សុខភាព៖ យោងតាមការផ្សាយរបស់សារព័ត៌មានបរទេស ថ្លើមរបស់អ្នកចាប់ផ្ដើមមានបញ្ហា នៅពេលដែលមានជាតិខ្លាញ់កកកុញលើសពី ៥-១០% នៃទម្ងន់ថ្លើម។

ដើម្បីការពារ និងស្ដារមុខងារថ្លើមឡើងវិញ អ្នកគួរចាប់ផ្ដើមជាមួយ រមៀត ដែលជាភ្នាក់ងារជួយរំលាយជាតិខ្លាញ់យ៉ាងសកម្ម និង ផ្លែក្រូចឆ្មារ ដែលសម្បូរវីតាមីន C ជួយថ្លើមផលិតសារធាតុបន្សាបជាតិពុល និងកាត់បន្ថយការរលាក។

ក្រៅពីនេះ ការញ៉ាំ ទឹកខ្មេះប៉ោម និង តែបៃតង គឺជាវិធីសាស្ត្រដ៏ពូកែក្នុងការដុតបំផ្លាញជាតិខ្លាញ់ និងកាត់បន្ថយការផ្ទុកខ្លាញ់ក្នុងថ្លើម។ ចំណែកឯ ផ្កាដាន់ឌីលីន និង ផ្លែល្ហុង (រួមទាំងគ្រាប់របស់វា) ដើរតួជាឱសថធម្មជាតិជួយជួសជុលកោសិកាថ្លើមដែលខូចខាត និងជំរុញការរំលាយអាហារបានយ៉ាងប្រសើរ។

គន្លឹះដ៏សំខាន់បំផុតគឺ ការរួមផ្សំអាហារទាំងនេះជាមួយការគ្រប់គ្រងទម្ងន់ និងកាត់បន្ថយអាហារដែលមានជាតិខ្លាញ់ខ្ពស់។ ការថែទាំថ្លើមតាមបែបធម្មជាតិមិនត្រឹមតែជួយឱ្យថ្លើមស្អាតនោះទេ ប៉ុន្តែវាគឺជាការការពាររាងកាយទាំងមូលឱ្យជៀសផុតពីជំងឺថ្លើមរ៉ាំរ៉ៃបានយ៉ាងមានប្រសិទ្ធភាព​៕