ឧប្បត្តិហេតុនៅកណ្ដាលសមុទ្រ៖ នាវាចម្បាំងអាមេរិក២គ្រឿងបុ.កគ្នា
សហរដ្ឋអាមេរិក ៖ តាមព័ត៌មានរាយការណ៍កាលពីថ្ងៃទី១២ កុម្ភៈ ដោយទូរទស្សន៍អាមេរិក ABC NEWS ថា នាវាចម្បាំងអាមេរិក២គ្រឿងបានបុកគ្នា កាលពីថ្ងៃទី១១កុម្ភៈ…
សហរដ្ឋអាមេរិក ៖ តាមព័ត៌មានរាយការណ៍កាលពីថ្ងៃទី១២ កុម្ភៈ ដោយទូរទស្សន៍អាមេរិក ABC NEWS ថា នាវាចម្បាំងអាមេរិក២គ្រឿងបានបុកគ្នា កាលពីថ្ងៃទី១១កុម្ភៈ ក្នុងសមុទ្រការ៉ាអ៊ីប ក្នុងឱកាសនៃប្រតិបត្តិការផ្កត់ផ្គង់មួយក្នុងសមុទ្រ បណ្ដាលឲ្យទាហាន២នាក់របួសស្រាល ។
ការបុកគ្នានោះ កើតមានរវាងនាវាពិឃាតបាញ់មីស៊ីលUSS TRUXTUNនិងនាវាទ្រទ្រង់ភស្ដុភារUSNS SUPPLY ។ នាវាទាំង២គ្រឿងនោះ បើកអែបគ្នាដើម្បីផ្ទេរប្រេងនិងសម្ភារពេលបុកគ្នាកើតមាន។
កងទ័ពអាមេរិកគូសបញ្ជាក់ថា ទាហាន២នាក់ដែលត្រូវរបួសមិនមានគ្រោះថ្នាក់ដល់អាយុជិវិតទេ។ នាវាទាំង២គ្រឿងក្រោយបុកគ្នាអាចបន្តបើកបរបាន ហើយការស៊ើបអង្កេតមួយត្រូវបានបើកធ្វើដើម្បី កំណត់មូលហេតុពិតប្រាកដនៃឧប្បត្តិហេតុនេះ។
នាវាពិឃាតដែលបុកគ្នាបានចាកចេញពីកំពង់ផែNORFOLK កាលពីថ្ងៃទី៦កុម្ភៈមកចូលរួមជាមួយកងនាវាចម្បាំងអាមេរិកដែលដាក់ពង្រាយច្រើនក្នុងតំបន់។ នាវាចម្បាំងអាមេរិកដល់១១គ្រឿង បច្ចុប្បន្នកំពុងធ្វើប្រតិបត្តិការក្នុងតំបន់ការ៉ាអ៊ីប ក្នុងនោះមាននាវាផ្ទុកយន្តហោះUSS GERALD FORD៕
ចែករំលែកព័តមាននេះ