សង្គ្រាមអ៉ីរ៉ង់់ ៖ ទីភ្នាក់ងារព័ត៌មានគុយវ៉ែតKUNA រាយការណ៍នាថ្ងៃទី៣១ មីនា ថា អ៉ីរ៉ង់បានវាយប្រហារដោយផ្ទាល់ប្រឆាំងនាវាដឹកប្រេងធំមួយរបស់គុយវ៉ែតនៅកំពង់ផែ ក្រុងឌូបៃ ប្រទេសអេមីរ៉ាត់ អារ៉ាប់រួម…
សង្គ្រាមអ៉ីរ៉ង់់ ៖ ទីភ្នាក់ងារព័ត៌មានគុយវ៉ែតKUNA រាយការណ៍នាថ្ងៃទី៣១ មីនា ថា អ៉ីរ៉ង់បានវាយប្រហារដោយផ្ទាល់ប្រឆាំងនាវាដឹកប្រេងធំមួយរបស់គុយវ៉ែតនៅកំពង់ផែ ក្រុងឌូបៃ ប្រទេសអេមីរ៉ាត់ អារ៉ាប់រួម តែមិនបណ្ដាលឲ្យមានអ្នករបួសឡើយ ។
នាវាដឹកប្រេងឈ្មោះAL SALMI នោះបានបញ្ចូលប្រេងពេញរួចហើយ ពេលរងការវាយប្រហារ។ ការវាយប្រហារនោះ បណ្ដាលឲ្យខូចសំបកនាវា និងមានភ្លើងឆាបឆេះ ជាមួយគ្រោះថ្នាក់បំពុលបរិស្ថានដោយប្រេងអណ្ដែតក្នុងដែនទឹកជុំវិញ។ អាជ្ញាធរក្រុងឌូបៃអះអាងតាមបណ្ដាញសង្គមXថា នាវាដឹកប្រេងគុយវ៉ែតនោះ រងការវាយប្រហារដោយដ្រូនមួយគ្រឿងក្នុងដែនទឹកក្រុងឌូបៃ បណ្ដាលឲ្យមានភ្លើងឆេះដែលក្រោយមកត្រូវបានពន្លត់ ។
ប្រធានាធិបតីអាមេរិក លោកដូណាល់ត្រាំបន្តធ្វើព្យុះភ្លៀង ក្នុងសង្គ្រាមប្រឆាំងអ៉ីរ់ង់ នាថ្ងៃទី៣០
មីនា បានគំរាមអ៉ីរ៉ង់ថា និងកម្ទេចកោះKHARG ជាទីតាំងប្រេងសំខាន់ជាងគេបំផុតរបស់អ៉ីរ៉ង់ ប្រសិនបើច្រកសមុទ្រហ័រមូសមិនត្រូវបានបើកវិញទេនោះ និងប្រសិនបើការចរចាមិនសម្រេចបានលទ្ធផលដោយឆាប់រហ័ស ។
ពុំមានភាពស្ងប់ស្ងាត់ឡើយ ក្នុងតំបន់ មជ្ឈឹមបូព៌ា មកដល់ថ្ងៃទី៣២នៃសង្គ្រាម ដោយស្នូរផ្ទុះនានាលាន់ឮនៅក្រុងតេហេរ៉ង់ និងក្រុងហ្សេរុយសាឡឹម នាព្រឹកថ្ងៃទី៣១ មីនា ។ កងទ័ពអ៉ីស្រាអែលក៏ប្រកាសផងដែរ ពីការស្លាប់ទាហានខ្លួន៤នាក់ ក្នុងការប្រយុទ្ធគ្នានៅភាគខាងត្បូងលីបង់ជាមួយក្រុមហេសប៊ុលឡាហ៍សម្ព័ន្ធមិត្តអ៉ីរ៉ង់ ៕
ចែករំលែកព័តមាននេះ