រាជធានីភ្នំពេញ ៖ ឃ្លាំងចំនួន ៤និងផ្ទះចំនួន ៥រួមទាំងរថយន្តជាច្រើនគ្រឿងនិងសម្ភារៈរាប់ម៉ឺនដុល្លារត្រូវបានអគ្គីភ័យឆាបឆេះបណ្ដាឲ្យខូចខាតទាំងស្រុងនៅក្នុងហេតុការណ៍គ្រោះអគ្គិភ័យនៅវេលាម៉ោង០៣និង២០នាទីទៀបភ្លឺ នៅថ្ងៃទី១៣ ខែកុម្ភ: ឆ្នាំ២០២៦។ ទោះបីជាយ៉ាងណារហូតមកដល់វេលាម៉ោង ៩…
រាជធានីភ្នំពេញ ៖ ឃ្លាំងចំនួន ៤និងផ្ទះចំនួន ៥រួមទាំងរថយន្តជាច្រើនគ្រឿងនិងសម្ភារៈរាប់ម៉ឺនដុល្លារត្រូវបានអគ្គីភ័យឆាបឆេះបណ្ដាឲ្យខូចខាតទាំងស្រុងនៅក្នុងហេតុការណ៍គ្រោះអគ្គិភ័យនៅវេលាម៉ោង០៣និង២០នាទីទៀបភ្លឺ នៅថ្ងៃទី១៣ ខែកុម្ភ: ឆ្នាំ២០២៦។
ទោះបីជាយ៉ាងណារហូតមកដល់វេលាម៉ោង ៩ ព្រឹកថ្ងៃទី១៣ ខែកុម្ភៈនេះសមត្ថកិច្ចនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញព្រមទាំងមានការចូលរួមពីអង្គភាពនានាបាននៅបន្តបាញ់ពន្លត់នៅឡើយនិងបានប្រើគ្រឿងចក្រកាយសំណង់បាក់បែកដើម្បីបន្តបាញ់ពន្លត់។
គួរបញ្ជាក់ថា អគ្គីភ័យនេះបានឆាប់ឆេះយ៉ាងសន្ធោសន្ធៅនៅវេលាម៉ោង ០៣និង២០នាទីទៀបភ្លឺ នៅថ្ងៃទី១៣ ខែកុម្ភ: ឆ្នាំ២០២៦នៅចំណុចផ្ទះលេខ៩ ផ្លូវលេខ២៧១ ក្រុមទី៨ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ និងឆេះរាដាយ៉ាងរហ័សទៅឃ្លាំងដែលនៅជុំវិញព្រមទាំងផ្ទះប្រជាពលរដ្ឋ។
តាមរបាយការណ៍បឋមរបស់នគរបាលមូលដ្ឋានបានឲ្យដឹងថា គ្រោះមហន្តរាយនេះបានធ្វើអោយផ្ទះ និងឃ្លាំងចំនួន០៩បានរងការខូចខាតក្នុងនោះឆេះឃ្លាំងចំនួន ០៤ឃ្លាំង និងផ្ទះប្រជាជន០៥ខ្នងផ្ទះ។
តាមព័ត៌មានឱ្យដឹងទៀតថា ឃ្លាំងដែលត្រូវភ្លើងឆេះរួមមាន ៖
១-ឃ្លាំងលក់ ជួសជុលរថយន្តបានរោងការខូចខាតទាំងស្រុងរួមមាន សម្ភារ:និងរថយន្តសរុបចំនួន០៧គ្រឿង ,ម៉ូតូចំនួន០៤គ្រឿង ។
២-ឃ្លាំងស្តុកក្រដាស
៣- ឃ្លាំងលក់គ្រឿងសម្ភារ:ជជុះជប៉ុន១
៤-ឃ្លាំងលក់គ្រឿងសង្ហារឹម១ ខូចខាតសរុបទឹកប្រាក់ប្រហែល១០ម៉ឺនជាង។
ដោយឡែកផ្ទះប្រជាជនចំនួន០៤ខ្នងផ្ទះនិងសម្ភារ:មួយចំនួន ។ក្នុងហេតុការណ៍នោះដែររថយន្តពន្លត់អគ្គីភ័យជាច្រើនគ្រឿងបានទៅអន្តរាគមន៍បាញ់ពន្លត់និងបន្តរហូតមកដល់ព្រឹកថ្ងៃទី១៣ ខែកុម្ភៈឆ្នាំ ២០២៦។
ទោះបីជាយ៉ាងណាគេពុំទាន់ដឹងពីមូលហេតុដែលបណ្ដាឲ្យកើតមាននូវគ្រោះមហន្តរាយនេះឡើយ៕
ចែករំលែកព័តមាននេះ