ចំណេះដឹង៖ យោងតាមការផ្សាយរបស់សារព័ត៌មានបរទេស ពិភពលោកកំពុងផ្លាស់ប្តូរយ៉ាងលឿនដោយសារបញ្ញាសិប្បនិម្មិត (AI) ដែលតម្រូវឱ្យយើងត្រូវតែពង្រឹងជំនាញឌីជីថលជាចាំបាច់ដើម្បីរស់រានក្នុងទីផ្សារការងារ។

ជំនាញដំបូងដែលមិនអាចខ្វះបានគឺ ការបកស្រាយទិន្នន័យ​ ដែលជាសមត្ថភាពបំប្លែងតួលេខស្មុគស្មាញ ឱ្យទៅជាព័ត៌មានងាយយល់សម្រាប់សម្រេចចិត្តក្នុងអាជីវកម្ម។ បន្ទាប់មកគឺ សន្តិសុខតាមអ៊ីនធឺណិត​ ដែលជាខែលការពារទិន្នន័យពីការវាយប្រហារតាមអនឡាញ ដែលក្រុមហ៊ុនគ្រប់វិស័យកំពុងត្រូវការបំផុត។

ទន្ទឹមនឹងការការពារទិន្នន័យ ការរចនាបទពិសោធអ្នកប្រើប្រាស់​ ក៏ដើរតួនាទីយ៉ាងសំខាន់ក្នុងការយល់ពីចិត្តសាស្ត្រអតិថិជន ដើម្បីបង្កើតផលិតផលឌីជីថលដែលងាយស្រួលប្រើ និងមានភាពទាក់ទាញ។ បន្ថែមពីនេះ ទីផ្សារឌីជីថល​ នៅតែជាកម្លាំងចលករដែលតម្រូវឱ្យយើងចេះច្នៃប្រឌិតខ្លឹមសារដើម្បីទៅដល់ដៃអតិថិជនឱ្យចំគោលដៅ។ ជាចុងក្រោយ ជំនាញដែលសំខាន់បំផុតគឺ ការចេះប្រើប្រាស់ AI ខ្លួនឯងតែម្ដង ព្រោះការរៀនធ្វើការ “ជាមួយ AI” នឹងជួយបង្កើនប្រសិទ្ធភាពការងាររបស់អ្នកបានរាប់សិបដង។

ការមានជំនាញទាំងនេះ នឹងធានាថាអ្នកមិនមែនជាអ្នកដែលត្រូវបានបច្ចេកវិទ្យាជំនួសឡើយ ប៉ុន្តែអ្នកនឹងក្លាយជាអ្នកបញ្ជាបច្ចេកវិទ្យាដើម្បីជោគជ័យក្នុងអាជីពនាពេលអនាគត​៕