យោងតាមការផ្សាយរបស់សារព័ត៌មានបរទេស ជាតិកាហ្វេអ៊ីនដែលមាននៅក្នុងកាហ្វេ តែបៃតង និងភេសជ្ជៈប៉ូវកម្លាំង មានសមត្ថភាពជួយឱ្យស្មារតីស្វាង និងបង្កើនការផ្ដោតអារម្មណ៍បានយ៉ាងល្អប្រសើរនៅពេលធ្វើការ។ ទោះជាយ៉ាងណា ការប្រើប្រាស់លើសកម្រិតអាចបណ្ដាលឱ្យមានផលប៉ះពាល់អវិជ្ជមានដូចជា បញ្ហាគេងមិនលក់ រសាប់រសល់…
យោងតាមការផ្សាយរបស់សារព័ត៌មានបរទេស ជាតិកាហ្វេអ៊ីនដែលមាននៅក្នុងកាហ្វេ តែបៃតង និងភេសជ្ជៈប៉ូវកម្លាំង មានសមត្ថភាពជួយឱ្យស្មារតីស្វាង និងបង្កើនការផ្ដោតអារម្មណ៍បានយ៉ាងល្អប្រសើរនៅពេលធ្វើការ។ ទោះជាយ៉ាងណា ការប្រើប្រាស់លើសកម្រិតអាចបណ្ដាលឱ្យមានផលប៉ះពាល់អវិជ្ជមានដូចជា បញ្ហាគេងមិនលក់ រសាប់រសល់ ឈឺក្បាល វិលមុខ និងអារម្មណ៍ឆាប់ខឹង។
យោងតាមក្រុមជំនាញអាហារូបត្ថម្ភអាម៉េរិក ដើម្បីចៀសវាងគ្រោះថ្នាក់ដល់សុខភាព មនុស្សពេញវ័យមិនគួរទទួលទានជាតិកាហ្វេអ៊ីនលើសពី ៤០០ មិល្លីក្រាមក្នុងមួយថ្ងៃឡើយ ដែលបរិមាណនេះប្រហាក់ប្រហែលនឹងកាហ្វេពី ៤ ទៅ ៥ កែវប៉ុណ្ណោះ។
ដើម្បីទទួលបានអត្ថប្រយោជន៍អតិបរមាពីកាហ្វេ លោកអ្នកគួរចងចាំនូវគោលការណ៍ពេលវេលាដ៏សំខាន់មួយ គឺត្រូវទទួលទានកាហ្វេយ៉ាងហោចណាស់ ៦ ម៉ោងមុនពេលចូលគេង។ ប្រសិនបើលោកអ្នកចូលគេងនៅម៉ោង ១០ យប់ ការឈប់ញ៉ាំកាហ្វេក្រោយម៉ោង ៤ រសៀល គឺជាជម្រើសដ៏ឆ្លាតវៃបំផុតដើម្បីការពារបញ្ហាដំណេក។
ចំពោះបុគ្គលដែលមានរាងកាយងាយប្រតិកម្មជាមួយជាតិកាហ្វេអ៊ីន ឬអ្នកដែលមានបញ្ហាសុខភាពរ៉ាំរ៉ៃ គួរតែមានភាពប្រុងប្រយ័ត្នខ្ពស់ និងពិគ្រោះជាមួយគ្រូពេទ្យ ដើម្បីកំណត់បរិមាណកាហ្វេអ៊ីនដែលស័ក្តិសមបំផុតសម្រាប់រាងកាយខ្លួនឯង៕
ចែករំលែកព័តមាននេះ