ប្រទេសកាណាដា ៖ ការបាញ់ប្រហារមួយកើតមាន កាលពីថ្ងៃទី១០ កុម្ភៈ ក្នុងសាលារៀនមួយ និងក្នុងផ្ទះមួយនៅក្បែរ បណ្ដាលឲ្យមនុស្សស្លាប់៩នាក់ ក្នុងតំបន់ដាច់ស្រយាលមួយនាភាគខាងលិចកាណាដា ដោយខ្មាន់កាំភ្លើងជាយុវនារីម្នាក់មានអាយុត្រឹម១៨ឆ្នាំ…
ប្រទេសកាណាដា ៖ ការបាញ់ប្រហារមួយកើតមាន កាលពីថ្ងៃទី១០ កុម្ភៈ ក្នុងសាលារៀនមួយ និងក្នុងផ្ទះមួយនៅក្បែរ បណ្ដាលឲ្យមនុស្សស្លាប់៩នាក់ ក្នុងតំបន់ដាច់ស្រយាលមួយនាភាគខាងលិចកាណាដា ដោយខ្មាន់កាំភ្លើងជាយុវនារីម្នាក់មានអាយុត្រឹម១៨ឆ្នាំ ។ នេះជាការគូសបញ្ចាក់របស់ប៉ូលិសដែលអះអាងថា ខ្មាន់កាំភ្លើងក្រោយការបាញ់ប្រហារក៏បាញ់សម្លាប់ខ្លួនឯង ។
ជនរងគ្រោះភាគច្រើនត្រូវបាញ់សម្លាប់ក្នុងសាលារៀន ។ ការបាញ់ប្រហារដ៏សោកនាដកម្មនោះ កើតមាននៅទីក្រុងTUMBLE RIDGE ជាទីក្រុងតូចមួយមានប្រជាជន២៣០០នាក់ ស្ថិតនៅជើងភ្នំMONTAGNES -ROCHEUSES ។ ក្រៅពីមនុស្សស្លាប់មនុស្សសរុប២៧នាក់ ក្នុងនោះ២នាក់របួសធ្ងន់ និង២៥នាក់របួសស្រាល ។ តាមសារព័ត៌មានកាណាដាជាច្រើនថា ខ្មាន់កាំភ្លើ្លងជានារីម្នាក់ ។ នារីនោះជាអ្នករស់នៅទីក្រុងTUMBLE RIDGE ដែលតាមប៉ូលិសថា នាងជាអ្នកវះកាត់កែភេទ ។
ក្នុងសន្និសីទសារព័ត៌មានមួយ កាលពីថ្ងៃទី១១ កុម្ភៈ ប៉ូលិសនិយាយថា យុវនារីនោះបានបាញ់ប្រហារក្នុងសាលាអនុវិទ្យាល័យនិងវិទ្យាល័យមួយ សម្លាប់កុមារ៥នាក់មានអាយុពី១២ទៅ១៣ឆ្នាំ ព្រមទាំងអ្នកគ្រូម្នាក់អាយុ៣៩ឆ្នាំ ។ ម្យ៉ាងវិញទៀត នាងបានបាញ់សម្លាប់ម្ដាយនាង និងបងប្រុសនៅក្នុងផ្ទះមួយ ។ សម្រាប់ពេលនេះ ប៉ូលិសនៅមិនទាន់ដឹងពីមូលហេតុ ដែលនារីរូបនោះបាញ់ប្រហារមនុស្សដ៏សាហាវ និងរង្គាលនៅឡើយ ។
ប៉ូលិសក៏លើកឡើងដែរថា កាលពីមុននាងធ្លាប់អុកឡុកក្នុងផ្ទះ ដោយសារបញ្ហាសរសៃប្រសាទ ។ អ្នកទទួលខុសត្រូវម្នាក់របស់ប៉ូលិសកាណាដារៀបរាប់ថា ពេលកងកម្លាំងប៉ូលិសលើកទៅដល់កន្លែងបាញ់់ប្រហារ នារីវ័យក្មេងនោះក៏បានបាញ់សំដៅប៉ូលិស ។ នាងបាញ់ប្រហារដោយកាំភ្លើងវែងមួយដើម និងកាំភ្លើងខ្លីមួយដើម ដែលគេដឹងពេលរកឃើញនាងស្លាប់ ក្រោយរបួសធ្ងន់បន្ទាប់ពីបាញ់សម្លាប់ខ្លួនឯង។
ការបាញ់ប្រហារពិតជាកម្រមានណាស់ នៅកាណាដាខុសពីនៅអាមេរិក តែការបាញ់ប្រហារនេះគឹជាលើកទី២ អំឡុងពេលមិនដល់១ឆ្នាំផងនៃការសម្លាប់មនុស្ស ។ កាលពីខែមេសាឆ្នាំ២០២៥ មនុស្ស១១នាក់បានត្រូវស្លាប់នៅក្រុងវ៉ានគូវ័រ ដោយបុរសម្នាក់បានបើករថយន្តកាំមីញ៉ុងរបស់គេបុករះមនុស្សម្នាដែលមកចូលរួមក្នុងពិធីបុណ្យវប្បធម៌ហ្វ៊ីលីពីនមួយ ៕
ចែករំលែកព័តមាននេះ