រាជធានីភ្នំពេញ ៖ នៅក្នុងកិច្ចប្រជុំកំពូលប្រមុខដឹកនាំត្រីភាគី កម្ពុជា- ឡាវ និងវៀតណាម ថ្នាក់ដឹកនាំបានជំរុញឲ្យមានការដោះស្រាយជម្លោះព្រំដែនកម្ពុជា-ថៃដោយសន្តិវិធីឲ្យបានឆាប់ចប់ដោយខិតខំធ្វើការបោះបង្គោលព្រំដែនតាមលក្ខខណៈបច្ចេក និងគោរពច្បាប់ដែលមានធរមាន ។ ថ្លែងក្នុងសន្នីសីទសារព័ត៌មាន…
រាជធានីភ្នំពេញ ៖ នៅក្នុងកិច្ចប្រជុំកំពូលប្រមុខដឹកនាំត្រីភាគី កម្ពុជា- ឡាវ និងវៀតណាម ថ្នាក់ដឹកនាំបានជំរុញឲ្យមានការដោះស្រាយជម្លោះព្រំដែនកម្ពុជា-ថៃដោយសន្តិវិធីឲ្យបានឆាប់ចប់ដោយខិតខំធ្វើការបោះបង្គោលព្រំដែនតាមលក្ខខណៈបច្ចេក និងគោរពច្បាប់ដែលមានធរមាន ។
ថ្លែងក្នុងសន្នីសីទសារព័ត៌មាន នាព្រឹកថ្ងៃទី៨ ខែកុម្ភៈ ឆ្នាំ២០២៦ ឯកឧត្តម សួស យ៉ារ៉ាអ្នក នាំពាក្យគណបក្សប្រជាជនកម្ពុជា បានលើកឡើងពីលទ្ធផលរួមនៃកិច្ចប្រជុំទ្វេភាគី និងត្រីភាគី ថ្នាក់ដឹកនាំកម្ពុជា-ឡាវ-វៀតណាម ដែលកម្ពុជាធ្វើជាម្ចាស់ផ្ទះ នាថ្ងៃទី០៦-០៧ ខែកុម្ភៈ ឆ្នាំ២០២៦នៅថ្ងៃទី៨ ខែកុម្ភៈ ឆ្នាំ២០២៦ នៅស្នាក់ការគណបក្សប្រជាជនកម្ពុជា ថា កិច្ចប្រជុំនេះ គឺជាកិច្ចប្រជុំពិសេសមួយ ក្នុងការជជែកពិភាក្សាគ្នាដោះស្រាយបញ្ហាដែលនៅសេសសល់ទាំងឡាយ ។
ឯកឧត្តមបានបញ្ជាក់ថា ៖«អីញ្ចឹងហើយកិច្ចប្រជុំនេះ គឺជាវេទិការពិសេសមួយដែលថ្នាក់ដឹកនាំបានជជែកពិភាក្សាគ្នាដើម្បីដោះស្រាយភាពខុសគ្នាទាំងឡាយ ។ ដូច្នេះហើយការពិភាក្សាគ្នានេះថ្នាក់ ដឹកនាំកំពូលបានដោះស្រាយបញ្ហាលឿនណាស់ ដើម្បីកុំឲ្យនៅសេសសល់ ហើយកុំឲ្យមានការ យល់ច្រឡំណាមួយដោយព័ត៌មានក្លែងក្លាយ» ។
ឯកឧត្តមបានបន្តថា ការជួបគ្នារបស់ថ្នាក់ដឹកនាំទាំងបី គឺផ្តល់នូវគុណតម្លៃមួយរួមដោយយោគយល់គ្នា គោរពគោលនយោបាយរួមជំហរួម ហើយចូលរួមដោយសហវិជ្ជមាន ដោយបើកចំ ហរក្នុងចំណោមការដោះស្រាយនៅតំបន់ និងអន្តរជាតិ ។ ការពិភាក្សាគ្នាច្រើនប្រសើរជាងម្នាក់ ក្នុងការដោះស្រាយបញ្ហាក្នុងតំបន់ និងពិភពលោកអីញ្ចឹងចំណុចនេះសំខាន់ណាស់ ។ ឯកឧត្តម សួស យ៉ារ៉ាបានគូសបញ្ជាក់បន្ថែមថា៖« ថ្នាក់ដឹកនាំប្រទេសទាំងបីបានប្តេជ្ញា សាមគ្គី ភាព រក្សាមជ្ឈភាពអាស៊ាន អីញ្ចឹងចំណុចនេះជាចំណុចគោល ។ អាស៊ាននៅតែមានសារៈ សំខាន់ នៅក្នុងតំបន់សម្រាប់ដោះស្រាយជម្លោះក្នុងតំបន់ដោយសន្តិវិធី ដោយគោរពច្បាប់អន្តរជាតិ និងចូលរួមជាមួយសមាជិកអាស៊ានដទៃទៀត ដើម្បីគាំទ្របទឈប់បាញ់រវាងកម្ពុជា និងថៃ។
បើតាមការបញ្ជាក់របស់ឯកឧត្តម សួស យ៉ារ៉ា បានអះអាងថា សមាជិកអាស៊ានសុទ្ធតែគាំទ្រឲ្យមានបទឈប់បាញ់រវាងកម្ពុជា-ថៃ និងថា ពិតជាមានតម្លៃណាស់ ។ ថ្នាក់ដឹកនាំវៀតណាម និងឡាវបានអះ អាងនឹងបន្តធ្វើការចូលរួមក្នុងបេសកម្មជាមួយក្រុ មការងារសង្កេតការណ៍ អាស៊ាន ដើម្បីជួយធានាក្នុងគោលបំណងឲ្យមានការអនុវត្តបទឈប់បាញ់ឲ្យមានប្រសិទ្ធភាព និងសន្តិភាពរវាងកម្ពុជានិងថៃ ក៏ដូចជាក្នុងតំបន់អាស៊ានទាំងមូល ពិសេសនោះក្នុងគ្រួសារអាស៊ាន។
ឯកឧត្តមបានលើកឡើងទៀតថា៖«មានតែគ្រួសារអាស៊ានដែលអាចនិយាយគ្នាបាន ក្រៅពីនេះ គ្មានអ្នកណានិយាយគ្នាបានទេ ។ គេមិនយល់យើងនោះទេ អីញ្ចឹងដល់គ្រួសារយើងបានអាច និយាយគ្នាបាន» ។ ពាក់ព័ន្ធនឹងជម្លោះព្រំដែនកម្ពុជា – ថៃឯកឧត្តម សួស យ៉ារ៉ា ក៏បានលើកឡើងថាក្នុងកិច្ចប្រជុំភាគីទាំងអស់ក៏បានឲ្យតម្លៃលើសន្តិភាពការគោរពលើផ្នែកបច្ចេកទេស គោលការណ៍ច្បាប់ ឬសន្ធីសញ្ញាទាំងអស់ ។ គោលការណ៍ដែលសេសសល់រឿងព្រំដែននោះ កម្ពុជាបានធ្វើការងារជាមួយវៀតណាម និងជាមួយឡាវ រួចហើយ ។
បើតាមការបញ្ជាក់បន្ថែមរបស់ឯកឧត្តម សួស យ៉ារ៉ា បានអះអាងថា ចំពោះបញ្ហាព្រំដែនជាមួយថៃ ថ្នាក់ដឹកនាំកម្ពុជានៅតែរក្សាជំហរក្នុងការគោរពដែនអធិបតេយ្យភាពយ៉ាងរឹងមាំ ។ ឯកឧត្តមសង្កត់ធ្ងន់ថា៖ «ភាគីវៀតណាម និងឡាវ បានឯកភាគថាយើង មិនទុកជម្លោះទៅ ឲ្យកូនចៅយើងតទៅទៀតទេ ត្រូវដោះស្រាយជម្លោះនៅជំនាន់យើងឲ្យហើយ ។ នៅពេលមិន ទាន់មានជម្លោះយើងជជែកពិភាក្សាគ្នាតាមបច្ចេកទេស តាមច្បាប់ យ៉ាងម៉េច! យើងព្រម ព្រៀងគ្នា ទៅ អីញ្ចឹងដូច្នេះហើយ យើងនឹងដោះស្រាយបញ្ហា ព្រំដែនចប់ឲ្យបាន១០០%តែម្តង ហើយឆាប់ទៀត »។
ឯកឧត្តមបានប ន្ថែមថាចំពោះការងារព្រំដែ នគឺជាការបច្ចេកទេស ចំណែកការងារផ្នែកនយោបា យគឺសម្តេចនាយករដ្ឋមន្ត្រី និងការងផ្តល់សច្ចាប័នគឺរដ្ឋសភាជាតិ។ ដូច្នេះក្រោមការដឹកនាំ របស់សម្តេចតេជោហ៊ុន សែនប្រធានគណបក្សប្រជាជនកម្ពុជាលោក មិនទុកមរតកនេះ ជាជម្លោះទេ គឺទុកមរតកជាសន្តិភាព៕
ចែករំលែកព័តមាននេះ