ប្រទេសនីហ្សេរីយ៉ា ៖ បន្ទាប់ពីសោកនាកម្មនៃការបាញ់ប្រហារ កាលពីថ្ងៃទី៣០ មីនា រដ្ឋាភិបាលរដ្ឋប្លាតូ ភាគកណ្ដាលនីហ្សេរីយ៉ា បានដាក់បម្រាមគោចរណ៍៤៨ម៉ោង ក្នុងតំបន់កើតមានសោកនាកម្មនោះ ។…
ប្រទេសនីហ្សេរីយ៉ា ៖ បន្ទាប់ពីសោកនាកម្មនៃការបាញ់ប្រហារ កាលពីថ្ងៃទី៣០ មីនា រដ្ឋាភិបាលរដ្ឋប្លាតូ ភាគកណ្ដាលនីហ្សេរីយ៉ា បានដាក់បម្រាមគោចរណ៍៤៨ម៉ោង ក្នុងតំបន់កើតមានសោកនាកម្មនោះ ។ នាវេលាម៉ោងប្រមាណជា២០និង៣០នាទីម៉ោងក្នុងស្រុក ពួកជនប្រដាប់អាវុធមិនស្គាល់អត្តសញ្ញាណ បានបាញ់ប្រហារក្នុងបារមួយ ស្ថិតនៅជាយក្រុងចូស រដ្ឋធានីនៃរដ្ឋនោះ បណ្ដាលឲ្យមនុស្សច្រើនសិបនាក់រងគ្រោះ ។
តាមសេចក្ដីរាយការណ៍ថា មនុស្សយ៉ាងតិច៣០នាក់ ប្រានត្រូវស្លាប់ក្នុងការវាយប្រហារនោះ នៅក្នុងបានៃសង្កាត់អាងវ៉ានរូគូបា ហើយបន្ទាប់មក មនុស្ស៣នាក់ទៀតស្លាប់ក្នុងការបះបោរមួយ ពេលមនុស្សម្នាខឹងសម្បារស្វែងរកការដេញតាមចាប់ពួកអ្នកវាយប្រហារមកកាត់ទោស ។ ខណៈភាពតានតឹងនៅតែខ្លាំងក្លា នៅក្រុងចូសសាកលវិទ្យាល័យនៅទីនោះ ព្រមទាំងសាលារៀនជាច្រើនស្ថិតនៅក្បែរកន្លែងមានការវាយប្រហារបានបិទទ្វារ នាថ្ងៃទី៣០ មីនា។
ចំណែកប្រជាជនវិញបាននាំគ្នាតវា់នៅតាមដងវិថី ទាមទារឲ្យអាជ្ញាធរមូលដ្ឋានចាត់បណ្ដាវិធានការជាក់ស្ដែងនានាប្រឆាំងអសន្តិសុខដោយមិនអើពើចំពោះការដាក់បម្រាមគោចរណ៍របស់អាជ្ញាធរ ។ កាលពីថ្ងៃទី១៤ មីនា ក្នុងតំបន់ដដែលនោះនៃរដ្ឋប្លាតូដែលតែងកើតមានអំពើហិង្សារវាងបណ្ដាសហគមន៍ ពួកជនប្រដាប់អាវុធបានសម្លាប់មនុស្ស២០នាក់ និងប្លន់យកសត្វពាហ
នៈ ៕
ចែករំលែកព័តមាននេះ