ប្រទេសជប៉ុន ៖ នាយករដ្ឋមន្ត្រីជប៉ុនលោកស្រីសាណាអ៊ីតាកាអ៊ីជី កាន់តែត្រូវបានពង្រឹងថែមទៀត កាលពីថ្ងៃទី៦ កុម្ភៈ ដោយសារការប្រកាសគាំទ្ររបស់ប្រធានាធិបតីអាមេរិកលោកដូណាល់ ត្រាំ ខណៈសល់ពេលតែ២ថ្ងៃទៀតដល់ការបោះឆ្នោតសភា មុនកាលកំណត់…
ប្រទេសជប៉ុន ៖ នាយករដ្ឋមន្ត្រីជប៉ុនលោកស្រីសាណាអ៊ីតាកាអ៊ីជី កាន់តែត្រូវបានពង្រឹងថែមទៀត កាលពីថ្ងៃទី៦ កុម្ភៈ ដោយសារការប្រកាសគាំទ្ររបស់ប្រធានាធិបតីអាមេរិកលោកដូណាល់ ត្រាំ ខណៈសល់ពេលតែ២ថ្ងៃទៀតដល់ការបោះឆ្នោតសភា មុនកាលកំណត់ សំដៅឲ្យគណបក្សលោកស្រីទទួលបានសំឡេងភាគច្រើនដាច់ក្នុងសភា ។
ជានារីដំបូងគេ ក្លាយជានាយករដ្ឋមន្ត្រីជប៉ុន លោកស្រីសាណាអ៊ីតាកាអ៊ីជី ជាមេដឹកនាំអភិរក្សនិយមបំផុត ដោយសារលទ្ធផលល្អក្នុងការស្ទាបស្ទង់មតិសាធារណៈសង្ឃឹមថា គណបក្សសេរីប្រជាធិបតេយ្យPLD របស់លោកស្រីនិងក្រុមចម្រុះរដ្ឋាភិបាល នឹងទទួលបានកៅអីសភាច្រើនលើសលុបខណៈក្នុងសភាមុនគណបក្សPLD និងគណគណបក្សជាដៃគូក្នុងក្រុមចម្រុះមានសំឡេងភាគច្រើនប្រផិតប្រផើយប៉ុណ្ណោះ ។
លទ្ធផលនៃការស្ទាបស្ទង់មតិសាធារណៈបង្ហាញថា គណបក្សPLDនឹងបានជ័យជម្នះដាច់ ជាមួយការប្រកាសគាំទ្ររបស់លោកត្រាំកាលពីថ្ងៃទី៥ កុម្ភៈ ។ ក្នុងបណ្ដាញសង្គមTRUTH SOCIAL របស់លោក ប្រធានាធិបតីអាមេរិកសរសេរថា លទ្ធផលនៃការបោះឆ្នោតសភាជប៉ុននោះ ពិតជាសំខាន់ណាស់សម្រាប់អនាគតរបស់ប្រទេស ។
លោកស្រីតាកាអ៊ីជីបានបង្ហាញរួចហើយថា លោកស្រីនឹងជាមេដឹកនាំដ៏រឹងមាំនិងខ្លាំងប្រកបដោយគតិបណ្ឌិត ។ លោកត្រាំថារង់ចាំទទួលលោកស្រី នៅសេតវិមាននាថ្ងៃទី១៩មីនាខាងមុខនេះ ៕
ចែករំលែកព័តមាននេះ