ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា ទាហានកូរ៉េខាងត្បូង២នាក់ បានត្រូវស្លាប់ក្នុងការធ្លាក់ឧទ្ធម្ភាគចក្រយោធា១គ្រឿងនៅតំបន់GAPYEONG កាលពីថ្ងៃទី៩ កុម្ភៈ ។ ឧទ្ធម្ភាគចក្រធុន AH-1S…
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា ទាហានកូរ៉េខាងត្បូង២នាក់ បានត្រូវស្លាប់ក្នុងការធ្លាក់ឧទ្ធម្ភាគចក្រយោធា១គ្រឿងនៅតំបន់GAPYEONG កាលពីថ្ងៃទី៩ កុម្ភៈ ។
ឧទ្ធម្ភាគចក្រធុន AH-1S COBRA របស់កងយន្តហោះទី១៥នៃកងទ័ពជើងគោក បានធ្លាក់នាវេលាម៉ោង១១ និង០៤នាទីម៉ោងក្នុងស្រុក ក្នុងតំបន់ដែលស្ថិតក្នុងខេត្តGYEONGGI ស្ថិតនៅចម្ងាយ៥៥គីឡូម៉ែត្រ ភាគឦសានក្រុងសេអ៊ូល បន្ទាប់ពីហោះចេញនាវេលាម៉ោង៩និង៤៥នាទីសម្រាប់ការហោះហើរហ្វឹកហ្វឺន ។
ក្នុងឧទ្ធម្ភាគចក្រនោះ មាននាយទាហាន២នាក់ ដែលក្រោយពេលធ្លាក់ ពួកគេសន្លប់មិនដឹងខ្លួន ហើយត្រូវស្លាប់នៅមន្ទីរពេទ្យដោយរបួសធ្ងន់ពេក ។ អាជ្ញាធរនិយាយថា ពេលធ្លាក់ពុំមានភ្លើងឆេះ ឬការផ្ទុះឡើយ។ ការស៊ើបអង្កេតមួយត្រូវបានបើកធ្វើរកមូលហេតុពិតប្រាកដនៃការធ្លាក់ឧទ្ធម្ភាគចក្រនោះ ។
ការធ្លាក់កើតមានពេលហោះហ្វឹកហ្វឺនឲ្យក្រុមយានិកចេះពិវិធីចុះបន្ទាន់ពេលជួបឧប្បត្តិហេតុ ។ កងទ័ពហាមមិនឲ្យឧទ្ធម្ភាគចក្រធុន AH-1S COBRA ហោះហើរ ហើយធ្វើការស៊ើបអង្កេតពិសេសមួយកំណត់មូលហេតុនៃគ្រោះថ្នាក់នោះ ៕
ចែករំលែកព័តមាននេះ