ។
ថ្លែងនៅក្នុងសន្និបាតបូកសរុបលទ្ធផលការងារឆ្នាំ២០២៥ របស់អាជ្ញាធរអគ្គិសនីកម្ពុជា លោករដ្ឋមន្ត្រីបានបន្តថា នេះគឺជាដំណើរការដើម្បីកាត់បន្ថយការិយាធិបតេយ្យ ក្នុងការផ្តល់សេវាទៅពលរដ្ឋ ។
ក្រៅពីនេះ លោកបានបន្តថា ក្រសួងបានកំពុងដាក់គោលការណ៍ កាត់បន្ថយពេលវេលា និងក្រដាសស្នាមឱ្យបាន៥០ភាគរយ ។
លោករដ្ឋមន្ត្រីបានអះអាងថា ពលរដ្ឋដែលស្នើសុំតភ្លើងត្រឹម ៥អំពែ ១០អំពែ ដល់២០អំពែ ១ហ្វា គឺក្រសួងមិនឱ្យយកថ្លៃតចរន្តទេ ហើយក្រសួងនឹងបញ្ជាឲ្យកាត់បន្ថយពេលវេលា៥០ភាគរយ ដើម្បីជួយសម្រួលដល់បងប្អូនភ្ជាប់ចរន្តប្រើប្រាស់នៅតាមលំនៅឋានបានឆាប់រហ័ស។
លោកបានបន្តថា ដោយឡែក អតិថិជនដែលស្នើប្រើប្រាស់កម្លាំងពី ១ហ្វា ៦៣អំពែ ឬ ៣ហ្វា ២០អំពែ គឺកាត់បន្ថយពេលវេលាពី១៥ថ្ងៃ មកត្រឹមតែ៨ថ្ងៃ ធ្វើការតែប៉ុណ្ណោះ។
ចែករំលែកព័តមាននេះ