រាជធានីភ្នំពេញ ៖ ជនជាតិបរទេស ចំនួន៤៧៩នាក់ មាន០៨សញ្ជាតិ ត្រូវបានកម្លាំងអគ្គនាយកដ្ឋានអន្តោប្រវេសន៍ ធ្វើការបណ្ដេញចេញពីព្រះរាជាណាចក្រកម្ពុជា តាមច្រកទ្វារអាកាសអន្តរជាតិតេជោ ។ តាមអគ្គនាយកដ្ឋានអន្តោប្រវេសន៍…
រាជធានីភ្នំពេញ ៖ ជនជាតិបរទេស ចំនួន៤៧៩នាក់ មាន០៨សញ្ជាតិ ត្រូវបានកម្លាំងអគ្គនាយកដ្ឋានអន្តោប្រវេសន៍ ធ្វើការបណ្ដេញចេញពីព្រះរាជាណាចក្រកម្ពុជា តាមច្រកទ្វារអាកាសអន្តរជាតិតេជោ ។
តាមអគ្គនាយកដ្ឋានអន្តោប្រវេសន៍ បានឲ្យដឹងថា នៅថ្ងៃទី៥ ខែកុម្ភៈ ឆ្នាំ២០២៦ ដោយអនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្តមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ, ឯកឧត្តម សន្តិបណ្ឌិត និងថ្នាក់ដឹកនាំក្រសួងមហាផ្ទៃ, ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី បន្តធ្វើការបណ្តេញជនបរទេសសរុបចំនួន ៤៧៩នាក់ (ស្រី១០៤នាក់) មាន ៨សញ្ជាតិ រួមមាន៖ ហ្វីលីពីន, ឥណ្ឌា, ឥណ្ឌូនេស៊ី, ប៉ាគីស្ថាន, ចិន, កូរ៉េ, បង់ក្លាដេស និងម៉ាឡេស៊ី ក្នុងនោះ មានជនជាតិចិន (២៤១នាក់) ជនជាតិហ្វីលីពីន (១៩០នាក់) ចេញពីព្រះរាជាណាចក្រកម្ពុជា តាមតាមប៉ុស្តិ៍នគរបាលច្រកទ្វារអាកាសអន្តរជាតិតេជោ ។
តាមអគ្គនាយកដ្ឋានអន្តោប្រវេសន៍ បានឲ្យដឹងទៀតថា ជនជាតិបរទេស ដែលត្រូវបណ្តេញចេញនោះពាក់ព័ន្ធករណីលួចឆ្លងដែន និងស្នាក់នៅធ្វើការងារខុសច្បាប់ ក្នុងព្រះរាជាណាចក្រកម្ពុជា ៕
ចែករំលែកព័តមាននេះ