លោក គួច ចំរើន បញ្ជាឱ្យដោះស្រាយបន្ទាន់ករណីផ្លូវរអិលលើមហាវិថី ស៊ី ជីនពីង
ខេត្តកណ្តាល ៖ ឆ្លើយតបនឹងបញ្ហារអិលយានជំនិះលើមហាវិថី ស៊ី ជីនពីង (ផ្លូវក្រវ៉ាត់ក្រុងទី៣) លោក គួច ចំរើន អភិបាលខេត្តកណ្តាល…
ខេត្តកណ្តាល ៖ ឆ្លើយតបនឹងបញ្ហារអិលយានជំនិះលើមហាវិថី ស៊ី ជីនពីង (ផ្លូវក្រវ៉ាត់ក្រុងទី៣) លោក គួច ចំរើន អភិបាលខេត្តកណ្តាល បានណែនាំឱ្យក្រុមការងារបច្ចេកទេសចុះដោះស្រាយជាបន្ទាន់ ។
លោក គួច ចំរើន អភិបាលខេត្តកណ្តាល បានប្រកាសនៅលើបណ្តាញសង្គមនារសៀលថ្ងៃទី១២ ខែកុម្ភៈ ឆ្នាំ២០២៦នេះថា ៖ បន្ទាប់ពីមានបញ្ហារអិលយានជំនិះ ដោយសារក្អែរដី,ខ្សាច់, ប្រេងកៅស៊ូ ជាប់តាមកង់រថយន្ត លើកំណាត់មួយចំនួន តាមបណ្តោយខ្សែផ្លូវក្រវ៉ាត់ក្រុងទី៣ (មហាវិថីស៊ីជីងពីង) រួចមក ក្រោមការចង្អុលបង្ហាញពីឯកឧត្តមរដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តមអភិបាល នៃគណអភិបាលខេត្តកណ្តាល រួចមកមន្ទីរសាធារណការ បានចុះពិនិត្យទីតាំងកើតហេតុ និងចាត់ចែងបន្ទាន់ ។
ដើម្បីទប់ស្កាត់បន្ថយហានិភ័យគ្រោះថ្នាក់នេះតាមរយៈ ៖
-ទី១. គូសគំនូសពញ្ញាក់ស្មារតី ដាក់ស្លាកសញ្ញាប្រយ័ត្នរអិលពេលភ្លៀង និងបំពាក់ពីលើដោយភ្លើងពញ្ញាក់ស្មារតី
-ទី២. ដុះលាងដី,ខ្សាច់,ប្រេងកៅស៊ូ ប្រេងម៉ាស៊ីន ដែលជាប់លផ្ទៃផ្លូវ
-ទី៣. ប្រើម៉ាស៊ីនឆូតបង្កើនភាពគ្រើម
លោក គួច ចំរើន បានបញ្ជាក់ថា ក្នុងថ្ងៃនេះដែរ ក្រុមការងារបានសំអាតដុះលាង ដី ខ្សាច់ ប្រេងកៅស៊ូ និងប្រើម៉ាស៊ីនឆូតភាពគ្រើម ស្ថិតក្នុងភូមិព្រែកត្រែង សង្កាត់សិត្បូ ក្រុងតាខ្មៅ ចន្លោះគ.ម 15+500 ដល់គ.ម 16+000។
សូមអំពាវនាវដល់បងប្អូនប្រជាពលរដ្ឋ ឱ្យបង្កើនការប្រុងប្រយ័ត្នខ្ពស់ក្នុងការបើកបរ ជាពិសេសក្នុងស្ថានភាពផ្លូវដែលមានដីខ្សាច់ ឬពេលមេឃភ្លៀង ដើម្បីចៀសវាងគ្រោះថ្នាក់ជាយថាហេតុ។
ចែករំលែកព័តមាននេះ