រាជធានីភ្នំពេញ ៖ ការឆ្លងមេរោគអេដស៍ អាចផ្ទុះឡើងវិញ នៅគ្រប់ពេលវេលា បើសិនអត្រាអ្នកឆ្លងជំងឺនេះ ក្នុងមួយថ្ងៃ ឆ្លងមួយនាក់មិនថយចុះ ហើយមានគ្មានការប្រើប្រាស់ស្រោមអនាម័យនៅពេលរួមភេទបានត្រឹមត្រូវ នេះបើតាម…
រាជធានីភ្នំពេញ ៖ ការឆ្លងមេរោគអេដស៍ អាចផ្ទុះឡើងវិញ នៅគ្រប់ពេលវេលា បើសិនអត្រាអ្នកឆ្លងជំងឺនេះ ក្នុងមួយថ្ងៃ ឆ្លងមួយនាក់មិនថយចុះ ហើយមានគ្មានការប្រើប្រាស់ស្រោមអនាម័យនៅពេលរួមភេទបានត្រឹមត្រូវ នេះបើតាម ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ។
ថ្លែងក្នុងកិច្ចប្រជុំ ស្តីពីការប្រកាសការលើកកម្ពស់ការប្រើប្រាស់ស្រោមអនាម័យ និងការឆ្លើយតមទៅនឹងមេរោគអេដស៍ និងជំងឺអេដស៍ចាមួយបណ្តាញសារព័ត៌មាន នារសៀលថ្ងៃទី៤ ខែកុម្ភៈ ឆ្នាំ២០២៦ ឯកឧត្តម អៀង មូលី បានគូសបញ្ជាក់ថា ការប្រើប្រាស់ស្រោមអនាម័យពិតជាមានសារៈសំខាន់ ក្នុងទប់ស្កាត់ការឆ្លងមេរោគអេដស៍ ការឆ្លងជំងឺកាមរោគផ្សេងៗ និងការមិនចង់កូន មានប្រសិទ្ធភាព ។
ឯកឧត្តម បានបន្តថា ការឆ្លងជំងឺអេដស៍ ភាគច្រើន ឆ្លងតាមនារីរកស៊ីសេវាផ្លូវភេទ ការស្រឡាញ់ភេទដូចគ្នា និងអ្នកប្រើប្រាស់គ្រឿងញៀន។ សព្វថ្ងៃនេះ អត្រាឆ្លងជំងឺអេដស៍ ដោយសារអ្នកឆ្លងមេរោគអេដស៍ហើយ មិនបានទៅធ្វើតេសរកមេរោគអេដស៍ ហើយទៅប្រព្រឹត្តការរួមភេទ ជាមួយដៃគូ ខ្លួនមិនបានប្រើប្រាស់ស្រោមអនាម័យ ។
ឯកឧត្តម ក៏បានលើកឡើងថា ដើម្បីទប់ស្កាត់ការឆ្លងមេរោគអេដស៍ រាជរដ្ឋាភិបាល បានចេញគោលនយោបាយ ដើម្បីលើកទឹកចិត្តដល់អ្នកដឹងខ្លួន ឬសង្ស័យផ្ទុយមេរោគនេះ ដើម្បីទៅធ្វើតេស្តរកមេរោគអេដស៍ ដោយផ្តល់គោលការណ៍មួយចំនួន ដូចជាការផ្តល់ប័ណ្ណ ប.ស.ស ដល់ពួកគាត់ និងផ្តល់សេវាព្យាបាលជូនគាត់ ។
ឯកឧត្តម ទេសរដ្ឋមន្ត្រី អៀង មូលី ក៏បានលើកឡើងថា ស្រោមអនាម័យ មានសារៈសំខាន់ណាស់ ដូច្នេះត្រូវតែធ្វើការផ្សព្វផ្សាយឲ្យបានទូលំទូលាយ ដែលរាជរដ្ឋាភិបាល ចង់បានក្នុងលុបបំបាត់ការឆ្លងជំងឺអេដស៍នេះ ។
ជាមួយគ្នានោះដែរ ឯកឧត្តម ក៏បានលើកឡើងថា ការទប់ស្កាត់ការឆ្លងជំងឺអេដស៍ ត្រូវមានការចូលរួមសហការពីអង្កការដៃគូនានា ក្នុងការជួយផ្សព្វផ្សាយពន្យល់ឲ្យប្រជាពលរដ្ឋ ពិសេសយុវជន ឲ្យបានដឹងពីហានិភ័យ ពីការឆ្លងជំងឺអេដស៍ និងការទប់ស្កាត់ការឆ្លងមេរោគអេដស៍ និងជំងឺកាមរោគផ្សេងៗទៀត ។
លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ី អង្កការមូលនិធិ ថែទាំសុខភាព អ្នកឆ្លងជំងឺអេដស៍ បានលើកឡើងថា ការផ្សព្វផ្សាយ ស្តីពីការលើកកម្ពុជា ការប្រើប្រាស់ស្រោមអនាម័យ កុំស្ទាក់ស្ទើរនេះ មិនមានន័យថា មានការលើកទឹកចិត្តឲ្យមានការរួមភេទនោះទេ ព្រោះថា ការផ្សព្វផ្សាយនេះ ដើម្បីឲ្យមានការយល់ដឹងពីការទប់ស្កាត់ការឆ្លងមេរោគអេដស៍ ក៏ដូចមេរោគផ្សេងទៀត បើមិនបានប្រើប្រាស់ស្រោមអនាម័យ ។
លោកវេជ្ជបណ្ឌិត បានបន្តថា ការផ្សព្វផ្សាយការប្រើប្រាស់ស្រោមអនាម័យ ជាមួយនឹងសារ សាមញ្ញមួយ “កុំស្ទាក់ស្ទើរប្រើស្រោមអនាម័យ!” ស្រោមអនាម័យ ដែលជាឧបករណ៍ដ៏មានឥទ្ធិពលបំផុត និងចំណាយតិចបំផុតមួយ ក្នុងការបង្ការមេរោគអេដស៍ និងជំងឺកាមរោគឲ្យមានការចាប់អារម្មណ៍ឡើងវិញ ពីការការការពារ និងគ្មានការរើសអើង ។
គោលនយោបាយប្រើប្រាស់ ស្រោមអនាម័យ ១០០ភាគរយ របស់រាជរដ្ឋាភិបាលកម្ពុជា ខណៈដែលការដឹកនាំ និងការប្តេជ្ញាចិត្តយ៉ាងមុតមាំ ក្នុងការបង្ការមេរោគអេដស៍ និងសុខភាពសាធារណៈ នៅពេលយើងកំពុងប្រឈមមុខនឹងពេលវេលាដ៏សំខាន់មួយ ក្នុងការបង្ការមេរោគអេដស៍ និងជំងឺកាមរោគ មិនត្រឹមតែនៅក្នុងប្រទេសកម្ពុជាប៉ុណ្ណោះទេ ប៉ុន្តែនៅទូទាំងតំបន់ និងទូទាំងពិភពលោក។
លោកវេជ្ជបណ្ឌិត បានបន្ថែមថា ទោះជាមូលនិធិសម្រាប់កម្មវិធីសុខភាព កំពុងថយចុះ ប៉ុន្តែហានិភ័យ នៃការឆ្លងមេរោគអេដស៍ និងជំងឺកាមរោគ មិនទាន់បានថយចុះនៅឡើយទេ។ នៅក្នុងបរិបទនេះស្រោមអនាម័យមានសារៈសំខាន់ជាងពេលណាៗទាំងអស់ នៅតែជាមធ្យាបាយមួយ ក្នុងចំណោមមធ្យាបាយផ្សេងៗទៀតមានតម្លៃ សមរម្យ និងមានប្រសិទ្ធភាពបំផុត ដែលយើងមាន ដើម្បីបង្ការមេរោគអេដស៍ ជំងឺឆ្លងតាមការរួមភេទផ្សេងទៀត និងការមានផ្ទៃពោះដោយមិនបានគ្រោងទុក ។ ស្រោមអនាម័យ មិនមែនជាបច្ចេកវិទ្យាថ្មីទេ ប៉ុន្តែវាត្រូវបានបញ្ជាក់ឱ្យឃើញថា វាអាចទុកចិត្តបាន និងមានឥទ្ធិពលខ្លាំង។ វាផ្តល់ការការពារពីរយ៉ាង គឺវាការពារប្រឆាំងនឹងមេរោគអេដស៍ និងជំងឺកាមរោគផ្សេងទៀត ហើយវាក៏ការពារការមានផ្ទៃពោះ ។
លោកវជ្ជបណ្ឌិត ថា ៖«ប្រទេសកម្ពុជា បានបង្ហាញភាពជាអ្នកដឹកនាំដ៏រឹងមាំរួចហើយ តាមរយៈគោលនយោបាយប្រើប្រាស់ស្រោមអនាម័យ ១០០ភាគរយ ជាពិសេសនៅក្នុងគ្រឹះស្ថានកម្សាន្តនានា។ គោលនយោបាយនេះបានជួយសង្គ្រោះជីវិត និងបង្ហាញថា នៅពេលដែលមានគោលការណ៍ច្បាស់លាស់ ការប្តេជ្ញាចិត្ត និងកិច្ចសហប្រតិបត្តិការនិង ឥរិយាបថអាចផ្លាស់ប្តូរ ដែលនាំឳ្យសុខភាពសាធារណៈប្រសើរឡើង !»៕
ចែករំលែកព័តមាននេះ