ខេត្តកំពង់ស្ពឺ ៖ ក្រុមក្មេងស្ទាវទំនើងអាយុក្រោម២០ឆ្នាំប្រមាណ១៧នាក់ ត្រូវបានកម្លាំងនគរបាលក្រុង-ស្រុកចំនួន៤ នៃខេត្តកំពង់ស្ពឺធ្វើការស្រាវជ្រាវបង្ក្រាបបាន ខណៈដែលក្រុមក្មេងទំនើងទាំងអស់នោះធ្វើសកម្មភាពបង្ហោះម៉ូតូតាមដងផ្លូវសាធារណៈ ហើយថតបង្ហោះចែកចាយតាមបណ្តាញសង្គមហ្វេសប៊ុកធ្វើឱ្យប៉ះពាល់ដល់សន្តិសុខសង្គម។
ការស្រាវជ្រាវឃាត់ខ្លួនក្រុមក្មេងស្ទាវទំនើងជិត២០នាក់ខាងលើនេះដោយអនុវត្ដតាមប្រសាសន៍ដឹកនាំដ៏ខ្ពង់ខ្ពស់ ឯកឧត្ដ ជាម ច័ន្ទសោភ័ណ អភិបាល នៃគណៈអភិបាលខេត្ដកំពង់ស្ពឺ និងការបញ្ជាដឹកនាំផ្ទាល់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កងកម្លាំងអធិការដ្ឋាននគរបាល ក្រុង-ស្រុកចំណុះស្នងការដ្ឋាននគរបាលខេត្ដកំពង់ស្ពឺ បានអនុវត្ដនិងធ្វេីការស្រាវជ្រាវនិងបង្ក្រាបបទល្មេីសគ្រប់ប្រភេទដែលកេីតឡេីងក្នុងមូលដ្ឋានខេត្ដកំពង់ស្ពឺ រក្សាសន្ដិសុខសុវត្ថិភាពសណ្ដាប់ធ្នាប់សាធារណៈសង្គម ។
នគរបាលខេត្តកំពង់ស្ពឺបាននិយាយឱ្យដឹងថា÷ ជាក់ស្ដែងកាលពីថៃ្ងទី៨ ទី៩និងទី១០ ខែកុម្ភៈ ឆ្នាំ២០២៦នេះ អធិការដ្ឋាននគរបាលស្រុកគងពិសី ស្រុកបសេដ្ឋ ស្រុកភ្នំស្រួច និងក្រុងច្បារមន បានបេីកប្រតិបត្ដិការតាមធ្វេីការបង្ក្រាបក្រុមបង្ហោះម៉ូតូតាមដងផ្លូវសាធារណៈបានចំនួន៥ករណី៖
ករណីទី១/ នៅចំណុចលើផ្លូវកៅស៊ូ(ទំនប់អូរធំ) ស្ថិតនៅក្នុងភូមិដូនពេញ ឃុំទួលសាលា ស្រុកបសេដ្ឋ កម្លាំងនគរបាលឃាត់បានក្រុមបង្ហោះម៉ូតូចំនួន ០២នាក់ និងបានដកហូតម៉ូតូ១គ្រឿងហុងដាស្គុបពី SCOOPY មានផ្លាកលេខសម្គាល់ កំពង់ស្ពឺ 1S -4417 (១)-ឈ្មោះ សេង ផាណា ភេទប្រុស អាយុ១៥ឆ្នាំ អ្នកបើកម៉ូតូ (២)-ឈ្មោះ កាន់ សម្បត្តិ ភេទប្រុស ១៦ឆ្នាំ(ជាអ្នកជិះពីក្រោយ) ។
ករណីទី២/ នៅចំណុចផ្លូវបេតុងតំបន់សេដ្ឋកិច្ចពិសេស ស្ថិតនៅក្នុងភូមិអូរតាពូង ឃុំរកាកោះ ស្រុកគងពិសី ឃាត់បានក្រុមបក្ខពួកធ្វេីសកម្មភាពបង្ហោះម៉ូតូ ចំនួន ៦នាក់ និងដកហូតម៉ូតូបាន ៥គ្រឿង ដែលមានផ្លាកលេខសម្គាល់ ភ្នំពេញ1MC-4220 ពាក់ផ្លាកលេខ ភ្នំពេញ1BE-6418 ពាក់ផ្លាកលេខភ្នំពេញ1LM-7804 ពាក់ផ្លាកលេខភ្នំពេញ1LY-6405 ពាក់ផ្លាកលេ កំពង់ស្ពឺ 1AB-9225 ក្រុមក្មេងទំនើង(ទី១)-ឈ្មោះ ស៊ីម ប៊ុនសាង ភេទប្រុស អាយុ១៦ឆ្នាំ ជាអ្នកបង្ហោះ (ទី២)-ឈ្មោះ ភាព សៀងហេង ភេទប្រុស អាយុ១៦ឆ្នាំ អ្នកជិះក្រោយ(ទី៣)-ឈ្មោះ សៀប វិសាល ភេទប្រុស អាយុ ១៦ឆ្នាំ ជាអ្នកបេីកបង្ហោះ(ទី៤)-ឈ្មោះ ទាវ ប៊ុនរ៉ូត ភេទប្រុស អាយុ ១៥ឆ្នាំ ជាអ្នកជិះពីក្រោយ (ទី៥)-ឈ្មោះ ឆឹង ឆាយ ភេទប្រុស អាយុ ១៨ឆ្នាំ ជាអ្នកបង្ហោះម៉ូតូ(និងទី៦)-ឈ្មោះ គឿន ម៉េងលី ភេទប្រុស អាយុ១៦ឆ្នាំ អ្នកផ្ដល់មធ្យោបាយម៉ូតូឱ្យធ្វេីការបង្ហោះ ។
ករណីទី៣/ នៅចំណុចលើផ្លូវជាតិលេខ៤១ ចន្លោះបង្គោៗគីឡូម៉ែត្រលេខ២៧ទៅលេខ២៨ ស្ថិតនៅក្នុងភូមិស្រង់ ឃុំស្រង់ ស្រុកគងពិសី នគរបាលឃាត់បានក្រុមបង្ហោះម៉ូតូបានចំនួន៥នាក់ និងបានដកហូតម៉ូតូចំនួន០២គ្រឿង ម៉ាកហុងដា ពាក់ផ្លាកលេខកំពង់ស្ពឺ1AA-2203 និងមួយគ្រឿងទៀតពាក់ផ្លាកលេខតាកែវ1W-5490 ក្រុមក្មេងទំនើងដែលឃាត់ខ្លួន(ទី១)-ឈ្មោះ ង៉ែត ពិសាល ភេទប្រុស អាយុ១៦ឆ្នាំ ជាអ្នកបង្ហោះម៉ូតូ (ទី២)-ឈ្មោះ ខូន ចន្ថា ភេទប្រុស អាយុ១៤ឆ្នាំ (ទី៣)-ឈ្មោះ លី ហ៊ួរ ភេទប្រុស អាយុ១៦ឆ្នាំ ជាអ្នកជិះពីក្រោយ (ទី៤)-ឈ្មោះ ហៀក បូរ៉ា ភេទប្រុស អាយុ១៧ឆ្នាំ (និងទី៥)-ឈ្មោះ ធៀម ភា ភេទប្រុស អាយុ១៥ឆ្នាំ ជាអ្នកជិះពីក្រោយ ។
ករណីទី៤÷ នៅចំណុចតារាងបាល់ទាត់ស្ថិតនៅក្នុងភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច នគរបាលឃាត់បានក្រុមបង្ហោះម៉ូតូចំនួន០២នាក់ និងដកហូតបានម៉ូតូ០១គ្រឿង ម៉ាកហុងដាសេ១២៥ ពណ៌ក្រហម គ្មានផ្លាកលេខសម្គាល់នោះទេ និងឃាត់ក្រុមក្មេងទំនើង (ទី១)-ឈ្មោះ មាស ដេវីត ភេទប្រុស អាយុ ១៨ឆ្នាំជាម្ចាស់ម៉ូតូ (និងទី២)-ឈ្មោះ ហន វីរៈ ភេទប្រុស អាយុ ១៥ឆ្នាំ ជាអ្នកបង្ហោះម៉ូតូ ។
និងករណីទី៥÷ នៅចំណុចលើផ្លូវបេតុង ខាងលិចសាលាអនុវិទ្យាល័យ ឆាយឆុប ស្ថិតនៅក្នុងភូមិចំការដូង សង្កាត់ច្បារមន ក្រុងច្បារមន ខេត្តកំពង់ស្ពឺ ធ្វើការឃាត់ក្រុមបង្ហោះម៉ូតូបានចំនួន០២នាក់ និងបានដកហូតម៉ូតូម៉ាកនិច ពណ៌ខ្មៅ ពាក់ផ្លាកលេខ ភ្នំពេញ 1LZ-3532 និងឃាត់(ទី១)-ឈ្មោះ យ៉ង់ រដ្ឋា ភេទប្រុស អាយុ១៦ឆ្នាំ អ្នកបង្ហោះម៉ូតូ ជាសិស្ស រស់នៅក្នុងភូមិអង្គប្រាសាទ សង្កាត់ច្បារមន ក្រុងច្បារមន (និងទី២)-ឈ្មោះ យឹម អ៊ុយហាវ ភេទប្រុស អាយុ១៥ឆ្នាំ ជាសិស្ស រស់នៅភូមិត្រពាំងជ្រៃ ឃុំព្នាយ ស្រុកសំរោងទង ខេត្តកំពង់ស្ពឺ។
នគរបាលខេត្តកំពង់ស្ពឺបានបញ្ជាក់ថាជាវិធានការក្ដៅរបស់ថ្នាក់ដឹកនាំ៖ និងអនុវត្តតាមប្រសាសន៍ឯកឧត្ដមអភិបាលខេត្ដកំពង់ស្ពឺ គ្មានការលេីកលែង
ទី១- កោសក់ក្បាល ពុះជេីងក្អែក
ទី២- ដកហូតមធ្យោបាយម៉ូតូរក្សាទុកនៅកន្លែងសមត្ថកិច្ចរយៈពេលពី ៩០ថៃ្ង ឬ/១៨០ថៃ្ង
ទី៣- យកទៅទស្សនៈកិច្ចពន្ធនាគារនិងធ្វេីពលកម្មអនាម័យ នៅរយៈពេល៤៨ម៉ោង
និងទី៤- អញ្ជេីញអាណាព្យាបាល ឪពុកម្តាយ មកធ្វេីកិច្ចសន្យាអប់រំ ទទួលការសុំខមាទោសនិងសន្យាជាឱឡារឹកថាមិនត្រូវប្រព្រឹត្ដទង្វេីរបែបនេះជាលេីកទី២ទៀតទេ និងទទួលយកកូនទៅធ្វេីការអប់រំទូន្មានឱ្យក្លាយជាកូនល្អ សិស្សល្អ និងមិត្តល្អ សង្គមទទួលស្គាល់៕
ចែករំលែកព័តមាននេះ