សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំគំរាម កាលពីថ្ងៃទី៣០ មីនា ថា នឹងកម្ទេចបណ្ដាធនធានថាមពលអ៉ីរ៉ង់ និងហេដ្ឋារចនាសម្ព័ន្ធសំខាន់ៗរបស់ប្រទេសនេះ ពិសេសបណ្ដារោងចក្រចម្រាញ់ទឹកសមុទ្រមកជាទឹកសាប…
សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំគំរាម កាលពីថ្ងៃទី៣០ មីនា ថា នឹង
កម្ទេចបណ្ដាធនធានថាមពលអ៉ីរ៉ង់ និងហេដ្ឋារចនាសម្ព័ន្ធសំខាន់ៗរបស់ប្រទេសនេះ ពិសេសបណ្ដារោងចក្រចម្រាញ់ទឹកសមុទ្រមកជាទឹកសាប ប្រសិនបើកិច្ចព្រមព្រៀងមួយមិនត្រូវបានចុះហត្ថលេខា នាពេលបន្តិចទៀតទេនោះ ។
ក្នុងបទសម្ភាសន៍មួយ ជាមួយកាសែតFINANCIAL TIMES លោកត្រាំលើកឡើងថា កងទ័ពអាមេ
រិកអាចវាយដណ្ដើមយកទីតាំងនាំប្រេងចេញសំខាន់របស់អ៉ីរ៉ង់នៅកោះKHARG ។ លោកអះអាងថា យើងអាចដណ្ដើមយកកោះKHARG ។ យើងមានការជ្រើសរើសជាច្រើន ។ ប្រធានាធិបតីអាមេរិកលើកឡើងជាច្រើនលើកថា ធ្វើឲ្យមានការរីកចម្រើនខាងការទូត ទោះបីអ៉ីរ៉ង់បដិសេធការចរចាដោយផ្ទាល់ក៏ដោយ ។ លោកបង្កើនការគំរាមកំហែង និងដោយបញ្ជូនកងទាហានអាមេរិកច្រើនពាន់នាក់ថែមទៀមមកកាន់មជ្ឈឹមបូព៌ា ។
គេនៅតែមិនច្បាស់លើការខិតខំប្រឹងប្រែងខាងការទូត ដែលមានប៉ាគីស្ថានជាអ្នកដើរតួ ។ ការវាយប្រហារមិនឈប់ឈររបស់អ៉ីរ៉ង់ប្រឆាំងបណ្ដាប្រទេសជិតខាងនៅឈូងសមុទ្រពែរ្ស៍ អាចធ្វើឲ្យស្មុគ្រស្មាញថែមទៀតដល់រាល់ការចរចា ។ អ្នកនាំពាក្យក្រសួងការបរទេសអ៉ីរ៉ង់លោកអេស្មាអ៉ីលបាហ្គាអែល ទទួលស្គាល់កាលពីថ្ងៃទី៣០ មីនា ថា ក្រុងតេហេរ៉ង់បានទទួលសំណើមាន១៥ចំណុចរបស់រដ្ឋការលោកត្រាំតែលោកថ្លែងថា ពុំមានការចរចាដោយផ្ទាល់ណាមួយជាមួយក្រុងវ៉ាស៊ីនតោនឡើយ ។ លោកចាត់ទុកការទាមទាររបស់អាមេរិកថា ជ្រុលហួសពេក ពុំប្រាកដនិយមនិងមិនសមហេតុផល ។
តាមប្រធានសភាអ៉ីរ៉ង់លោកម៉ូហាម៉ាដបាក់ហ័រកាលីបាហ្វថា ការចរចានៅប៉ាគីស្ថានគ្រាន់តែជាលេសមួយ ដើម្បីបញ្ជូនកងទ័ពអាមេរិក កាន់តែច្រើនថែមទៀតមកកាន់តំបន់តែប៉ុណ្ណោះ។ សហរដ្ឋអាមេរិកបានវាយប្រហារលើអ៉ីរ៉ង់២លើករួចមកហើយ ក្នុងពេលកំពុងមានការចរចា ក្នុងអាណត្តិទី២របស់លោកត្រាំ ពិសេស ការវាយប្រហារចាប់ផ្ដើមពីថ្ងៃទី២៨ កុម្ភៈ មកដែលនាំឲ្យមានសង្គ្រាមមកទល់បច្ចុប្បន្ន ។
ប្រទេសអេមីរ៉ាត់អារ៉ាប់រួម ដែលតាំងពីយូរមកហើយចាត់ទុកជាឋានសូគ៌ ក្នុងតំបន់មួយដែលមាន
អស្ថេរភាព ពេលនេះ កំពុងរងការប៉ះពាល់ខ្លាំងដោយសង្គ្រាមនេះ ហើយប្រទេសនោះឲ្យដឹងថាខ្លួនមានបំណងចង់រំសាយអាវុធអ៉ីរ៉ង់ ក្នុងក្របខណ្ឌនៃរាល់បទឈប់បាញ់គ្នា តែពិតណាស់អ៉ីរ៉ង់មិនព្រមឡើយ ។ ស្នូរស៊ីរ៉ែនប្រកាសអាសន្នលាន់ឮ នាព្រឹកព្រលឹមថ្ងៃទី៣១មីនា នៅជិតមជ្ឈមណ្ឌលស្រាវជ្រាវនុយក្លេអ៊ែរសំខាន់របស់អ៉ីស្រាអែល ខណៈផ្នែកមួយរបស់ប្រទេសជាគោលដៅនៃការវាយប្រហាររបស់អ៉ីរ៉ង់ជាច្រើនលើក រយៈពេលប៉ុន្មានថ្ងៃចុងក្រោយនេះ ។
កងទ័ពអ៉ីស្រាអែលក៏ប្រកាសផងដែរថា បានបាញ់ទម្លាក់ដ្រូន២គ្រឿងបញ្ជូនមកពីយេម៉ែន ដែលពួកឧទ្ទាមហ៊ូធីកាន់កាប់ផ្នែកដ៏ធំរបស់ប្រទេសនេះ បានហក់ចូលក្នុងសង្គ្រាមជួយអ៉ីរ៉ង់កាលពីថ្ងៃទី២៨មីនា ។ អ៉ីរ៉ង់នៅរក្សាការគាបសង្កត់លើបណ្ដាប្រទេសអារ៉ាប់ជិតខាងដោយអារ៉ាប៊ីសាអូឌីតបានស្ទាក់់កម្ទេចមិស៊ីល៥គ្រាប់ ដែលបាញ់សំដៅខេត្តភាគខាងកើតរបស់ប្រទេសសម្បូរដោយប្រេងកាត ។ ចំណែកដុំភ្លើងបានជះពីលើក្រុងឌូបៃនៃប្រទេសអេមីរ៉ាត់អារ៉ាប់រួម ពេលមីស៊ីល១គ្រាប់ត្រូវបានស្ទាក់់កម្ទេច ។ នៅគុយវ៉ែតមានការវាយប្រហារមួយរបស់អ៉ីរ៉ង់លើមជ្ឈមណ្ឌលអគ្គិសនីមួយ និងលើរោងចក្រចម្រាញ់ទឹកមួយបណ្ដាលឲ្យស្លាប់កម្មករម្នាក់ហើយទាហាន១០នាក់រងរបួស ។
អ៉ីស្រាអែលបានបន្តវាយប្រហារខ្លាំងក្លាថ្មីលើអ៉ីរ៉ង់ ដោយអះអាងថា បានវាយប្រហារលើបណ្ដាហេដ្ឋារចនាសម្ព័ន្ធយោធានៅក្រុងតេហេរ៉ង់ ។ ស្នូរផ្ទុះនានាលាន់ឮក្នុងរដ្ឋធានីអ៉ីរ៉ង់ ហើយបណ្ដាសារព័ត៌មានរដ្ឋអ៉ីរ៉ង់រៀបរាប់ ពីរោងចក្រប្រេងគីមីមួយនៅក្រុងតាព្រីសភាគខាងជើងប្រទេសរងការខូចខាតដោយការវាយប្រហារតាមអាកាស ៕ ប្រភព៖ Yahoo et AP
ចែករំលែកព័តមាននេះ