ខេត្តស្ទឹងត្រែង ៖ អាជ្ញាធរខេត្តស្ទឹងត្រែង បានសម្រេចវិធានការក្តៅ ក្នុងការរុះរើសំណង់ស្ថានីយប្រេងឥន្ធនៈមួយកន្លែង ដែលបានសាងសង់រំលោភលើដីសាធារណៈរបស់រដ្ឋ នៅចំណុចផ្លូវបំបែកយុទ្ធសាស្ត្រសំខាន់ នាត្រើយខាងកើតទន្លេសេកុង នារសៀលថ្ងៃទី១២ ខែកុម្ភៈ…
ខេត្តស្ទឹងត្រែង ៖ អាជ្ញាធរខេត្តស្ទឹងត្រែង បានសម្រេចវិធានការក្តៅ ក្នុងការរុះរើសំណង់ស្ថានីយប្រេងឥន្ធនៈមួយកន្លែង ដែលបានសាងសង់រំលោភលើដីសាធារណៈរបស់រដ្ឋ នៅចំណុចផ្លូវបំបែកយុទ្ធសាស្ត្រសំខាន់ នាត្រើយខាងកើតទន្លេសេកុង នារសៀលថ្ងៃទី១២ ខែកុម្ភៈ ឆ្នាំ២០២៦ ។
ស្ថានីយប្រេងឥន្ធនៈខាងលើ ស្ថិតនៅចំណុចច្រមុះជ្រូក (ផ្លូវបំបែកទៅស្រុកសៀមប៉ាង និងច្រកទ្វារអន្តរជាតិត្រពាំងក្រៀល) ។ ការសម្រេចរុះរើរបស់អាជ្ញាធរខេត្ត គឺបន្ទាប់មានការរកឃើញថា ម្ចាស់ស្ថានីយ បានសាងសង់ និងប្រកបអាជីវកម្មដោយខុសច្បាប់ នៅលើដីសាធារណៈរបស់រដ្ឋ ។
ក្នុងទិដ្ឋភាពនោះ គេសង្កេតឃើញវត្តមានលោក សរ សុពុត្រា អភិបាល នៃគណៈអភិបាលខេត្តស្ទឹងត្រែង ចុះដឹកនាំ និងបញ្ជាផ្ទាល់ ។
លោកអភិបាលខេត្ត បានបញ្ជាក់យ៉ាងច្បាស់ថា ដីដែលដកហូតបានមកវិញនេះ នឹងមិនត្រូវបានទុកទំនេរឡើយ។ យោងតាមផែនការមេរបស់រដ្ឋបាលខេត្ត ទីតាំងច្រមុះជ្រូកនេះ នឹងត្រូវស្ថាបនាទៅជា “សួនច្បារសាធារណៈ” ដើម្បីលើកកម្ពស់សោភ័ណភាពក្រុង និងទុកជាកន្លែងសម្រាកកម្សាន្តសម្រាប់បងប្អូនប្រជាពលរដ្ឋ ក៏ដូចជាអ្នកធ្វើដំណើរឆ្លងកាត់តំបន់នោះផងដែរ ៕
ចែករំលែកព័តមាននេះ