អាមេរិក-កាណាដា ៖ សមាជិកសភាសាធារណរដ្ឋច្រើនរូប កាលពីថ្ងៃទី១១ កុម្ភៈ បានចូលរួមប្រឆាំងលោកដូណាល់ ត្រាំ ក្នុងការបោះឆ្នោត ដើម្បីអនុម័តលើការលុបចោលពន្ធគយលើកាណាដា ដែលនោះជាការវាយបកមួយសម្រាប់ប្រធានាធិបតីអាមេរិក…
អាមេរិក-កាណាដា ៖ សមាជិកសភាសាធារណរដ្ឋច្រើនរូប កាលពីថ្ងៃទី១១ កុម្ភៈ បានចូលរួមប្រឆាំងលោកដូណាល់ ត្រាំ ក្នុងការបោះឆ្នោត ដើម្បីអនុម័តលើការលុបចោលពន្ធគយលើកាណាដា ដែលនោះជាការវាយបកមួយសម្រាប់ប្រធានាធិបតីអាមេរិក ដែលគំរាមបណ្ដាសមាជិកសភាគណបក្សលោកដែលងាកមកបោះឆ្នោតគាំទ្រ។
រឿងនោះនៅត្រូវដាក់ជូនព្រឹទ្ធសភាអនុម័តបន្ត។ ប៉ុន្តែទោះបីជាសភាទាំង២អនុម័តលើឯកសារនោះក៏ដោយ វានឹងជាកម្មវត្ថុនៃវេតូរបស់លោកត្រាំ ដែលប្រកាន់យកពន្ធគយជាស្នូលនៃនយោបាយសេដ្ឋកិច្ចរបស់លោក។
ដូច្នេះ មានតែការអនុម័តជាថ្មីម្ដងទៀតរបស់សភាទាំង២ ឲ្យបានក្នុងសំឡេងភាគច្រើន២ភាគ៣ទើបអាចទប់វេតូរបស់ប្រធានាធិបតីបាន។ បែបនេះមើលទៅហាក់មិនអាចទៅរួច ព្រោះពួកអ្នកសាធារណរដ្ឋមានសំឡេងភាគច្រើនក្នុងសភាទាំង២។ ដូច្នេះ ការអនុម័តរបស់សភាអាមេរិកលើដំណោះស្រាយនោះ វាគ្រាន់តែជានិមិ្មត្តរូបប៉ុណ្នោះ៕
ចែករំលែកព័តមាននេះ