ខេត្តបន្ទាយមានជ័យ ៖ នៅថ្ងៃទី៣១ ខែមីនា ឆ្នាំ២០២៦នេះ ទិដ្ឋភាពនៅ មណ្ឌលសុវត្ថិភាព វត្តចាន់ស៊ីសាមគ្គីរតនារាម ក្នុងស្រុកអូជ្រៅ ខេត្តបន្ទាយមានជ័យ…
ខេត្តបន្ទាយមានជ័យ ៖ នៅថ្ងៃទី៣១ ខែមីនា ឆ្នាំ២០២៦នេះ ទិដ្ឋភាពនៅ មណ្ឌលសុវត្ថិភាព វត្តចាន់ស៊ីសាមគ្គីរតនារាម ក្នុងស្រុកអូជ្រៅ ខេត្តបន្ទាយមានជ័យ ពោរពេញដោយស្នាមញញឹម និងបរិយាកាសអ៊ូអរយ៉ាងខ្លាំង ។
ទោះបីជាស្ថិតក្នុងស្ថានភាពជាបងប្អូនភៀសសឹកក៏ពិតមែន ប៉ុន្តែពួកគាត់បានរួមគ្នាបង្កើតភាពសប្បាយរីករាយ ដើម្បីលើកទឹកចិត្តគ្នាទៅវិញទៅមកតាមរយៈល្បែងប្រជាប្រិយខ្មែរជាច្រើន រួមមាន ៖
-ល្បែងវាយក្អម និងទាញព្រ័ត្រ៖ បង្កើតនូវភាពកំប្លែង និងសាមគ្គីភាពយ៉ាងស្អិតរមួតរវាងក្មេងចាស់ ប្រុសស្រី។
-ល្បែងស្វាដណ្ដើមស្លឹកឈើ៖ បន្ថែមភាពរស់រវើក និងការបញ្ចេញថាមពលយ៉ាងសប្បាយរីករាយ។
-ការរាំវង់ស្គរដៃ៖ ជាការសម្រាកលម្ហែកាយយ៉ាងកក់ក្ដៅតាមបែបប្រពៃណី បង្ហាញពីស្មារតីរឹងមាំរបស់ប្រជាពលរដ្ឋយើង ទោះក្នុងកាលៈទេសៈណាក៏ដោយ។
សូមបញ្ជក់ផងដែរថា នៅពេលល្ងាច មានទស្សនាល្ខោនបាសាក់ ប្រដាល់គុនខ្មែរ និងមានពិសាអាហារនំបញ្ចុករួបរួមសាមគ្គីផងដែរ។
សកម្មភាពទាំងនេះមិនត្រឹមតែជាការកម្សាន្តប៉ុណ្ណោះទេ ប៉ុន្តែវាក៏ជាថ្នាំទិព្វជួយបន្ធូរបន្ថយភាពតានតឹង និងបង្កើនក្ដីសង្ឃឹមដល់បងប្អូនដែលកំពុងស្នាក់នៅមណ្ឌលសុវត្ថិភាពផងដែរ ៕
ចែករំលែកព័តមាននេះ