ទៀតហើយ! កាហ្វេក្លែងក្លាយ២តោន រកឃើញនៅជិតៗកម្ពុជា
ផលិតផលកាហ្វេយីហោ Phuong Nguyen ក្លែងក្លាយប្រមាណជា២តោន ត្រូវបានរកឃើញនៅក្នុងទឹកដីនៃប្រទេសវៀតណាម នៅជិតៗនឹងកម្ពុជា ។ ដូច្នេះ សូមប្រុងប្រយ័ត្នកាហ្វេនេះ ហូរចូលមកក្នុងប្រទេស…
ផលិតផលកាហ្វេយីហោ Phuong Nguyen ក្លែងក្លាយប្រមាណជា២តោន ត្រូវបានរកឃើញនៅក្នុងទឹកដីនៃប្រទេសវៀតណាម នៅជិតៗនឹងកម្ពុជា ។ ដូច្នេះ សូមប្រុងប្រយ័ត្នកាហ្វេនេះ ហូរចូលមកក្នុងប្រទេស ហើយចែកចាយនៅលើទីផ្សារ ។
យោងតាមកាសែត យុវជនវៀតណាម បានឲ្យដឹងថា ដំបូងសមត្ថកិច្ចប៉ូលិសក្រុងដាណាង បានរកឃើញផលិតផលកាហ្វេវៀតណាមយីហោខាងលើ ដែលកំពុងតែផលិតកាហ្វេ នៅក្នុងមួយថ្ងៃ ជិត១តោន មានផលិតផលក្លែងក្លាយ ។
ក្រោយប្រតិបត្តិការបុរសម្នាក់ឈ្មោះ ឃ្វៀន វាន់ហាង ( Nguyen Van Hoang) អាយុ៥០ឆ្នាំ ត្រូវបានឃុំខ្លួន ហើយភរិយារបស់គាត់ឈ្មោះ ង៉ោ ធីបាវវាង( Ngo Thi Bao Vang) ត្រូវបានហាមឃាត់មិនឱ្យចាកចេញពីផ្ទះ ខណៈដែលក្រុមអ្នកស៊ើបអង្កេតពង្រីកការស៊ើបអង្កេតលើការក្លែងបន្លំម្ហូបអាហារទ្រង់ទ្រាយធំបំផុតមួយនៅក្នុងប្រទេស ។
ប្រភពដដែលបានអះអាងថា អ្នកទាំងពីរជាម្ចាស់ក្រុមហ៊ុនកាហ្វេ Phuong Nguyen Production and Trading Co. Ltd. ដែលបានដំណើរការតាំងពីឆ្នាំ២០១៤ ។
ប៉ូលិសបាននិយាយថា ជនសង្ស័យបានលាយម្សៅសណ្តែកសៀងជាមួយសារធាតុគីមីបន្ថែមក្លិន និងរសជាតិដូចគ្នានឹងកាហ្វេធម្មជាតិ ។
សមត្ថកិច្ចវៀតណាម បានបន្តថា ក្រោយដាក់ការសង្ស័យ សមត្ថកិច្ចក៏បានបន្តសើបអង្កេត និងរឹបអូសកាហ្វេនេះ ពីទីផ្សារនៅទីក្រុងដាណាង និងហូជីមិញសរុបប្រមាណជា ២តោន ហើយបានណែនាំអ្នកដែលទិញ ផលិតផលកាហ្វេនេះទៅឆុងទទួលទានដែលផលិតផលចុះបញ្ជីពីខែតុលា ឆ្នាំ២០២៥ ដល់ ខែមករា ឆ្នាំ២០២៦ បញ្ឈប់ទទួលទា នហើយប្រគល់វាទៅសមត្ថកិច្ច ៕
ចែករំលែកព័តមាននេះ