រាជធានីភ្នំពេញ ៖ ឃ្លាំងស្តុកគ្រឿងជ័រ ឃ្លាំងស្រុកគ្រឿងរថយន្ត ឃ្លាំងក្រដាស ផ្ទះលក់គ្រឿងសង្ហារឹម និងផ្ទះប្រជាពលរដ្ឋជាច្រើនខ្នងត្រូវបានអណ្តាតភ្លើងឆាបឆេះសន្ធោសន្ធៅផ្អើលពលរដ្ឋនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង៣ទៀបភ្លឺថ្ងៃទី១៣ ខែកុម្ភៈឆ្នាំ២០២៦ ចំនុចឃ្លាំងស្តុកគ្រឿងជ័រ…
រាជធានីភ្នំពេញ ៖ ឃ្លាំងស្តុកគ្រឿងជ័រ ឃ្លាំងស្រុកគ្រឿងរថយន្ត ឃ្លាំងក្រដាស ផ្ទះលក់គ្រឿងសង្ហារឹម និងផ្ទះប្រជាពលរដ្ឋជាច្រើនខ្នងត្រូវបានអណ្តាតភ្លើងឆាបឆេះសន្ធោសន្ធៅផ្អើលពលរដ្ឋនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង៣ទៀបភ្លឺថ្ងៃទី១៣ ខែកុម្ភៈឆ្នាំ២០២៦ ចំនុចឃ្លាំងស្តុកគ្រឿងជ័រ នៅតាមបណ្ដោយផ្លូវ២៧១ ជិតស្ពានអាកាសស្ទឹងមានជ័យ សង្កាត់បឹងសាឡាង ខណ្ឌទួលគោក ។
ប្រភពព័ត៌មានពីប្រជាពលរដ្ឋបានអោយដឹងថា មុនពេលកើតហេតុ គេឃើញមានភ្លើងឆេះចេញពីឃ្លាំងស្តុកកែវនិងគ្រឿងជ័រ ផ្អើលពលរដ្ឋនៅក្បែរនោះ នាំគ្នាបាញ់ពន្លត់ដែរ តែមិនរលត់ក៍បន្តរាលដាលដល់ឃ្លាំងស្តុកគ្រឿងឡាន និងបន្តដល់ឃ្លាំងស្តុកក្រដាស ឃ្លាំងស្តុកគ្រឿងជ័រ ហើយរាលដាលផ្ទះលក់គ្រឿងសង្ហារឹម និងផ្ទះប្រជាពលរដ្ឋនៅក្បែរនោះជាបន្តបន្ទាប់ ទើបផ្អើលពលរដ្ឋរាយការណ៍ជូនអាជ្ញាធរនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍ផងដែរ ករណីនេះបន្តិចក្រោយមក ឃើញមានវត្តមានរថយន្តពន្លត់អគ្គីភ័យ គ្រប់បណ្ដាអង្គភាពផ្សេងៗ បានចេញទៅអន្តរាគមន៍បាញ់ពន្លត់ផងដែរ ។
ករណីនេះគិតមកដល់ម៉ោង៦ព្រឹកថ្ងៃដដែល អគ្គីភ័យឆាបឆេះមិនទាន់រលត់អស់នៅឡើយទេ ។ អគ្គីភ័យនេះឆេះខូចខាតអស់ឃ្លាំង៦ និងផ្ទះប្រជាពលរដ្ឋជាង១០ខ្នង ។ ចំពោះមូលហេតុបណ្តាលឲ្យឆាបឆេះសមត្ថកិច្ចកំពុងតែស្រាវជ្រាវ ៕
ចែករំលែកព័តមាននេះ