រាជធានីភ្នំពេញ ៖ មន្ត្រីជំនាញក្រសួងបរិស្ថាន បានឲ្យដឹងថា ទឹកបឹងយក្ខទ្បោម ដែលលេចទ្បើងនូវបាតុភូតគួរឲ្យភ្ញាក់ផ្អើលនៅពេលដែលទឹកបឹងធម្មជាតិ និងជាទីតាំងទេសសចរណ៍ប្រវត្តិសាស្ត្រដ៏សំខាន់នេះ បានប្រែជាល្អក់ខាប់ខុសធម្មតា ក្នុងរយៈពេលកន្លងមកនេះ ឥទ្បូវបានបាច់ផ្តើមរងថ្លាបណ្តើៗហើយ…
រាជធានីភ្នំពេញ ៖ មន្ត្រីជំនាញក្រសួងបរិស្ថាន បានឲ្យដឹងថា ទឹកបឹងយក្ខទ្បោម ដែលលេចទ្បើងនូវបាតុភូតគួរឲ្យភ្ញាក់ផ្អើលនៅពេលដែលទឹកបឹងធម្មជាតិ និងជាទីតាំងទេសសចរណ៍ប្រវត្តិសាស្ត្រដ៏សំខាន់នេះ បានប្រែជាល្អក់ខាប់ខុសធម្មតា ក្នុងរយៈពេលកន្លងមកនេះ ឥទ្បូវបានបាច់ផ្តើមរងថ្លាបណ្តើៗហើយ ហើយវានឹងវិលទៅរកសភាពធម្មតា នាពេលឆាប់ៗខាងមុខនេះ។ មន្ត្រីជំនាញបានបញ្ជាក់ផងដែរថា ការប្រែពណ៌ទឹកបឹងយក្ខទ្បោមដូចគ្នានេះ ធ្លាប់បានកើតទ្បើងម្តងហើយកាលពី១៥ ឆ្នាំមុន។
លោក ខ្វៃ អាទិត្យា អ្នកនាំពាក្យក្រសួងបរិស្ថាន បានថ្លែងប្រាប់កោះសន្តិភាពថា បច្ចុប្បន្ននេះ ទឹកបឹងយក្ខទ្បោមបានរងថ្លាបណ្តើៗហើយ ហើយនឹងវិលទៅសភាពដើមវិញ នាពេលខាងមុខ។ លោកបានបញ្ជាក់ដែរថា ក្រសួងបរិស្ថានបានយកសំណាកទឹកមកវិភាគដែរ តែរកមិនឃើញថា មានសារធាតុពុលនៅក្នុងទឹកនោះទេ។ ដូច្នេះអាចនិយាយថា ទឹកដែលល្អក់ខុសធម្មតានោះ វាមិនប៉ះពាល់ដល់ជីវៈចម្រុះក្នុងបឹងយក្ខទ្បោម និងសុខភាពសាធារណនោះទ្បើយ ។
លោកក៏បញ្ជាក់បន្ថែមថា ពេលយកទឹកដែលល្អក់ក្នុងបឹងយក្ខទ្បោម មកពិនិត្យនោះ យើងរកឃើញកម្រិត PH គឺ ៦,៨៨ ស្ថិតនៅកម្រិតស្តង់ដារ បានកំណត់មាន ៦,៥ ទៅ ៨,៥ ។ ដូច្នេះមានន័យថា ពុំមានជាតិពុលនៅក្នុងទឹកនោះទេ គឺវាស្ថិតនៅកម្រិតធម្មតា។ ចំពោះសារធាតុរឹងសរុប TSS វិញគឺមាន ១៩ មីលីក្រាមក្នុងមួយម៉ែត្រគីប ដោយអនុលោមតាមស្តង់ដារគឺ តូចជាង ១០០ ក្នុងមួយម៉ែត្រគីប ដែលវាបានបង្ហាញពីភាពកកទាប និងភាពល្អិតមានតិចតួចបំផុតនៅក្នុងទឹក។ ចំណែកអុកស៊ីហ្ស៊ែន រលាយក្នុងទឹក DO មាន ៣,៤៥ មីលីក្រាមក្នុងមួយលីត្រ ហើយកម្រិតនេះ មិនប៉ះពាល់ដល់ជីវៈចម្រុះក្នុងទឹកនោះទេ ។
លោកបន្តថា យោងតាមការវិភាគ និងកម្រិតសារធាតុខាងលើនេះហើយ ទើងយើងអាចសន្និដ្ឋានថា ទឹកនៅបឹងយក្ខទ្បោមមានគុណភាពធម្មតា មិនមានការបំពុល ដែលបង្កផលប៉ះពាល់ដល់ជីវៈចម្រុះនោះដែរ ។
យ៉ាងណាក៏ដោយ លោក ខ្វៃ អាទិត្យា បានឲ្យដឹងដែរថា បើតាមប្រជាសហគមន៍ និងប្រជាពលរដ្ឋ ដែលរស់នៅក្បែរនោះបញ្ជាក់ថា ស្ថានភាពប្រែប្រួលពីថ្លា មកល្អក់ នៅបឹងយក្ខទ្បោមដូចគ្នានេះ បានកើតទ្បើងម្តងហើយកាលពីប្រមាណ ១៥ ឆ្នាំមុន ។
គួររំលឹកថា នៅថ្ងៃទី២១ ខែមករា ប្រជាពលរដ្ឋ និងភ្ញៀវទេសចរណ៍មានការភ្ញាក់ផ្អើយយ៉ាងខ្លាំង ខណៈដែលទឹកបឹងយក្ខឡោម បានប្រែពណ៌ ពីថ្លាដូចកញ្ចក់ ទៅជាល្អក់ខាប់ដូចទឹកគ្រឿង ។
ពាក់ព័ន្ធករណីនេះ លោក វេន ចឹ អនុប្រធានបឹងយក្ខឡោម ក៏ធ្លាប់បានឲ្យដឹងដែរថា ករណីទឹកបឹងយក្ខឡោមនេះ ជាបាតុភូតធម្មជាតិ ហើយបើតាមកំណត់ត្រា គឺកើតមានចំនួនបីលើករួចមកហើយ ដោយ ៖
លើកទី១. កើតឡើងនៅក្នុងអំឡុងឆ្នាំ១៩៩៩
លើកទី២. កើតឡើងនៅក្នុងឆ្នាំ២០១១
និងលើកទី៣. កើតឡើងនៅក្នុងឆ្នាំ២០២៦ នេះ។
លោកបន្តថា កាលឆ្នាំ១៩៩៩ បាតុភូតនោះកើតឡើងគួរឲ្យភ័យខ្លាចបំផុត ដោយសង្កេតឃើញមានបច្ឆាទាំងតូច,ធំ ងាប់រាយប៉ាយ អណ្តែតព្រោងព្រាតនៅលើផ្ទៃទឹកបឹង តែម្តង។ ដោយឡែក មកដល់ឆ្នាំ២០១១ បាតុភូតនេះ កើតមានម្តងទៀត ហើយមកដល់ឆ្នាំ២០២៦ បាតុភូតធម្មជាតិនេះមកើតឡើងដូចគ្នា ប៉ុន្តែមិនឃើញមានបច្ឆាងាប់ច្រើនគួរឲ្យកត់សម្គាល់ដូចមុននោះទេ។
សូមបញ្ចាក់ថា បឹងយក្ខឡោម ជារម្មណីដ្ឋានធម្មជាតិ ដ៏ស្រស់ផូរផង់ ស្ថិតនៅក្នុងភូមិឡូន សង្កាត់យក្ខឡោម ក្រុងបានលុង ខេត្តរតនគិរី បច្ចុប្បន្នរម្មណីដ្ឋានធម្មជាតិមួយនេះបានទាក់ទាញភ្ញៀវទេសចរណ៍ជាតិ អន្តរជាតិមកទស្សនាកំសាន្តគ្រប់រដូវកាល។ ជម្រៅទឹកបឹង មាន៥០ម៉ែត្រ ទំហំផ្ទៃបឹងឬហៅថា អង្កត់ផ្ចិត ស្មើ ៨០០ម៉ែត្រ និងទំហំផ្ទៃដីសរុប ស្មើ ២២៥ហិកតា ។
បច្ចុប្បន្ន រម្មណីយដ្ឋានធម្មជាតិមួយនេះ ស្ថិតក្រោមការគ្រប់គ្រងរបស់សហគមន៍ចំនួន៥ភូមិ រួមមាន ៖ ១. ភូមិ ឡូន ២. ភូមិ ភ្នំ ៣. ភូមិ សិល្ប៍ ៤. ភូមិ ឡាប៉ូ និង៥. ភូមិ ជ្រី៕
ចែករំលែកព័តមាននេះ