ប្រទេសជប៉ុន ៖ ក្នុងការបោះឆ្នោតសភាជប៉ុនមុនកាលកំណត់ កាលពីថ្ងៃទី៨ កុម្ភៈ គណបក្សសេរីប្រជាធិបតេយ្យPLD របស់នាយករដ្ឋមន្ត្រីលោកស្រីសាណាអ៊ីតាកាអ៊ីជី ជាអ្នកឈ្នះទទួលបានអាសនៈក្នុងសភាដល់លើសពី២ ភាគ៣ ។…
ប្រទេសជប៉ុន ៖ ក្នុងការបោះឆ្នោតសភាជប៉ុនមុនកាលកំណត់ កាលពីថ្ងៃទី៨ កុម្ភៈ គណបក្សសេរីប្រជាធិបតេយ្យPLD របស់នាយករដ្ឋមន្ត្រីលោកស្រីសាណាអ៊ីតាកាអ៊ីជី ជាអ្នកឈ្នះទទួលបានអាសនៈក្នុងសភាដល់លើសពី២ ភាគ៣ ។
យោងតាមលទ្ធផលផ្លូវការចេញផ្សាយ នាថ្ងៃទី១០ កុម្ភៈ ថា គណបក្សសេរីប្រជាធិបតេយ្យPLD របស់នាយករដ្ឋមន្ត្រីលោកស្រីសាណាអ៊ីតាកាអ៊ីជី ដណ្ដើមបានកៅអីសភាដល់ទៅ៣១៥ ដែលគណបក្សនោះតែមួយ ទទួលបានសំឡេងលើសពី២ភាគ៣រួចទៅហើយ ។
លទ្ធផលនៃការបោះឆ្នោតនោះពិតជាល្អបំផុត ជាប្រវត្តិសាស្ត្រសម្រាប់គណបក្សPLD ដែលនឹងជួយពង្រឹងលោកស្រីតាកាអ៊ីជី ជានារីដំបូងគេក្លាយជានាយករដ្ឋមន្ត្រីជប៉ុន ក្នុងការអនុវត្តកម្មវិធីនយោបាយលោកស្រីរយៈពេល៤ឆ្នាំខាងមុខ ឲ្យសេដ្ឋកិច្ចជប៉ុនស្ទុះឡើងវិញ ដើម្បីសុខមាលភាពរបស់ប្រជាជនជប៉ុនទាំង១២៣លាននាក់។
ដោយទទួលបានកៅអីសភាដល់៣១៥ គណបក្សPLD ទទួលបានសំឡេងភាគច្រើន២ភាគ៣ក្នុងសភារួចហើយ រួចបើបូកជាមួយគណបក្សដៃគូគឹគណបក្សកែប្រែថ្មីISHIN នោះក្រុមចម្រុះនឹងមានកៅអីក្នុងសភា ដល់ទៅ៣៥១ក្នុងចំណោមកៅអីសភាទាំង៤៦៥។ ក្នុងសភាមុនគណបក្សPLD និងគណបក្សជាដៃគូក្នុងក្រុមចម្រុះមានសំឡេងភាគច្រើនប្រផិតប្រផើយប៉ុណ្ណោះ។ សំឡេងភាគច្រើនដាច់ខាតក្នុងសភាមានត្រឹម២៣៣។ ក្នុងសភាមុនគណបក្សPLDមានកៅអីត្រឹម១៩៨ ចំណែកគណបក្សISHINមានកៅអីត្រឹម៣៤។
ចំណែកគណបក្សSANSEITO ទទួលបានអាសនៈកើនឡើង ឈានពី២កៅអីដល់១៥កៅអី។ ចំណែកគណបក្សសម្ព័ន្ធភាពថ្មីកណ្ដាលនិយមដើម្បីការកែទម្រង់ បង្កើតឡើង ដោយគណបក្សប្រឆាំងសំខាន់ គឺគណបក្សប្រជាធិបតេយ្យនិងអតីតដៃគូរបស់PLDគឹគណបក្សKOMEITO ទទួលបរាជ័យធ្ងន់ធ្ងរ ដោយកៅអីក្នុងសភាដែលមុននេះ មាន១៦៧ធ្លាក់មកនៅត្រឹម៤៩ ៕
ចែករំលែកព័តមាននេះ