ទីក្រុងបាងកក៖ ពាក់ព័ន្ធនឹងហេតុការណ៍បាញ់ប្រហារឧត្ដមសេនីយ៍លំដាប់ផ្កាយបីរបស់រុស្ស៊ីទទួលបន្ទុកផ្នែកអគ្គនាយករងស៊ើបការណ៍សម្ងាត់យោធា ជីអ័រយូ (GRU) នោះ ឥឡូវនេះ អង្គភាពស៊ើបការណ៍សម្ងាត់រុស្ស៊ី អែហ្វអែសប៊ី (FSB) ថ្លែងថាបុរសម្នាក់ត្រូវបានចាប់ខ្លួន…
ទីក្រុងបាងកក៖ ពាក់ព័ន្ធនឹងហេតុការណ៍បាញ់ប្រហារឧត្ដមសេនីយ៍លំដាប់ផ្កាយបីរបស់រុស្ស៊ីទទួលបន្ទុកផ្នែកអគ្គនាយករងស៊ើបការណ៍សម្ងាត់យោធា ជីអ័រយូ (GRU) នោះ ឥឡូវនេះ អង្គភាពស៊ើបការណ៍សម្ងាត់រុស្ស៊ី អែហ្វអែសប៊ី (FSB) ថ្លែងថាបុរសម្នាក់ត្រូវបានចាប់ខ្លួន និងឃុំឃាំងនៅទីក្រុងឌុយបៃ ប្រទេសអារ៉ាប់រួម។ គាត់ត្រូវបានសង្ស័យពីបទបាញ់ឧត្ដមសេនីយ៍រុស្ស៊ី លោកវ៉្លាឌីមៀ អាឡិចសេយេវ (Vladimir Alexeyev) ជាច្រើនគ្រាប់។ ប៉ុន្តែសំណាងល្អជនរងគ្រោះអាចរួចផុតពីការស្លាប់។
ទូរទស្សន៍រុស្ស៊ីបានចាក់ផ្សាយរូបវីឌីអូរបស់អែហ្វអែសប៊ីដែលបង្ហាញភ្នាក់ងារសម្ងាត់ចាប់ខ្លួនជនសង្ស័យម្នាក់ជាជនជាតិរុស្ស៊ីឈ្មោះលីយូបូមៀ គ័របា (Lyubomir Korba) ចុះពីលើយន្តហោះមិនស្គាល់ទីតាំងនៅប្រទេសរុស្ស៊ី។ សូមរំលឹកថាឧត្ដមសេនីយ៍រុស្ស៊ី លោកវ៉្លាឌីមៀ អាឡិចសេយេវត្រូវជនដៃដល់បាញ់នៅបរិវេណអគារស្នាក់នៅមួយកន្លែងនៃទីក្រុងម៉ូស្គូកាលពីថ្ងៃទី៦ ខែកុម្ភៈ។
ក្រុមអ្នកស៊ើបអង្កេតថ្លែងថាឧត្ដមសេនីយ៍រូបនេះឆ្លងកាត់ការវះកាត់មុខរបួសដោយសារគ្រាប់កាំភ្លើង។ ក្រោយការបាញ់ប្រហារនោះ រដ្ឋមន្ត្រីការបរទេសរុស្ស៊ី លោកសឺហ្គេ ឡាវរ៉ូស (Sergei Lavrov) ចោទប្រកាន់ថាអ៊ុយក្រែនជាអ្នកនៅពីក្រោយទង្វើដែលលោកចាត់ទុកថាការប៉ុនប៉ងធ្វើឃាតមិនបានសម្រេច។ លោកយល់ថាអ៊ុយក្រែនធ្វើរឿងនេះដើម្បីបន្ទច់បង្អាក់ដំណើរការចរចាសន្តិភាព។ ទោះជាយ៉ាងណាក្ដី អ៊ុយក្រែនចេញមុខបដិសេធរឿងនេះ។
អ៊ុយក្រែនថាខ្លួនគ្មានជាប់ពាក់ព័ន្ធនឹងការបាញ់ប្រហារនេះទេ។ ចៅហ្វាយរបស់លោកអាឡិចសេយេវ លោកអ៊ីហ្គ័រ កូសយូកូស (Igor Kostyukov) ជាប្រធាជីអ័រយូ (GRU) បន្តដឹកនាំគណៈប្រតិភូចរចាជាមួយក្រុមការងាររបស់អ៊ុយក្រែននៅទីក្រុងអាប៊ូដាប៊ី ប្រទេសអារ៉ាប់រួម ពាក់ព័ន្ធនឹងបញ្ហាសន្តិសុខ៕ ប្រភព៖ រ៉យទ័រ និងប្រភពដទៃទៀត
ចែករំលែកព័តមាននេះ