សាច់ក្រហម៖ ជំនួយឈា.ម ឬបំផ្លា.ញបេះដូង?
យោងតាមការផ្សាយរបស់សារព័ត៌មានបរទេស សាច់ក្រហមដូចជាសាច់គោ ជ្រូក និងពពែ គឺជាប្រភពអាហារូបត្ថម្ភដ៏សម្បូរបែបដែលផ្ដល់ជាតិដែក ប្រូតេអ៊ីន និងវីតាមីន B យ៉ាងច្រើនដល់រាងកាយ។ ទោះជាយ៉ាងណា…
យោងតាមការផ្សាយរបស់សារព័ត៌មានបរទេស សាច់ក្រហមដូចជាសាច់គោ ជ្រូក និងពពែ គឺជាប្រភពអាហារូបត្ថម្ភដ៏សម្បូរបែបដែលផ្ដល់ជាតិដែក ប្រូតេអ៊ីន និងវីតាមីន B យ៉ាងច្រើនដល់រាងកាយ។
ទោះជាយ៉ាងណា សម្រាប់អ្នកដែលមានជំងឺបេះដូងខ្វះឈាម ការទទួលទានសាច់ក្រហមច្រើនហួសប្រមាណអាចជារឿងគ្រោះថ្នាក់ទៅវិញ ដោយសារវាសម្បូរទៅដោយខ្លាញ់ឆ្អែត និងកូឡេស្តេរ៉ុលខ្ពស់។ នៅពេលកម្រិតកូឡេស្តេរ៉ុលអាក្រក់ឡើងខ្ពស់ វានឹងទៅកកកុញតាមជញ្ជាំងសរសៃឈាមដែលធ្វើឱ្យសរសៃឈាមរួមតូច និងរឹង រារាំងលំហូរឈាមទៅចិញ្ចឹមបេះដូង និងបង្កើនហានិភ័យនៃគ្រោះថ្នាក់គាំងបេះដូងយ៉ាងធ្ងន់ធ្ងរ។
ដើម្បីរក្សាសុខភាពបេះដូងឱ្យបានល្អ អ្នកជំនាញណែនាំឱ្យកម្រិតការញ៉ាំសាច់ក្រហមឱ្យនៅត្រឹមមិនលើសពី ៥០០ ក្រាមក្នុងមួយសប្តាហ៍ ហើយគួរជំនួសមកវិញនូវសាច់សដូចជាសាច់មាន់ ត្រី ឬប្រូតេអ៊ីនពីរុក្ខជាតិដូចជាសណ្ដែក និងគ្រាប់ធញ្ញជាតិផ្សេងៗ។ ការរៀបចំរបបអាហារដែលមានតុល្យភាព ដោយមានអាហារយ៉ាងហោចណាស់មួយពេលក្នុងមួយថ្ងៃដែលគ្មានជាតិសាច់ នឹងជួយសម្រាលបន្ទុកដល់បេះដូង និងតម្រងនោម។
សរុបមក អ្នកមិនចាំបាច់កាត់ចោលសាច់ក្រហមទាំងស្រុងនោះទេ ព្រោះវាផ្ដល់សារធាតុចិញ្ចឹមចាំបាច់ ប៉ុន្តែការញ៉ាំក្នុងបរិមាណតិចតួច រួមផ្សំជាមួយបន្លែផ្លែឈើ និងការធ្វើលំហាត់ប្រាណ គឺជាគន្លឹះដ៏សំខាន់បំផុតសម្រាប់អ្នកជំងឺបេះដូង៕
ចែករំលែកព័តមាននេះ