យោងតាមការផ្សាយរបស់សារព័ត៌មានបរទេស សាច់អន្ទង់ត្រូវបានគេប្រសិទ្ធនាមថាជា «ស្ដេចត្រីទឹកសាប» ដោយសារវាជាកំពូលអាហារដែលសម្បូរទៅដោយសារធាតុចិញ្ចឹមខ្ពស់បំផុត។ យោងតាមវេជ្ជសាស្ត្របុរាណចិន សាច់អន្ទង់មានរសជាតិផ្អែម និងមានជាតិក្ដៅ ដែលជួយបំប៉នថាមពល និងឈាមឱ្យរត់បានល្អ។ ចំណែកវេជ្ជសាស្ត្រសម័យទំនើបបានបង្ហាញថា…
យោងតាមការផ្សាយរបស់សារព័ត៌មានបរទេស សាច់អន្ទង់ត្រូវបានគេប្រសិទ្ធនាមថាជា «ស្ដេចត្រីទឹកសាប» ដោយសារវាជាកំពូលអាហារដែលសម្បូរទៅដោយសារធាតុចិញ្ចឹមខ្ពស់បំផុត។
យោងតាមវេជ្ជសាស្ត្របុរាណចិន សាច់អន្ទង់មានរសជាតិផ្អែម និងមានជាតិក្ដៅ ដែលជួយបំប៉នថាមពល និងឈាមឱ្យរត់បានល្អ។ ចំណែកវេជ្ជសាស្ត្រសម័យទំនើបបានបង្ហាញថា ត្រឹមតែសាច់អន្ទង់ ១០០ ក្រាម គឺអាចផ្ដល់វីតាមីន A និង B12 គ្រប់គ្រាន់សម្រាប់តម្រូវការប្រចាំថ្ងៃរបស់មនុស្សពេញវ័យ រួមទាំងវីតាមីន D ដែលជួយពង្រឹងប្រព័ន្ធការពាររាងកាយ និងឆ្អឹងឱ្យរឹងមាំ។
ចំពោះអ្នកដែលមានបញ្ហាសុខភាពដូចជា ជំងឺទឹកនោមផ្អែម និងជំងឺបេះដូង សាច់អន្ទង់គឺជាជម្រើសដ៏ស័ក្តិសមបំផុត ព្រោះវាមានជាតិខ្លាញ់ឆ្អែតទាប ប៉ុន្តែសម្បូរទៅដោយអាស៊ីតខ្លាញ់អូមេហ្គា-៣ និងអូមេហ្គា-៦។ សារធាតុទាំងនេះជួយកាត់បន្ថយហានិភ័យនៃជំងឺដាច់សរសៃឈាមខួរក្បាល បញ្ចុះកូឡេស្តេរ៉ុល និងជួយឱ្យអារម្មណ៍ស្រស់ស្រាយ កាត់បន្ថយភាពតានតឹង និងការបាក់ទឹកចិត្ត។ ពិសេសសម្រាប់សុភាពនារី សាច់អន្ទង់គឺជា «ឱសថទិព្វ» សម្រាប់សម្រស់ ដោយសារវាមានជាតិកូឡាជែនខ្ពស់ ដែលជួយកាត់បន្ថយស្នាមជ្រីវជ្រួញ ធ្វើឱ្យស្បែក សក់ និងក្រចកមានសុខភាពល្អ ព្រមទាំងជួយជួសជុលកោសិកាស្បែកដែលខូចខាតបានយ៉ាងរហ័ស។
ទោះបីជាសាច់អន្ទង់មានគុណប្រយោជន៍ច្រើនយ៉ាងណាក៏ដោយ អ្នកជំនាញនៅតែណែនាំឱ្យអ្នកទទួលទានវាឱ្យមានតុល្យភាពជាមួយមុខម្ហូបផ្សេងៗទៀត ដើម្បីធានាថាជារាងកាយទទួលបានក្រុមសារធាតុចិញ្ចឹមចម្រុះ និងគ្រប់គ្រាន់៕
ចែករំលែកព័តមាននេះ