សង្គ្រាមអ៉ីរ៉ង់ ៖ នៅសេតវិមានប្រធានាធិបតីអាមេរិក លោកដូណាល់ត្រាំ អះអាងនាថ្ងៃទី៣១ មីនាថា សហរដ្ឋអាមេរិកនឹងចាកចេញពីអ៉ីរ៉ង់ពី២ ទៅ៣សប្ដាហ៍៦ទៀត ក្រោយពីជាង១ខែនៃសង្គ្រាមប្រឆាំងប្រទេសនេះ ។…
សង្គ្រាមអ៉ីរ៉ង់ ៖ នៅសេតវិមានប្រធានាធិបតីអាមេរិក លោកដូណាល់ត្រាំ អះអាងនាថ្ងៃទី៣១ មីនាថា សហរដ្ឋអាមេរិកនឹងចាកចេញពីអ៉ីរ៉ង់ពី២ ទៅ៣សប្ដាហ៍៦ទៀត ក្រោយពីជាង១ខែនៃសង្គ្រាមប្រឆាំងប្រទេសនេះ ។
លោកត្រាំអះអាងថា គ្មានហេតុផលអ្វីដែលយើងស្ថិតនៅអ៉ីរ៉ង់ក្នុងពេលយូរមិនកំណត់មួយនោះឡើយ ។ លោកថា អាមេរិកបានកម្ទេចរួចហើយ មួយផ្នែកធំនៃសមត្ថភាពផលិតមីស៊ីលរបស់អ៉ីរ៉ង់។ យើងនឹងបញ្ចប់ការងាររបស់យើងហើយខ្ញុំគិតថា គ្នុងពេល២សប្ដាហ៍ ឬប៉ុន្មានថ្ងៃបន្ថែមពីនេះឬតិចជាងនេះទៀត យើងនឹងបញ្ចប់ការងាររបស់យើងហើយ។
លោកលើកឡើងម្យ៉ាងទៀតថា វាអាចដែលយើងនឹងចុះហត្ថលេខាលើកិច្ចព្រមព្រៀងមួយក្នុងពេលបន្តិចទៀត ។ អ្វីៗដែលខ្ញុំបានធ្វើគឺចាកចេញពីអ៉ីរ៉ង់ ហើយយើងនឹងធ្វើក្នុងពេលដ៏ឆាប់ខាងមុខនេះ និងដោយប្រញាប់ប្រញាល់។
ក្នុងសារមួយតាមបណ្ដាញសង្គមTRUTH SOCIAL លោកត្រាំបានស្នើនាពេលមុននេះបន្តិចដល់បណ្ដាប្រទេសដែលមិនជួយសហរដ្ឋអាមេរិកគ្នុងការវាយប្រហារអ៉ីរ៉ង់ ហើយដែលមិនព្រមទិញប្រេងអាមេរិកឲ្យនាំគ្នាមកកាន់ច្រកសមុទ្រហ័រមូស គ្រាន់តែដើម្បីទទួលបានប្រេង។
លោកត្រាំអះអាងជាថ្មី នាយប់ថ្ងៃទី៣១ មីនា ថា ប្រសិនបើបារាំងនិងប្រទេសផ្សេងៗទៀតចង់បានប្រេង នោះពួកគេមានតែលើកគ្នាឆ្លងកាត់ច្រកសមុទ្រហ័រមូស ។ សហរដ្ឋអាមេរិកគ្មានអ្វីត្រូវធ្វើក្នុងច្រកសមុទ្រនោះទៀតទេ ។ អ្វីដែលកើតមាននៅច្រកសមុទ្រហ័រមូសយើងលែងសម្លឺងមើលទៀតហើយ ៕
ចែករំលែកព័តមាននេះ