ប្រទេសកូឡុំប៊ី ៖ បេក្ខជនប្រធានាធិបតីកូឡុំប៊ី ជាអ្នកប្រឆាំងសំខាន់មួយរូប ថ្លែងកាលពីថ្ងៃទី១១កុម្ភៈថា បើលោកឈ្នះក្នុងការបោះឆ្នោតប្រធានាធិបតិនាខែឧសភាខាងមុខនេះ នោះលោកនឹងបញ្ជាឲ្យវាយប្រហារបណ្ដាក្រុមរត់ពន្ធគ្រឿងញៀន តាំងពី៩០ថ្ងៃដំបូងនៃការកាន់អំណាច ជាមួយការជួយទ្រទ្រង់របស់អាមេរិក និងអ៊ីស្រាអែល។…
ប្រទេសកូឡុំប៊ី ៖ បេក្ខជនប្រធានាធិបតីកូឡុំប៊ី ជាអ្នកប្រឆាំងសំខាន់មួយរូប ថ្លែងកាលពីថ្ងៃទី១១កុម្ភៈថា បើលោកឈ្នះក្នុងការបោះឆ្នោតប្រធានាធិបតិនាខែឧសភាខាងមុខនេះ នោះលោកនឹងបញ្ជាឲ្យវាយប្រហារបណ្ដាក្រុមរត់ពន្ធគ្រឿងញៀន តាំងពី៩០ថ្ងៃដំបូងនៃការកាន់អំណាច ជាមួយការជួយទ្រទ្រង់របស់អាមេរិក និងអ៊ីស្រាអែល។
នៅទីតាំងយុទ្ធនាការឃោសនាបោះឆ្នោតដែលមានកិច្ចការពារសន្តិសុខខ្ពស់បំផុតនៅក្រុងបូហ្គោតា បេក្ខជនរូបនោះលោកអាបេឡាដូដឺឡាអេសព្រីអែលឡា សន្យាអនុវត្តផែនការក្ដៅមួយដើម្បីដណ្ដើមត្រួតត្រា តំបន់ដ៏ធំរបស់ប្រទេសដែលស្ថិតក្រោមការគ្រប់គ្រងរបស់បណ្ដាក្រុមឧ្ទទា្ទមនិងពួករត់ពន្ធគ្រឿងញៀន ជាមួយការបាញ់ផ្លោងនិងទម្លាក់គ្រាប់បែក លើបណ្ដាជំរំរបស់ពួករត់ពន្ធគ្រឿងញៀនភេរវកម្ម និងបំផ្លា្ញបណ្ដាចម្ការកូកាដែលប្រើសម្រាប់ផលិតកូកាអ៊ីន។
បេក្ខជនប្រឆាំងជាមេធាវីអាយុ៤៧ឆ្នាំរូបនោះ មានបំណងបំពាក់ឲ្យកងទ័ព បណ្ដាអាវុធទំនើប បច្ចេកវិទ្យាបញ្ញាសិប្បនិមិត្ត បណ្ដាដ្រូនហើយប្រាកដណាស់បង្កើនថវិកាយោធា ដើម្បីពង្រីកកងទ័ព។ លោកយល់ថាផែនការនោះមិនអាចធ្វើទៅបាន ដោយគ្មានសម្ព្័ន្ធភាពយុទ្ធសាស្ត្រជាមួយសហរដ្ឋអាមេរិក និងអ៊ីស្រាអែលទេនោះ។
ដោយគ្មានបទពិសោធន៍នយោបាយឬអាណត្តិសភា លោកអាបេឡាដូដឺឡាអេសព្រីអែលឡា ជាពាណិជ្ចករនិងជាមហាសេដ្ឋីមួយរូបដែលឈរឈ្មោះជាបុគ្គលមិនមែនតំណាងគណបក្សណាមួយ តែលោកចង់កម្ចាត់ពួកធ្វេងនិយមកំពុងកាន់អំណាច ។ លោកជាមេធាវីម្ចាស់សហគ្រាសសំណង់និងសហគ្រាសផលិតភេសជ្ចៈស្រា។ សហក្រាសលោកជាអ្នកផលិតជាពិសេសស្រារ៉ូមដ៏ល្បីល្បាញ ហើយម្យ៉ាងទៀតលោកជាម្ចាស់របស់ក្រុមហ៊ុនផលិតសម្លៀកបំបាក់ម៉ាកល្បីៗទៀតផង៕
ចែករំលែកព័តមាននេះ